MATTHEW 7:2 - Edisana ñwed Abasi Ibom

² Koro nte mbufo esioŋode owo ndo, kpa ntre ke edisioŋo mbufo ndo. Ndien udomo eke mbufo edade edomo, ke edida edomo enɔ mbufo.

MATTHEW 7:2 ပူးပေါင်းရင်းမြစ်များ

2 SAMUEL 21:5

Ndien mmɔ ebɔrɔ edidem, ete, Owo oro akabiatde nnyin, okonyuŋ aduakde ete isobo ifep, ikutie aba ke ofuri adaŋa Israel,

ŊWED MME PSALM 109:17

Ndien enye akama isuŋi, ndien isuŋi omosim enye: enye inyuŋ imaŋa ekɔm, ndien ekɔm ɔmɔkpɔŋ enye anyan ebiet.

EXODUS 21:24

enyin ke enyin, edet ke edet, ubɔk

ISAIAH 33:1

IFƆNKE fɔn inɔ fi emi obumede, ndien mibumeke fi; emi onyuŋ owode ŋwo, ndien miwoho ŋwo ye afo! ke ini afo etrede ndibume eyebume fi; ama onyuŋ owo ŋwo ama, eyewo ŋwo ye afo.

JEREMIAH 34:17

Mmɔdo ntem ke Jehovah ɔdɔhɔ, ete, Mbufo ikopke uyo mi ndikwɔrɔ uwɔrɔ ufin nnɔ nditɔ-ete mbufo ye mbɔhiduŋ mbufo: sese, Jehovah ɔdɔhɔ, ete, Ami mmɔŋ ŋkwɔrɔ ufin nnɔ mbufo nnɔ ofut ye idiɔk udɔŋɔ ye biɔŋ; nyenyuŋ nda mbufo nnɔ man edi se etukde ke kprukpru mme idut ererimbot.

JEREMIAH 51:24

Mma nnyuŋ nnɔ Babylon ye kpukpru mme andiduŋ Chaldea utip ofuri idiɔk ido mmɔ oro mmɔ ekenamde ke Zion ke iso mbufo. Uyo Jehovah edi emi.

OBADIAH 1:15

Koro usen emi Jehovah edinamde ikɔ ye kpukpru mme idut emekpere: kpa nte afo akanamde, kpa ntre ke edinam ye afo: utip fo eyefiak ɔtɔ fi ke ibuot.

MATTHEW 6:14

Koro edieke mbufo edahadedo enɔ owo ke ndudue mmɔ, Ete mbufo ke heaven eyenyuŋ adahado ɔnɔ mbufo.

MARK 4:24

Enye onyuŋ ɔdɔhɔ mmɔ ete, Etiŋ enyin ekpeme se mbufo ekopde. Udomo eke mbufo edade edomo enɔ owo, ke eyeda edomo enɔ mbufo, eyenyuŋ ekɔrɔ enɔ mbufo.

LUKE 6:38

Enɔ, ndien eyenɔ mbufo; eyedomo ɔyɔhɔ udomo eke emiŋde ɔsuhɔre, eke enyeŋede, onyuŋ ɔyɔhɔde ɔduɔhɔ, esin mbufo ke ɔfɔŋ. Koro udomo eke mbufo edade edomo enɔ owo, ke edida edomo enɔ mbufo.

2 ŊWED CORINTH 9:6

Edi emi ke ndɔhɔ; owo eke ɔtɔde ke ufat eyenyuŋ ɔdɔk ke ufat; owo ke eke ɔtɔde ke ntarubɔk, uwak-uwak ke enye eyenyuŋ ɔdɔk.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

ERIYARARE 18:6

Nɔ enye usiene kpa nte enye ɔkɔnɔde, nyuŋ nɔ enye ubiom-ikpe esie utim ikaba, nte ekemde ye se enye akanamde. Ke cup emi enye akabuakde ŋkpɔ ke esit ebuak enɔ enye utim ikaba.

JUDGES 1:7

Ndien Adoni-bezek ɔdɔhɔ, ete, Ndidem ata ye duop, emi ekekpokde mmɔ obodom nnuenubɔk ye obodom nnuenukot etetaŋ ŋkpɔ ke idak okpokoro mi: kpa nte ŋkanamde, kpa ntre ke Abasi onyuŋ anam mi usiene. Ndien mmɔ eda enye edi ke Jerusalem, ndien enye akpa do.

JUDGES 5:27

Enye (Sisera) ɔnuhɔ ke ukot esie, ɔduɔ, ana, ke ukot esie ke enye ɔnuhɔ, ɔduɔ, ke ɔtɔ oro enye ɔnuhɔde do ke enye ɔduɔ ana akpa.

1 SAMUEL 15:33

Ndien Samuel ɔdɔhɔ ete, Kpa nte ofut fo ama ɔkɔbɔ iban nditɔ, kpa ntre ŋko ke uka edinana eyen akan iban. Ndien Samuel okpok Agag mbio-mbio ke iso Jehovah ke Gilgal.