MATTHEW 5:42 - Edisana ñwed Abasi Ibom

⁴² Nɔ owo eke ebeŋede fi ŋkpɔ, kunyuŋ udaha ukpɔŋ owo eke oyomde ndibuɔt ŋkpɔ ke ubɔk fo.

MATTHEW 5:42 ပူးပေါင်းရင်းမြစ်များ

ŊWED MME PSALM 37:21

Idiɔk owo ɔbɔbuɔt, ndien isioho: edi eti owo atua owo mbɔm, onyuŋ ɔnɔ ŋkpɔ.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

MME ŊKE 21:26

Itɔŋ ɔdɔŋ enye ofuri usen: edi eti owo ɔnɔ, inyuŋ isinke.

ECCLESIASTES 11:6

Suan mkpasip fo ke usenubɔk; kunyuŋ ufara ubɔk fo ke mbubreyo: koro afo mufiɔkke ubak eke ediwɔrɔde usuŋ, mme emi mme oro; unyuŋ ufiɔkke mme mbiba edifɔn ukem-ukem.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

MATTHEW 5:41

Owo ama onyuŋ esin fi asaŋa mile kiet, saŋa iba ye enye.

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

ŊWED MBON ROME 12:20

Edi edieke usua fo okopde biɔŋ, nɔ enye udia adia; edieke enye okopde nsatitɔŋ, nɔ enye mmɔŋ ɔŋwɔŋ, koro ke erinam ntem, eyewobi mbubek-ikaŋ obok enye ke ibuot.

MME HEBREW 13:16

Ekufre ndinam eti ŋkpɔ ndinyuŋ mfɔn ido ye owo; koro oruk uwa emi enemde Abasi esit.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.