MATTHEW 7:15 - Edisana ñwed Abasi Ibom

¹⁵ Ekpeme idem mbak prophet abiaŋa emi efɔrɔde ikpa erɔŋ edi ke ɔtɔ mbufo, kpa ke ini mmɔ edide anawuri-ekpe ke esit mmɔ.

MATTHEW 7:15 ပူးပေါင်းရင်းမြစ်များ

1 NDIDEM 13:18

Ndien enye eken ete, Ami nde-nde ndi prophet kpa nte afo, ndien angel kiet ɔkɔdɔhɔ mi ke uyo Jehovah, ete, Da enye fiak ye afo ke ufɔk fo, man enye adia ŋkpɔ, onyuŋ ɔŋwɔŋ mmɔŋ; edi enye osusu ɔnɔ enye.

JEREMIAH 29:21

ntem ke Jehovah mme udim, Abasi Israel, ɔdɔhɔ Ahab eyen Kolaiah, ye Zedekiah eyen Maaseiah, emi eketiŋde nsunsu o-prophecy enɔ mbufo ke enyiŋ mi: sese, nyemen mmɔ nsin Nebuchadrezzar edidem Babylon ke ubɔk; ndien enye eyewot mmɔ ke iso mbufo.

JEREMIAH 29:32

mmɔdo ntem ke Jehovah ɔdɔhɔ ete, Sese, ami mmɔŋ nda ufen ntiene Shemaiah Nehelamite ye ubon esie: enye idinyeneke baba owo kiet eke editiede ke otu mbio-obio emi; idinyuŋ ikwe mfɔn eke ami ndinamde ye mbio-obio emi; koro enye ɔkɔdɔhɔde ikɔ emiom ye Jehovah. Uyo Jehovah edi emi.

EZEKIEL 13:16

Kpa mme prophet Israel emi etiŋde prophecy ebaŋa Jerusalem, enyuŋ ekutde ŋkukut ifure enɔ enye, ndien ifure iduhe. Uyo Ɔbɔŋ Jehovah edi emi.

EZEKIEL 13:22

Koro mbufo edade nsu eyat edinen owo esit, emi ami mmenyatke; enyuŋ esɔŋde mme idiɔk owo ubɔk, man enye okukpɔŋ idiɔk ido esie afiak, man enim enye uwem:

EZEKIEL 22:25

Odu mme prophet esie odu ke esit, kpa nte lion okunide awai ŋkpɔ; mmɔ emeta ukpɔŋ; emeda inyene ye ŋkpɔuto: emenam mme ebe-akpa esie ewak ke esit.

EZEKIEL 22:27

Mbɔŋ esie ke otu mmɔ ebiet wolf eke ewaide ŋkpɔ, ke eriduɔk iyip, nnyuŋ nsobo ukpɔŋ, man mmɔ edia udori utuk.

DANIEL 11:34

Ndien adaŋemi mmɔ eduɔŋɔde, eyenɔ mmɔ uŋwam esisit: ndien ediwak owo eyeda nnem-inua eyire ye mmɔ.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

ZECHARIAH 13:4

Ndien ama ekem ke usen oro, but eyenam kpukpru mme prophet abaŋa ŋkukut mmɔ, ke ini mmɔ etiŋde prophecy; ndien mmɔ idisineke ɔfɔŋ-idem idet man ebiaŋa owo.

MATTHEW 10:17

Edi ekpeme idem ye owo; koro mmɔ eyeyak mbufo esin ke ubɔk mme esop, ndien eyemia mbufo ke mme synagogue mmɔ;

MATTHEW 16:11

Nsidi ntak eke mbufo mitimke ifiɔk ite, idige uyo ke ntiŋ ye mbufo mbaŋa? Edi ndɔhɔ mbufo nte, ekpeme idem mbufo mbak leaven mme Pharisee ye mme Sadducee.

MATTHEW 16:6

Edi Jesus ɔdɔhɔ mmɔ ete, Etiŋ enyin ekpeme idem mbak leaven mme Pharisee ye mme Sadducee.

MATTHEW 24:11

Ndien ediwak prophet nsu eyedaha eda enam ediwak owo ewaha ekpɔŋ usuŋ.

MATTHEW 7:14

Koro inua-otop emi adade owo osim uwem afafaha, usuŋ onyuŋ esire; ndien mme andikut enye iwakke.

LUKE 12:15

Enye onyuŋ ɔdɔhɔ mmɔ ete, Etim ekpeme idem mbufo ke kpukpru oruk erisin esit ke ŋkpɔ owo: koro owo enyene se enyenyene, uwem esie isineke enye ke ubɔk.

LUKE 6:26

Eyedɔdiɔk ɔnɔ mbufo, ke ini kpukpru owo editiŋde se ifɔnde ebaŋa mbufo! koro mme ete mmɔ ekanam ntre ye prophet abiaŋa.

JOHN 10:12

Owo emi anamde utom ke okuk, emi midige ekpeme-erɔŋ, mme erɔŋ minyuŋ inyeneke enye, okut nte ekpe edide, ɔkpɔŋ mme erɔŋ, efehe esiemɔ, ekpe onyuŋ omum mmɔ asuan:

UTOM MME APOSTLE 13:40

Ekpeme ndien, mbak se ewetde ke mme prophet edisim mbufo, nte emi edɔhɔde ete,

UTOM MME APOSTLE 13:6

Ke mmɔ ema ekesaŋa ke ofuri isuo esim Paphos, mmɔ ekut abia-idiɔŋ kiet, prophet abiaŋa, owo Jew emi enyiŋ esie ekerede Bar-Jesus;

ŊWED MBON GALATIA 2:4

Edi nnim gospel mi ke iso mmɔ kabaŋa nditɔ-ete abiaŋa emi edipde idem eduk edi ndiyep itie eyen-isɔŋ emi nnyin inyenede ke Christ Jesus, man eda nnyin eduk ufin:

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

ŊWED MBON EPHESUS 5:6

Ekuyak owo ada ikpikpu ikɔ abiaŋa mbufo; koro ke ntak ido emi iyaresit Abasi etiene nditɔ ntut-utɔŋ.

ŊWED MBON PHILIPPI 3:2

Ekpeme idem ye mme ebua, ekpeme idem ye idiɔk mme anam utom, ekpeme idem ye mme ekpeŋe idem.

ŊWED MBON COLOSSAE 2:8

Ekpeme mbak owo ekededi edidu, eke adade ifiɔk owo ye ikpikpu abiaŋa eke esaŋade ye se owo ekpepde obume mbufo; nte asaŋade ekekem ye mme enyene odudu eke ekarade ererimbot, minyuŋ isaŋake ikekem ye Christ.

2 ŊWED TIMOTHY 3:13

Edi ndiɔi owo ye mbon abiaŋa eyedɔdiɔŋ ediɔk eka iso, ebiaŋa owo, owo eyenyuŋ ebiaŋa mmɔ.

2 ŊWED TIMOTHY 4:3

Koro ini ɔmɔŋ edi eke mme owo midibɔhɔ eti ukpep-ŋkpɔ; ndien sia utɔŋ edebede mmɔ ndikop isio ikɔ, mmɔ eyekɔ mme andikpep enɔ idem nte ekemde ye mme idiɔk udɔŋ mmɔ,

2 PETER 3:17

Edi ndima, sia mbufo ema ekebem iso efiɔk emi, ekpeme mbak nduyo mme anam-idiɔk edimen mbufo efep, onyuŋ anam mbufo ekpɔŋ nsɔŋɔ-nda mbufo.

1 JOHN 4:1

NDIMA, ekunim kpukpru spirit ke akpanikɔ, edi edomo mme spirit ese mme mmɔ edi eke Abasi: koro ediwak prophet nsu ema ewɔŋɔ eduk edi ke ererimbot.

JUDE 1:4

Koro ndusuk owo ema edɔŋ ikpat ndibe-ndibe eduk ke otu mbufo, kpa mmɔ emi ekenimde mmɔ enɔ ubiom-ikpe emi toto ke eset; owo eke miteŋeke Abasi, enyuŋ ewɔŋɔrede mfɔn Abasi nnyin esin ke obukpo uwem, enyuŋ ekaŋde Jesus Christ emi edide ukure Ete-ufɔk ye ɔbɔŋ nnyin.

ERIYARARE 16:13

Ndien ŋkut spirit ndek ita, emi ebietde ikwɔt, nte ewɔŋɔde ke inua dragon ye ke inua unam oro ye ke inua prophet nsu;

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

ERIYARARE 20:10

Ndien emen Satan emi akabiaŋade mmɔ eduɔk ke akwa ŋkpɔdiɔhɔ ikaŋ ye brimstone, ke ebiet eke unam ye prophet nsu edude; eyenyuŋ etuhɔre mmɔ ke uwemeyo ke ke okoneyo ke nsinsi-nsinsi.