MATTHEW 8:25 - Edisana ñwed Abasi Ibom

²⁵ Ndien mmɔ edi edidemere Enye, ete, Ɔbɔŋ, nyaŋa nnyin; imɔŋ itak.

MATTHEW 8:25 ပူးပေါင်းရင်းမြစ်များ

2 CHRONICLES 14:11

Ndien Asa eseme ɔnɔ Jehovah Abasi esie, ete, O Jehovah baba kiet ke mibɔhɔke afo ikemeke ndinyaŋa ke ufɔt mkpɔsɔŋ owo ye mmeme: nyaŋa nnyin, O Jehovah Abasi nnyin; koro nnyin ibɔbuɔt idem nnyin ye afo, inyuŋ ida enyiŋ fo ika ndiŋwana ye akwa otu emi. O Jehovah, afo edi Abasi nnyin; kuyak owo ɔsɔŋ akan fi.

2 CHRONICLES 20:12

O Abasi nnyin nte afo udukpehe ikpe ye mmɔ? koro nnyin minyeneke odudu ke iso akwa otu owo emi edide ndiŋwana ekɔŋ ye nnyin? nnyin inyuŋ ifiɔkke se nnyin idinamde: edi nnyin idori enyin ye afo.

ŊWED MME PSALM 10:1

O JEHOVAH, nsinam afo adade anyan ebiet? Nsinam odibede ke ini nnanenyin?

JONAH 1:6

Ndien etubom asaŋa ekpere enye, onyuŋ ɔdɔhɔ enye, ete, Nsinam afo edede ɔkpɔsɔŋ idap ntem? daha ke enyɔŋ, fiori kot Abasi fo, mme Abasi eyekere nnyin, man ikutak.

MATTHEW 8:2

Ndien sese, owo akpa-mfia kiet asaŋa ekpere Enye, edituak ibuot ɔnɔ Enye, ete, Ɔbɔŋ, edieke onyimede, emekeme ndinam mi nsana.

MATTHEW 8:24

Ndien sese, akwa oyobio otibe ke inyaŋ, tutu mbufut ke ofofuk ubom: edi Enye ɔduɔ idap.

MATTHEW 9:18

Nte Enye etetiŋ ntem ye mmɔ, sese, ɔbɔŋ kiet edi edituak ibuot ɔnɔ Enye ete, Eyen mi aŋwan ama akpa kpa idem idahaemi; edi di didori enye ubɔk, ndien enye eyedu uwem.

LUKE 8:24

Edi mmɔ edi edidemere Enye, ete, Andikpep, Andikpep, nnyin imatak. Edi Enye edemere, asua ɔnɔ ofim ye mbufut mmɔŋ: ndien mmɔ edobo, ena suŋ-ŋ.