MATTHEW 7:19 - Edisana ñwed Abasi Ibom

¹⁹ Ekpi kpukpru eto eke miŋwumke eti mfri eduɔk, emen, etop, esin ke ikaŋ.

MATTHEW 7:19 ပူးပေါင်းရင်းမြစ်များ

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

DANIEL 4:14

enye ofiori ɔkpɔsɔŋ, onyuŋ ɔdɔhɔ ntem, ete, Mbufo ekpi eto emi, enyuŋ ekpok ŋkɔk esie, ekeŋ ikɔŋ esie, enyuŋ eduɔŋɔ mfri esie: yak mme unam edaŋa ekpɔŋ mfut esie, yak mme inuen enyuŋ ekpɔŋ ŋkɔk esie:

MATTHEW 3:10

Edi kpa idahemi emonim ekudi ke itak eto: ntre ke ekpi kpukpru eto eke miŋwumke mfri eke eyede eduɔk, emen, esin ke ikaŋ.

MATTHEW 7:18

Eti eto ikemeke ndiŋwum idiɔk mfri, mbiara eto inyuŋ ikemeke ndiŋwum eti mfri.

LUKE 3:9

Edi kpa idahemi emenim ekudi ke etak eto: ntre ke ekpi kpukpru eto eke miŋwomke eti mfri eduɔk, emen, esin ke ikaŋ.

TITUS 3:14

Nyuŋ dɔhɔ ikɔt nnyin ete, enyene eti ubɔk-utom kabaŋa se edinade nte mmɔ enam, mbak mmɔ edinana mfri.

MME HEBREW 6:8

Edi edieke isɔŋ oro osioŋode ŋkukim ye mbara-ekpe, esin enye, onyuŋ osuk esisit esuŋi enye; ndien ana nte efɔp enye ke ikaŋ ke ukperedem.

JUDE 1:12

Mmɔ edi ndibe-ndibe itiat ke itie usɔrɔ-ima mbufo, ke ini mmɔ ediade udia ye mbufo; inamke mmɔ ndik ndibɔk idem mmɔ. Mmɔ edi idiɔk enyɔŋ eke misioŋoke edim, eke ofim onyuŋ ɔkpɔride ada ebe; mmɔ ebiet eto ndaeyo eke minyeneke mfri, eke ama akpa ama, owobere ɔduɔ;