MATTHEW 7:25 - Edisana ñwed Abasi Ibom

²⁵ ndien edim edep, mmɔŋ ukwɔ onyuŋ edi, ofim onyuŋ abara, ebere ufɔk oro; ndien enye iduɔhɔ, koro ebɔpde enye ke enyɔŋ akamba itiat.

MATTHEW 7:25 ပူးပေါင်းရင်းမြစ်များ

MME ŊKE 10:25

Nte oyobio ebede, kpa ntre idiɔk owo ididuhe aba: edi ama edi eti owo, nsinsi itie odu.

MALACHI 3:3

enye onyuŋ etie etem silver onyuŋ anam asana: onyuŋ anam nditɔ Levi esana, onyuŋ ɔdiɔŋ mmɔ nte gold ye silver, man mmɔ ewa uwa enɔ Jehovah nte enende.

MATTHEW 16:18

Ami mmonyuŋ ndɔhɔ fi nte, Afo edi Peter, ndien nyebɔp ufɔk Mi ke enyɔŋ itiat emi, mme inua-etop Hades idinyuŋ ikanke enye.

MATTHEW 7:24

Mmɔdo kpukpru owo eke ekopde ikɔ Mi emi, enyuŋ enimde mmɔ, nyedomo enye ye enyene-ibuot owo emi ɔbɔpde ufɔk esie ke enyɔŋ akamba itiat:

MATTHEW 7:26

Ndien kpukpru owo eke ekopde ikɔ Mi emi, ndien minimke, eyedomo enye ye ndisime owo emi ɔbɔpde ufɔk esie ke enyɔŋ utan:

MATTHEW 7:27

ndien edim edep, mmɔŋ ukwɔ onyuŋ edi, ofim onyuŋ abara, ebere ufɔk oro: ndien enye ɔduɔ: ŋwure esie onyuŋ okpon.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

ŊWED MBON EPHESUS 3:17

Christ akpakam onyuŋ oduŋ ke esit mbufo oto ke mbuɔtidem; mbufo ekpekam enyuŋ emum ŋkam enyuŋ esɔŋɔ ewuhɔ ke ima,

ŊWED MBON COLOSSAE 2:7

yak mbufo emum ŋkam, enyuŋ ekɔri edaha eda ke Enye, enyuŋ edɔdiɔŋ esɔŋɔ eda ke mbuɔtidem, kpa nte ekekpepde mbufo, enyuŋ enɔ Abasi ekɔm eti-eti.

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

1 JOHN 2:19

Mmɔ eto ke otu nnyin ewɔŋɔ, edi mmɔ idige eke nnyin; koro edieke mmɔ ekpedide eke nnyin, mmɔ ekpemana etie ye nnyin; edi mmɔ edaha ewɔŋɔ, man eyarare efiɔk ete, kpukpru mmɔ idige eke nnyin.