MATTHEW 5:48 - Edisana ñwed Abasi Ibom

⁴⁸ Mbufo efɔn ema ndien, kpa nte Ete mbufo ke heaven ɔfɔnde ama.

MATTHEW 5:48 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

2 SAMUEL 22:31

Abasi! usuŋ esie ɔfɔn ama: ema edomo uyo Jehovah; enye edi otu - ekɔŋ kpukpru mmɔ eke ebuɔtde idem mmɔ ye enye.

ŊWED MME PSALM 37:37

Tiŋ enyin ke owo eke ɔfɔnde ama, nyuŋ se edinen owo: koro (eti) utit anade ɔnɔ owo emem.

LEVITICUS 11:44

Koro ami ndide Jehovah Abasi mbufo; enam idem mbufo esana ndien, enyuŋ edi edisana: koro ami nsanade; ekunyuŋ esabare idem mbufo ke baba andinyɔni kiet eke ɔnyɔnide ke isɔŋ.

LEVITICUS 19:2

Mbufo edi edisana: koro ami Jehovah Abasi mbufo ndide edisana.

LEVITICUS 20:26

Ndien mbufo edidi edisana ikɔt mi: koro ami Jehovah ndide edisana, nyenyuŋ ndianare mbufo ye mme idut efen, man mbufo edi okim.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

MATTHEW 5:47

Ndien edieke ekɔmde nditɔ-ete mbufo ikpɔŋ-ikpɔŋ, nso ke enam ebe adaŋa? Nte kpa mme Gentile inamke suk ntre?

LUKE 6:36

Etua owo mbɔm ndien kpa nte Ete mbufo atuade owo mbɔm, Ekunyuŋ esioŋo owo ndo,

LUKE 6:40

Eyen ukpep-ŋkpɔ ikanke andikpep enye: edi kpukpru eyen ukpep-ŋkpɔ eyetie nte andikpep enye ke ini etimde ekpep enye ŋkpɔ ema.

2 ŊWED CORINTH 13:11

Ke akpatre ikɔ, nditɔ-ete, etie suŋ. Ekabare efɔn ema; ekut ndɔŋesit; enyene esit kiet; etie emem-emem; ndien Abasi ima ye emem eyedu ye mbufo.

2 ŊWED CORINTH 13:9

Nnyin idat esit ke ini imemde, edieke mbufo esɔŋɔde idem.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

ŊWED MBON EPHESUS 3:1

KE ntak emi ami Paul, emi ndide owo-ŋkpɔkɔbi Christ Jesus mbaŋa mbufo mme Gentile—

DEUTERONOMY 18:13

Fɔn ma nɔ Jehovah Abasi fo.

DEUTERONOMY 27:10

Kop ndien uyo Jehovah Abasi fo, nyuŋ nim mbet esie ye mme ewuhɔ esie emi ami ŋwukde fi mfin emi.

ŊWED MBON COLOSSAE 1:28

Emi nnyin ikwɔrɔde, ida kpukpru eti ibuot iteme inyuŋ ikpep kpupru owo, man nnyin ida kpukpru owo inim ke iso Abasi nte efɔnde ema ke Christ.

ŊWED MBON COLOSSAE 4:12

Epaphras, owo mbufo kiet, emi edide owo Christ Jesus, ete ekɔm mbufo; enye edi owo emi aŋwanade kpukpru ini ke akam esie oyom ufɔn mbufo: man mbufo efɔn ema, enyuŋ etim efiɔk ofuri uduak Abasi.

JAMES 1:4

Edi yak ime anam utom esie ama, man mbufo efɔn ema enyuŋ esɔŋ ke ukpɔŋ, ekunana baba ŋkpɔ kiet.

1 JOHN 3:3

Kpukpru owo eke edoride enyin ke Enye ntem enam idem asana, kpa nte Enye asanade.