MATTHEW 6:16 - Edisana ñwed Abasi Ibom

¹⁶ Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:16 ပူးပေါင်းရင်းမြစ်များ

2 SAMUEL 12:16

Ndien David ekpe Abasi ubɔk ɔnɔ eyen oro; David onyuŋ etre udia ŋko, onyuŋ oduk, ɔsuhɔre ana ke isɔŋ ke ofuri okoneyo.

2 SAMUEL 12:21

Ndien ikɔt esie ebup enye, ete, Nso ŋkpɔ edi emi afo anamde? Afo eketre udia, onyuŋ atua eyet abaŋa eyenɔwɔŋ, adaŋemi enye odude uwem; ndien ke eyenɔwɔŋ akpade, afo adaha ke enyɔŋ adia ŋkpɔ.

1 NDIDEM 21:27

Edikem adaŋemi Ahab okopde ikɔ emi, enye awai ɔfɔŋ-idem esie, onyuŋ esine ɔfɔŋ ikpo ke idem, onyuŋ etre udia, onyuŋ ɔsuhɔre ana ke ɔfɔŋ-ikpo, ndien asaŋa suŋ-suŋ.

NEHEMIAH 1:4

Edikem ke ini ŋkopde ikɔ emi, nsuhɔre ntie, nnyuŋ ntua eyet, nnyuŋ nseme ndusuk usen, nnyuŋ ntre udia, nnyuŋ mbɔŋ akam ke iso Abasi enyɔŋ.

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

ŊWED MME PSALM 109:24

Utre-udia esin edɔŋ efum mi; obukidem mi onyuŋ anana ikpɔŋ.

ŊWED MME PSALM 35:13

Edi ama edi ami, ke ini mmɔ edɔŋɔde, nsine ɔfɔŋ-ikpo: nsuk ukpɔŋ mi ke utre-udia; ndien mkpe-ubɔk mi eyefiak oduk mi ke ikpanesit.

ŊWED MME PSALM 69:10

Ndien ntua eyet ŋwot ukpɔŋ mi ke utre-udia,

DANIEL 9:3

Ndien ŋwuk iso mi nse Ɔbɔŋ Abasi, nnyuŋ nyom mkpe-ubɔk, ye eseme, ye utre-udia, ye ɔfɔŋ-ikpo, ye ntɔŋ:

MALACHI 3:14

Mbufo ke edɔhɔ ete, Ndinam ŋkpɔ Abasi ɔwɔrɔ ikpikpu: nnyin inyuŋ ikut nso udori, koro inimde item esie, inyuŋ isaŋade mfuhɔ-mfuhɔ ke iso Jehovah mme udim?

MATTHEW 6:1

EKPEME ekunam edinen ido mbufo ke iso owo, ete mmɔ ekut: enamde ntre, mbufo inyeneke utip ke ubɔk Ete mbufo emi odude ke heaven.

MATTHEW 6:2

Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:5

Ke ini mbufo enyuŋ ebɔŋde akam, ekubiet mbon mbubik: koro mmɔ ema ndida ke mme synagogue ye ke mme inuk efak mbɔŋ akam, ete iwut owo idem. Ke akpanikɔ ke ndɔhɔ mbufo, Mmɔ ema ebɔ utip mmɔ.

MARK 2:18

Ndien mbet John ye mme Pharisee ke etre udia: mmɔ enyuŋ etiene Enye, edɔhɔ Enye ete, Nsidi ntak eke mbet John ye eke mme Pharisee etrede udia, edi mbet Fo mitreke?

LUKE 18:12

Ntre udia utim ikaba ke urua; nsosio ubak kiet ke itie duop ke kpukpru se nnyenede nnɔ Abasi.

LUKE 2:37

enye ikpɔŋke temple, edi atuak ibuot ɔnɔ Abasi ke eritre udia ye mkpe-ubɔk okoneyo ye uwemeyo.

UTOM MME APOSTLE 10:30

Ndien Cornelius ɔdɔhɔ ete, Mfin adaŋemi anam usen inaŋ nte mbɔŋde akam ke ɔyɔhɔ hour ita uwemeyo ke ufɔk mi: ndien sese, owo emi esinede edisem ɔfɔŋidem ɔbiɔŋɔre mi ke iso, ete mi,

UTOM MME APOSTLE 14:23

Edi ke ema ekemek mbiowo enim enɔ mmɔ ke kpukpru ufɔk Abasi, enyuŋ ebɔŋ akam, enyuŋ etre udia, eyak mmɔ esin ke ubɔk Ɔbɔŋ emi mmɔ ekebuɔtde idem ye Enye.

1 ŊWED CORINTH 7:5

Ekubɔ kiet eken se idide unen esie, ibɔhɔke oto erinyime nkaŋ mbiba ke ekpri ini, man mbufo esin idem ke akam, enyuŋ efiak edidiana; mbak Satan editap mbufo oto koro mbufo mikemeke ndikara esit mbufo.

2 ŊWED CORINTH 11:27

ediwak ini ndu ke ɔkpɔsɔŋ utom ye eŋwan, ye ataba-idap; ediwak ini ndu ke biɔŋ ye nsat-itɔŋ ye unana se ndiade; tuep omum mi, nnyuŋ nnyeneke se nsinede.

2 ŊWED CORINTH 6:5

ke ikpa, ke ŋkpɔkɔbi, ke itie ndutime, ke ɔkpɔsɔŋ utom, ke ataba idap, ke erikpa biɔŋ;