MATTHEW 8:18 - Edisana ñwed Abasi Ibom

¹⁸ Edi ke ini Jesus okutde nte ediwak otu owo ekande Enye ekuk, enye ɔnɔ uyo ete mme imɔ idaha ika ke edem oko.

MATTHEW 8:18 ပူးပေါင်းရင်းမြစ်များ

MATTHEW 14:22

Ekem Enye enyik mbet Esie ediere ke ubom, ete, ebem Imɔ iso eka ke edem eken, tutu Imɔ idɔŋ mme otu owo enyɔŋɔ.

MATTHEW 8:1

KE ini Enye otode ke obot ɔsuhɔre, ediwak otu owo etiene Enye.

MARK 4:35

Ndien ke usen oro, ke ini osimde mbubreyo, Enye ɔdɔhɔ mmɔ ete, Eyak iwat ibe ika ke edem oko.

MARK 5:21

Ekem ke ini Jesus ama ɔkɔtɔŋɔ ntak ebe inyaŋ ke ubom osim edem eken, akwa otu owo ebono etiene Enye: Enye onyuŋ odu ke mben inyaŋ.

MARK 6:45

Ndien idaha oro Enye enyik mbet Esie ediere ke ubom, ete ebem Imɔ iso eka ke Bethsaida ke edem eken, tutu Imɔ ke Idem Imɔ idɔŋ otu owo enyɔŋɔ.

MARK 8:13

Ndien Enye ɔkpɔŋ mmɔ, ɔtɔŋɔ ntak ediere ke ubom, ebe aka ke edem oko.

LUKE 8:22

Edikem ke usen kiet, Enye ediere ke ubom ye mbet Esie, ete mmɔ, Eyak iwat ibe ika ke edem inyaŋ oko: ntre ke mmɔ esio.

JOHN 6:15

Ntem ke ini Jesus ɔfiɔkde ete mmɔ eyom ndidi ndimum Imɔ nnim ke edidem, Enye ɔtɔŋɔ ntak afiak ɔdɔk ke akamba obot ke Idem Esie ikpɔŋ.