MATTHEW 6:1 - Edisana ñwed Abasi Ibom

¹ EKPEME ekunam edinen ido mbufo ke iso owo, ete mmɔ ekut: enamde ntre, mbufo inyeneke utip ke ubɔk Ete mbufo emi odude ke heaven.

MATTHEW 6:1 ပူးပေါင်းရင်းမြစ်များ

2 NDIDEM 10:16

Enye onyuŋ ɔdɔhɔ ete, Saŋa ye ami, nyuŋ se ufup mi emi mfibede nnɔ Jehovah. Ntre ke enye anam enye odoro ke chariot esie.

2 NDIDEM 10:31

Edi Jehu itimke ndisaŋa ke mbet Jehovah Abasi Israel ke ofuri esit esie: enye ikabakede ikpɔŋ idiɔk ido Jeroboam, emi akanamde Israel edue.

ŊWED MME PSALM 112:9

Enye amatat ubɔk, ɔnɔ mme ubuene ŋkpɔ; edinen ido esie ebigi ke nsinsi; ubɔŋ emenere nduk esie ke enyɔŋ.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

ZECHARIAH 13:4

Ndien ama ekem ke usen oro, but eyenam kpukpru mme prophet abaŋa ŋkukut mmɔ, ke ini mmɔ etiŋde prophecy; ndien mmɔ idisineke ɔfɔŋ-idem idet man ebiaŋa owo.

ZECHARIAH 7:5

Dɔhɔ ofuri mbon isɔŋ ye mme oku, ete, Ke ini mbufo etrede udia, enyuŋ etuade ke ɔyɔhɔ ɔfiɔŋ ition, ye ke ɔyɔhɔ ɔfiɔŋ itiaba, ke ofuri isua ata ye duop emi, nte mbufo eketre udia enɔ mi, kpa mi?

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 16:6

Edi Jesus ɔdɔhɔ mmɔ ete, Etiŋ enyin ekpeme idem mbak leaven mme Pharisee ye mme Sadducee.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

MATTHEW 23:5

Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

MATTHEW 5:46

Koro edieke mbufo emade mmɔ eke emade mbufo, nso utip ke enyene? Nte kpa mme publican inamke suk ntre?

MATTHEW 5:48

Mbufo efɔn ema ndien, kpa nte Ete mbufo ke heaven ɔfɔnde ama.

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:9

Ebɔŋ akam ntem ndien, ete, Ete nnyin emi odude ke heaven: Yak ikpono enyin Fo,

MARK 8:15

Ndien Jesus ɔsɔŋɔ ɔdɔhɔ mmɔ, ete, Etiŋ enyin ekpeme idem mbak leaven mme Pharisee ye leaven Herod.

LUKE 11:35

Kpeme ndien mbak uŋwana eke odude fi ke idem edidi ekim.

LUKE 12:1

KE idaha oro, ke adaŋemi ediwak thousand owo ema ekobono ɔtɔ kiet, tutu mme owo edigi kiet eken, Enye ɔtɔŋɔ ndidɔhɔ mbet Esie ke akpa, ete Ekpeme idem ye leaven mme Pharisee, emi edide mbubik.

LUKE 12:15

Enye onyuŋ ɔdɔhɔ mmɔ ete, Etim ekpeme idem mbufo ke kpukpru oruk erisin esit ke ŋkpɔ owo: koro owo enyene se enyenyene, uwem esie isineke enye ke ubɔk.

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

JOHN 12:43

Koro mmɔ emama ubɔŋ eke otode owo akan ubɔŋ eke etode Abasi.

JOHN 5:44

Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

UTOM MME APOSTLE 3:12

Edi ke ini Peter okutde emi, enye ɔbɔrɔ mmɔ ete, Mbufo nditɔ Israel, nsinam idem akpade mbufo abaŋa owo emi? nsinyuŋ inam mbufo ewukde enyin ese nnyin, nte edide nnyin ida odudu idem nnyin mme uteŋe eke nnyin iteŋede Abasi inam enye asaŋa?

ŊWED MBON GALATIA 6:12

Mmɔ emi eyomde ŋwut-idem ke obukidem eŋwaŋwana ndinyik mbufo ena mbobi; mmɔ enam mbak edisin mmɔ enyin ebaŋa cross Christ.

DEUTERONOMY 24:13

kutre ndiyak ubiɔŋ nnɔ enye ke utin osopde, man enye ada ekura esie ede idap, onyuŋ ɔkɔm fi; ndien eyebat oro enɔ fi ke se inende ke iso Jehovah Abasi fo.

MME HEBREW 11:26

enye onyuŋ abat esuene Christ nte inyene eke okponde akan ŋkpɔ uto Egypt: koro enye owukde enyin ese utip eke edinɔde enye.

MME HEBREW 2:1

MMƆDO ikpotim ikpaŋ utɔŋ ikan inɔ mme ŋkpɔ emi ikokopde, mbak nnyin idifiɔrɔ ikpɔŋ mmɔ.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

2 JOHN 1:8

Ekpeme idem mbak mbufo edibiat se nnyin ikanamde utom ibaŋa enye, edi man ekpɔbɔ utip ɔyɔhɔ-ɔyɔhɔ.