MATTHEW 7:11 - Edisana ñwed Abasi Ibom

¹¹ Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo emi odude ke heaven edimen nti ŋkpɔ ɔnɔ mmɔ emi ebeŋede Enye?

MATTHEW 7:11 ပူးပေါင်းရင်းမြစ်များ

GENESIS 6:5

Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

2 SAMUEL 7:19

Emi osuk onyuŋ ekpekpri ke enyin fo, O Ɔbɔŋ Jehovah; ndien afo omonyuŋ ɔdɔhɔ abaŋa ufɔk owo fo ke anyan ini ke iso. Ndien emi edi ido owo, O Ɔbɔŋ Jehovah.

ŊWED JOB 15:16

Ŋwaŋwa ediso se idehede inyuŋ ibiarade, kpa owo emi ɔŋwɔŋde idiɔk ido nte mmɔŋ!

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

ŊWED MME PSALM 85:12

Jehovah eyenyuŋ ɔnɔ se ifɔnde; ndien isɔŋ nnyin eyenɔ mbuŋwum esie.

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ŊWED MME PSALM 86:5

Koro afo, Ɔbɔŋ, ɔmɔfɔn, omonyuŋ ama ndidahado; omonyuŋ awak ima ye kpukpru mmɔ eke esemede enɔ fi.

ISAIAH 49:15

Nte ŋwan ekeme ndifre eyen-nsek esiemɔ, nnyuŋ ntre nditua eyen emi enye amande mbɔm? Idem mmɔ ekeme ndifre, edi ami ndifreke fi.

ISAIAH 63:7

Nyebuk ima Jehovah, ye itoro Jehovah, kpa nte asaŋade ke kpukpru se Jehovah akanamde ye nnyin, nte onyuŋ asaŋade ke akwa mfɔn ufɔk Jacob, emi enye ɔkɔfɔnde ye mmɔ, ekem ye mbɔm esie, ye ke uwak ima esie.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

JEREMIAH 33:14

Jehovah ɔdɔhɔ, ete, Sese, mme usen ke edi eke ndimade eti ikɔ oro ŋkɔdɔhɔde ufɔk Israel ye ufɔk Judah.

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MATTHEW 23:9

Ekunyuŋ ekot ndomo owo kiet ke isɔŋ, ete, Ete; koro Kiet edi Ete mbufo, kpa Enye emi odude ke heaven.

MATTHEW 7:10

mme edinɔde eyen urukikɔt ke ini eyen ebeŋede enye iyak?

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

ŊWED MBON ROME 3:19

Edi nnyin imɔfiɔk ite se ededi eke ibet etiŋde, ke etiŋ ɔnɔ mmɔ emi edude ke idak ibet; man inua ɔkibɔ kpukpru owo, ofuri ererimbot enyuŋ esine ke idak ubiom-ikpe Abasi:

ŊWED MBON ROME 3:9

Nso naŋa? Nte itie nnyin ɔfɔn akan eke mmɔ? Ke baba usuŋ kiet. Koro nnyin imebebem iso idori mme Jew ye mme Greek, ite kpukpru mmɔ esine ke idak idiɔk-ŋkpɔ;

ŊWED MBON ROME 8:32

Enye emi mikesinke ndinɔ Eyen Esiemɔ, edi ayakde Enye ɔnɔ ke ibuot nnyin kpukpru, Enye edikeme didie nditre ndinɔ nnyin kpukpru ŋkpɔ ndian ye Enye?

ŊWED MBON GALATIA 3:22

Edi ŋwed Abasi okokui kpukpru ŋkpɔ abaha esin ke idak idiɔk-ŋkpɔ, man ekpemen uŋwɔŋɔ, emi otode ke eribuɔt-idem ye Jesus Christ, enɔ mmɔ emi enimde ke akpanikɔ.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

1 JOHN 3:1

ESE utɔ akwa ima emi Ete ɔkɔnɔde nnyin, ete nnyin ikpekere nditɔ Abasi: ndien oro ke nnyin inyuŋ idi. Ke ntak emi ererimbot ifiɔkke nnyin, koro mikɔfiɔkke Enye.

1 JOHN 4:10

Ima odu ke oruk usuŋ emi, itoho ke emi nnyin ikamade Abasi, edi oto ke Abasi emi akamade nnyin, onyuŋ osiode Eyen Esie ɔdɔŋ, ete, edidi usio-isop mme idiɔk-ŋkpɔ nnyin.