MATTHEW 7:17 - Edisana ñwed Abasi Ibom

¹⁷ Ntre ke kpukpru eti eto eŋwum eti mfri; edi mbiara eto oŋwum idiɔk mfri.

MATTHEW 7:17 ပူးပေါင်းရင်းမြစ်များ

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

JEREMIAH 11:19

Ndien ami mbiet suŋ-suŋ eyen erɔŋ eke edade ekewot. Ndien ami mfiɔkke nte ekeduakde uduak ebaŋa mi, ete, Eyak nnyin isobo eto ye mfri esie, inyuŋ isibe enye ifep ke isɔŋ mme andidu uwem: ndien mmɔ iditihi aba enyiŋ esie.

JEREMIAH 17:8

Ŋkɔm enye eyebiet eto eke etɔde ke mben mmɔŋ, eke otopde oruŋ esie ke mben akpa, idinyuŋ ikwe ini eke ufiop edide, edi ikɔŋ esie eyedi awawa; idinyuŋ ifeheke ndik ke isua eke eyo adade, idinyuŋ itreke ndiŋwum mfri.

MATTHEW 7:18

Eti eto ikemeke ndiŋwum idiɔk mfri, mbiara eto inyuŋ ikemeke ndiŋwum eti mfri.

ŊWED MBON EPHESUS 5:9

esaŋa nte nditɔ uŋwana (koro mfri eke otode uŋwana esine ke kpukpru nti ido ye edinen ido ye akpanikɔ);

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

ŊWED MBON COLOSSAE 1:10

man mbufo esaŋa ke ido nte odotde Ɔbɔŋ, enem Enye esit ke kpukpru usuŋ, enyuŋ eŋwum mfri ke erinam kpukpru nti utom, enyuŋ ekɔri ke ifiɔk Abasi:

JUDE 1:12

Mmɔ edi ndibe-ndibe itiat ke itie usɔrɔ-ima mbufo, ke ini mmɔ ediade udia ye mbufo; inamke mmɔ ndik ndibɔk idem mmɔ. Mmɔ edi idiɔk enyɔŋ eke misioŋoke edim, eke ofim onyuŋ ɔkpɔride ada ebe; mmɔ ebiet eto ndaeyo eke minyeneke mfri, eke ama akpa ama, owobere ɔduɔ;