MATTHEW 6:34 - Edisana ñwed Abasi Ibom

³⁴ Ekutimere esit ebaŋa mkpɔŋ ndien; koro mkpɔŋ eyeda utimere-esit esie edi. Afanikɔŋ usen ekem ye usen.

MATTHEW 6:34 ပူးပေါင်းရင်းမြစ်များ

ŊWED ESEME 3:23

Mmɔ edi mbufa kpukpru usenubɔk: akpanikɔ fo omokpon.

MATTHEW 6:11

Nɔ nnyin udia eke ekemde nnyin ke usen mfin;

MATTHEW 6:25

Mmɔdo ndɔhɔ mbufo nte, Ekutimere esit ebaŋa uwem mbufo, ete ididia nso? mme idiŋwɔŋ nso? mme ebaŋa ikpɔhidem mbufo, ete idisine nso? Nte uwem ikanke udia? nte ikpɔhidem inyuŋ ikanke edisine-ŋkpɔ?

MATTHEW 6:27

Anie ke otu mbufo ekeme ndida ekikere ndian ibio idomo okuk kiet ke idaha esie?

LUKE 10:41

Edi Ɔbɔŋ ɔbɔrɔ ete, Martha, Martha, afo ayak ediwak ŋkpɔ etimere fi ekikere, enyuŋ enɔ fi afanikɔŋ:

LUKE 11:3

Nɔ nnyin udia eke ekemde nnyin ke usen ke usen. Nyuŋ dahado ke mme idiɔk-ŋkpɔ nnyin,

LUKE 12:11

Edi kadaŋemi mmɔ edidade mbufo eka ke mme synagogue ye ke iso mme andikara, ye mme enyene-odudu, ekutimere esit ekere ebaŋa ido nte mbufo edibɔrɔde ke nyaŋa-idem, me se mbufo editiŋde:

LUKE 12:22

Edi Enye ɔdɔhɔ mbet Esie ete, Mmɔdo ndɔhɔ mbufo nte, Ekutimere esit ebaŋa uwem mbufo, ete, ididia nso? mme ikpɔhidem mbufo, ete, idisine nso?

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

DEUTERONOMY 33:25

Ikpa-ukot fo edi ukwak ye okpoho; yak nduɔk-odudu fo onyuŋ ebigi nte mme usen fo.

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.

1 PETER 5:7

Etop kpukpru ɔkpɔsɔŋ ekikere eke otimerede mbufo esit eduɔk edori Enye, koro Enye ke ekere mbufo.