MATTHEW 8:15 - Edisana ñwed Abasi Ibom

¹⁵ Ndien otuk enye ke ubɔk, ufiop-idem onyuŋ ɔkpɔŋ enye, enye onyuŋ adaha ke enyɔŋ anam ŋkpɔ ɔnɔ Enye.

MATTHEW 8:15 ပူးပေါင်းရင်းမြစ်များ

2 NDIDEM 13:21

Edikem ke ini mmɔ ebukde owo kiet, sese, mmɔ ekut udim owo; ndien mmɔ etop owo oro esin ke udi Elisha: ndien ke ini owo oro osimde mme ɔkpɔ Elisha, onyuŋ otukde mmɔ, enye eset, onyuŋ adaha ada ke ukot esie.

ISAIAH 6:7

ndien enye ada enye otuk mi ke mkpɔk-inua, onyuŋ ɔdɔhɔ ete, Sese, emi omutuk fi ke mkpɔk-inua: omonyuŋ osio isop idiɔk ido fo.

MATTHEW 14:36

enyuŋ ekpe Enye ubɔk ete mmɔ oro etuk ekpedi nnyeriye ɔfɔŋidem Esie ikpɔŋ: ndien adaŋa ibat owo nte etukde ekop nsɔŋidem.

MATTHEW 20:34

Edi Jesus okop mbɔm, otuk mmɔ enyin; ndien ndo-ndo oro mmɔ ekut usuŋ enyuŋ etiene Enye.

MATTHEW 8:14

Ekem ke ini Jesus odukde ke ufɔk Peter, Enye okut eka ŋwan esie nte anade ɔdɔŋɔ ufiop-idem.

MATTHEW 8:16

Edi ke ini osimde mbubreyo, eda ediwak owo eke enyenede demon esɔk Enye: Enye onyuŋ ada ikɔ inua Esie ebin mme demon ɔduɔk, onyuŋ anam kpukpru mbon udɔŋɔ ekop nsɔŋ-idem:

MATTHEW 8:3

Ndien Jesus anyan ubɔk, otuk enye, ete, Mmonyime, sana. Ndien ndo-ndo oro owo oro asana ɔbɔhɔ akpa-mfia esie.

MATTHEW 9:20

Ndien sese, ŋwan kiet, emi ɔkɔdɔŋɔdɔ eriwɔrɔ-iyip isua duop-eba, etiene Jesus ke edem edituk nnyeriye ɔfɔŋidem Esie:

MATTHEW 9:29

Ekem Enye otuk mmɔ ubɔk ke enyin, ete mmɔ, Yak osu ɔnɔ mbufo nte mbuɔtidem mbufo edide.

MARK 1:29

Ekem idaha oro, ke ini mmɔ ewɔrɔde ke synagogue, mmɔ esaŋa ye James ye John eduk ke ufɔk Simon ye Andrew.

MARK 1:41

Ndien mbɔm anam Jesus, Enye onyuŋ anyanare ubɔk otuk enye ete, Mmonyime, sana.

LUKE 8:54

Edi Jesus omum enye ke ubɔk, okot enye ete, Enyen-aŋwan, daha ke enyɔŋ.