MATTHEW 5:4 - Edisana ñwed Abasi Ibom

⁴ Ɔfɔfɔn ɔnɔ mmɔ eke etuaŋade: koro eyedɔŋ mmɔ esit.

MATTHEW 5:4 ပူးပေါင်းရင်းမြစ်များ

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

ISAIAH 30:19

Koro mbio ke Zion eyeduŋ ke Jerusalem: afo udutuaha eyet: enye eyetua fi mbɔm ke uyo eseme fo; ke ini enye okopde, enye eyebɔrɔ fi.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 57:18

Mmokut ido esie, ndien nyekɔk enye: nnyuŋ nda enye usuŋ, nnyuŋ nda emem nnɔ enye ye nditɔ esie emi etuaŋade.

ISAIAH 66:10

Mbufo ebre ye Jehovah, enyuŋ edara ebaŋa enye, kpukpru mbufo emi emade enye: kpukpru mbufo emi etuade enye, edara idara ye enye:

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

EZEKIEL 7:16

Ndien mbon itɔk mmɔ eyebɔhɔ; enyuŋ edu ke ikpɔ obot ebiet mme ibiom itihere; kpukpru mmɔ eseme, owo kiet kiet ke idiɔk ido mmɔ.

EZEKIEL 9:4

Ndien Jehovah ɔdɔhɔ enye, ete, Saŋa ke ufɔt obio, ke ufɔt Jerusalem be; nyuŋ nim idiɔŋɔ ke ɔkpɔ-iso mmɔ eke esemede enyuŋ etuade ebaŋa kpukpru mbubiam ido emi mmɔ enamde ke ufɔt esie.

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte

LUKE 16:25

Edi Abraham ɔdɔhɔ enye ete, Eyen mi, ti nte afo okokutde ufɔn fo ke ini uwem fo, ye nte Lazarus okonyuŋ okutde idiɔk: edi kemi enye ke okop idɔŋesit mi, edi afo ke odu ke ndutuhɔ.

LUKE 6:21

Ɔfɔfɔn ɔnɔ mbufo emi etiede biɔŋ ke emi, koro mbufo eyeyuhɔ. Ɔfɔfɔn ɔnɔ mbufo emi etuade eyet ke emi, koro mbufo eyesak imam.

LUKE 6:25

Eyedɔdiɔk ɔnɔ mbufo emi eyuhɔde ke emi! koro mbufo eyetie biɔŋ. Eyedɔdiɔk ɔnɔ mbufo emi esakde imam ke emi! koro mbufo eyeseme enyuŋ etua eyet.

LUKE 7:38

ada ufuɔŋkpɔ ke otu alabaster edi, onyuŋ ada Enye ke edem-edem ke ukot, atua eyet, ndien mmɔŋ-eyet esie ebit Jesus ukot; enye onyuŋ ada idet ibuot esie ɔkwɔhɔre Enye ukot, otim ukot Esie inua, onyuŋ ada ufuɔŋkpɔ eyet Enye ke ukot.

LUKE 7:50

Edi Jesus ɔdɔhɔ ŋwan oro ete, Mbuɔtidem fo ama anyaŋa fi; nyɔŋ, koduk ke emem.

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

ERIYARARE 21:4

Enye eyekwɔhɔre kpukpru mmɔŋeyet ke enyin mmɔ efep. Mkpa idinyuŋ iduhe aba; eseme ye ntuaŋa ye ubiak idinyuŋ iduhe aba; koro ebe-iso ŋkpɔ ema ebe efep.