MATTHEW 6:31 - Edisana ñwed Abasi Ibom

³¹ Mmɔdo ekutimere esit ebup ete, Nso ke nnyin ididia? Nso ke nyin idiŋwɔŋ? Nso ke nnyi indisine?

MATTHEW 6:31 ပူးပေါင်းရင်းမြစ်များ

2 CHRONICLES 25:9

Ndien Amaziah obup owo Abasi oro, ete, Ndinam didie ke talent ikie oro ŋkɔnɔde udim Israel? Ndien owo Abasi oro ɔdɔhɔ, ete, Jehovah emekeme ndinɔ fi eke awakde akan emi.

ŊWED MME PSALM 111:5

Enye ada udia ɔnɔ mmɔ eke ebakde enye: eyeti ediomi esie ke nsinsi.

ŊWED MME PSALM 37:3

Buɔt idem ye Jehovah, nyuŋ nam se ifɔnde; duŋ ke isɔŋ, nyuŋ dia akpanikɔ.

ŊWED MME PSALM 55:22

Top mbiomo fo nɔ Jehovah, ndien enye eyekama fi: enye idiyakke edinen owo esehere ke nsinsi.

MATTHEW 15:33

Ndien mbet edɔhɔ Enye ete, Ke mmɔŋ ke nnyin idinyene uyo eke awakde ke desert emi ekem ndiyuhɔ adaŋa akwa otu owo emi?

MATTHEW 4:4

Edi Jesus ɔbɔrɔ ete, Ema ewet ete, Idige uyo ikpɔŋ ke owo edida idu uwem, edi edida kpukpru ikɔ eke ewɔrɔde Abasi ke inua odu.

MATTHEW 6:25

Mmɔdo ndɔhɔ mbufo nte, Ekutimere esit ebaŋa uwem mbufo, ete ididia nso? mme idiŋwɔŋ nso? mme ebaŋa ikpɔhidem mbufo, ete idisine nso? Nte uwem ikanke udia? nte ikpɔhidem inyuŋ ikanke edisine-ŋkpɔ?

MATTHEW 6:27

Anie ke otu mbufo ekeme ndida ekikere ndian ibio idomo okuk kiet ke idaha esie?

LUKE 10:41

Edi Ɔbɔŋ ɔbɔrɔ ete, Martha, Martha, afo ayak ediwak ŋkpɔ etimere fi ekikere, enyuŋ enɔ fi afanikɔŋ:

LUKE 12:11

Edi kadaŋemi mmɔ edidade mbufo eka ke mme synagogue ye ke iso mme andikara, ye mme enyene-odudu, ekutimere esit ekere ebaŋa ido nte mbufo edibɔrɔde ke nyaŋa-idem, me se mbufo editiŋde:

LUKE 12:22

Edi Enye ɔdɔhɔ mbet Esie ete, Mmɔdo ndɔhɔ mbufo nte, Ekutimere esit ebaŋa uwem mbufo, ete, ididia nso? mme ikpɔhidem mbufo, ete, idisine nso?

LUKE 12:29

Mbufo ekunyuŋ eyom se mbufo edidiade, ye se mbufo ediŋwɔŋde, ekunyuŋ eyik ke ekikere esit mbufo.

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.

1 PETER 5:7

Etop kpukpru ɔkpɔsɔŋ ekikere eke otimerede mbufo esit eduɔk edori Enye, koro Enye ke ekere mbufo.