MATTHEW 6:19 - Edisana ñwed Abasi Ibom

¹⁹ Ekubon ŋkpɔ-uto enim enɔ idem ke isɔŋ, ke ɔtɔ nte uta-ŋkpɔ ye ŋkarafaŋ ebiatde ŋkpɔ, inɔ enyuŋ ebuŋde, eduk, eyip:

MATTHEW 6:19 ပူးပေါင်းရင်းမြစ်များ

ŊWED JOB 24:16

Mmɔ ebuŋ ufɔk ke okoneyo: edibe ke uwemeyo: ifiɔkke uŋwana.

ŊWED JOB 31:24

Edieke nnimde gold ke idori-enyin mi, nnyuŋ ndɔhɔ ata eti gold, nte, Afo edi mbuɔtidem mi:

ŊWED MME PSALM 39:6

Owo asasaŋa kpasuk nte ukpɔŋ: mmɔ enam afanikɔŋ edian idem mmɔ ke kpasuk ibifik: enye obok ŋkpɔ onim, ndien ifiɔkke owo eke editaŋde.

ŊWED MME PSALM 62:10

Mbufo ekubuɔt idem ke ufik, ekunyuŋ ebure ke mbume: ke ini inyene etɔtde, mbufo ekusin esit ke mmɔ.

EXODUS 22:2

Edieke ekutde inɔ nte enye obuŋde (ufɔk), enyuŋ emiade enye ewot, ikɔ iyip ibiomke owo.

MME ŊKE 11:4

Inyene ididoroke ke usen iyaresit: edi eti ido osio owo ke mkpa.

MME ŊKE 16:16

Ndinyene eti ibuot ɔfɔn adaŋ didie akan ata gold! Ndinyuŋ nnyene asian edi se owo ekpemekde akan silver.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ZEPHANIAH 1:18

Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.

MATTHEW 19:21

Jesus ɔdɔhɔ enye ete, Edieke oyomde ndifɔn mma, ka kanyam se enyenede, da nɔ mme ubuene, ndien eyenyene inyene ke heaven: nyuŋ di disaŋa ye Ami.

MATTHEW 6:20

edi ebon ŋkpɔ-uto enim enɔ idem ke heaven, ke ɔtɔ nte uta-ŋkpɔ ye ŋkarafaŋ mibiatke ŋkpɔ, inɔ minyuŋ ibuŋke, iduk, iyip:

LUKE 12:21

Ntem ke etie ye owo eke ɔkɔde inyene ɔnɔ idem esie, edi minyeneke inyene ke ŋkaŋ Abasi.

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

LUKE 12:39

Edi efiɔk emi ete, edieke enyene-ufɔk ɔkpɔfiɔkde ini eke inɔ edidide, enye ekpekpeme, ikponyuŋ iyakke ebuŋ ufɔk esie eduk.

LUKE 18:22

Edi ke ini Jesus okopde emi, ɔdɔhɔ enye ete, Ŋkpɔ kiet ke osuk anana fi kaŋa; nyam kpukpru se enyenede, deme nɔ mme ubuene, ndien enyenyene inyene ke heaven: nyuŋ di disaŋa ye Ami.

LUKE 18:24

Edi ke ini Jesus okutde enye, ɔdɔhɔ ete, Ɔsɔŋ adaŋa didie ye mbon inyene ndiduk ke Obio Ubɔŋ Abasi!

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

MME HEBREW 13:5

Ekukɔmɔ ke ima inyene; enemesit ye se mbufo enyenede; koro Abasi ɔdɔhɔde ete, Ndikpuhu fi, ndinyuŋ ŋkpɔŋke fi.