MATTHEW 5:7 - Edisana ñwed Abasi Ibom

⁷ Ɔfɔfɔn ɔnɔ mmɔ eke etuade owo mbɔm: koro eyetua mmɔ mbɔm.

MATTHEW 5:7 ပူးပေါင်းရင်းမြစ်များ

2 SAMUEL 17:28

eda mbri, ye basin, ye eso, ye wheat, ye barley, ye ndom-uyo, ye edifɔp ibokpot, ye ɔkɔti ye lentil,

2 SAMUEL 22:26

Afo anam ke ima ye mbon-ima, onyuŋ ɔfɔn ama ye owo eke ɔfɔnde ama.

ŊWED MME PSALM 112:4

Uŋwana asiaha ke ekim ɔnɔ nti owo: enye ɔfɔn ido, onyuŋ enyene esit mbɔm, onyuŋ enen.

ŊWED MME PSALM 112:9

Enye amatat ubɔk, ɔnɔ mme ubuene ŋkpɔ; edinen ido esie ebigi ke nsinsi; ubɔŋ emenere nduk esie ke enyɔŋ.

ŊWED MME PSALM 18:25

Afo eyenyene ima ye mbon ima fo; onyuŋ ɔfɔn ama ye owo eke ɔfɔnde ama;

ŊWED MME PSALM 37:26

Kpu-kpru ini enye atua owo mbɔm, onyuŋ ɔnɔ ke ebuɔt; ndien ɔfɔn ɔnɔ ubon esie.

MME ŊKE 11:17

Owo mfɔnido anam se ɔfɔnde ye ukpɔŋ esiemɔ: edi owo afai ɔtuhɔ obukidem esie.

MME ŊKE 11:25

Ukpɔŋ eke ɔfɔnde ido eyetim ɔyuhɔ: ndien edi andinɔ mmɔŋ edikut mmɔŋ.

MME ŊKE 14:21

Owo eke esede mbɔhiduŋ esie ke ndek anam idiɔk: ama edi owo eke atuade mme ubuene mbɔm, ɔfɔfɔn ɔnɔ enye.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

ISAIAH 57:1

EDINEN owo atak, ndien baba owo kiet ikereke ke esit esie: enyuŋ etaŋ mbon ima efep, ke ini baba owo kiet mifiɔkke, ite, ke etaŋ edinen owo efep ebak idiɔk-ŋkpɔ.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

HOSEA 1:6

Ndien enye ɔtɔŋɔ ntak oyomo, onyuŋ aman eyen-aŋwan. Ndien Abasi ɔdɔhɔ enye, Sio enye enyiŋ Lo-ruhamah (Ituaha enye mbɔm): koro mmendituaha aba ufɔk Israel mbɔm: koro mmenditreke ndimen mmɔ mfep.

HOSEA 2:1

MBUFO edɔhɔ nditɔ-ete mbufo, ete, Ikɔt mi; enyuŋ edɔhɔ nditɔ-ete mbufo iban, ete, Ruha-mah (Emetua fi mbɔm).

HOSEA 2:23

Nyenyuŋ ntɔ enye ke isɔŋ nnɔ idem mi nnyuŋ ntua Lo-ruhamah mbɔm: nnyuŋ ndɔhɔ Lo-ammi, nte, Afo edi ikɔt mi; ndien enye eyedɔhɔ mi, ete, Abasi mi.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

MARK 11:25

Ndien ini ekededi eke mbufo edade ebɔŋ akam, edieke mbufo enyenede ikɔ ye owo, edahado enɔ enye;

LUKE 6:35

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

ŊWED MBON ROME 11:30

Koro nte mbufo ekesɔŋde ibuot ye Abasi ke ini oko, edi ekutde mbɔm ke emi oto ke nsɔŋ-ibuot mmɔ,

1 ŊWED CORINTH 7:25

Mbɔhɔ uyo ke ubɔk Ɔbɔŋ kabaŋa mkparawa iban; edi mmɔnɔ ekikere idem mi, nte owo eke Ɔbɔŋ akatuade enye mbɔm, ete ndi owo akpanikɔ.

2 ŊWED CORINTH 4:1

MMƆDO sia nnyin inyenede utom emi ite inam, kpa nte Abasi akatuade nnyin mbɔm, esit iduɔhɔ nnyin:

ŊWED MBON EPHESUS 4:32

enyuŋ efɔn ido ye kiet eken, enyuŋ enyene esit mbɔm, enyuŋ efen kiet eken, kpa nte Abasi okonyuŋ efende mbufo ke Christ.

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

1ŊWED TIMOTHY 1:13

emi ke eyo oko ŋkosuŋide Enye, ŋkonyuŋ ŋkɔbɔde Enye, nnyuŋ nnam Enye esuene: edi Abasi akatua mi mbɔm, koro ŋkanamde emi ke unana ifiɔk, ke ini mmenimke ke akpanikɔ:

1ŊWED TIMOTHY 1:16

Edi eketua mi mbɔm ke ntak emi, man Jesus Christ akpada mi, nte akan idiɔk owo, ayarare ofuri anyan ime Esie, onyuŋ onim ete, nda ke ibuot mmɔ emi editienede ebuɔt idem ye enye ekosim uwem nsinsi.

MME HEBREW 4:16

Mmɔdo eyak nnyin isaŋa ikpere ebekpo mfɔn ye uko, man nnyin ibɔ mbɔm, inyuŋ ikut mfɔn eke ediŋwamde nnyin ke ini nnan-enyin.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

1 PETER 2:10

mbufo, emi mikedige ikɔt baba ete kiet ke eyo oko, eyedi ikɔt Abasi ke emi; emi mikatuaha mbufo mbɔm, edi ke emi ema etua mbufo mbɔm.