MATTHEW 5:39 - Edisana ñwed Abasi Ibom

³⁹ Edi Ami ndɔhɔ mbufo nte, Ekuŋwana ye anam-idiɔk: edi owo ama oyibi fi ke mfuk nnasia, kabare mfuk eken nɔ enye.

MATTHEW 5:39 ပူးပေါင်းရင်းမြစ်များ

1 NDIDEM 22:24

Edi Zedekiah eyen Chenaanah asaŋa ekpere okoyibi Micaiah ke mfuk, onyuŋ ɔdɔhɔ ete, Ke usuŋ ewe ke spirit Jehovah ɔkpɔŋ mi, ebe editiŋ ikɔ inɔ fi?

ŊWED JOB 16:10

Mmɔ eŋwaŋade inua mmɔ ese mi; etɔ mi ke mfuk oburobut: esop idem ɔtɔ kiet enam ikɔ ye ami.

MME ŊKE 20:22

Kudɔhɔ ete, Nyenam usiene idiɔk-ŋkpɔ: bet Jehovah, ndien enye eyeŋwam fi.

MME ŊKE 24:29

Kudɔhɔ, ete, “Nyenam enye kpa nte enye anamde mi: nyenɔ owo oro kpa nte utom esie edide.”

ISAIAH 50:6

Ŋkayak edem mi nnɔ mmɔ eke eyibide, nyak mfuk mi nnɔ mmɔ eke ediberede idet: ndipke iso mi mfehe but ye etap.

ŊWED ESEME 3:30

Ayak mfuk esie ɔnɔ owo eke amiade enye: esuene ɔyɔhɔ enye ke idem.

LEVITICUS 19:18

Kusio usiene, kunyuŋ ukɔk nditɔ obio mbufo ekikɔhɔ edi ma mbɔhiduŋ fo nte idem fo: ami ndi Jehovah.

MICAH 5:1

SƆP idem, ndien, O adiaha udim: enye akan nnyin okuk: mmɔ eda eto eyibi ebier-ikpe Israel ke mbaŋ.

MATTHEW 5:40

Owo ama onyuŋ oyom ndikot fi ikpe mbɔ ekpri ɔfɔŋidem fo, yak ekura fo nɔ enye nko.

LUKE 22:64

Mmɔ eda ŋkpɔ ebɔp Enye enyin, enyuŋ ebup Enye ete, Siak enyiŋ owo eke oyibide Fi.

LUKE 6:7

Edi mme scribe ye mme Pharisee ekpeme Jesus mme Enye eyenam udɔŋɔ okure ke sabbath: man mmɔ ekut ŋkpɔ ndida ndori Enye ikɔ.

JOHN 18:23

Jesus ɔbɔrɔ enye ete, Edieke ŋketiŋde se idiɔkde, wut idiɔk oro: edi edieke ŋketiŋde se inende, nsinam oyibide Mi?

1 ŊWED CORINTH 6:7

Ke akpanikɔ idiɔk-ŋkpɔ ama akan mbufo ama, emi mbufo ekotde kiet eken ikpe. Nsinam mbufo mikam ibɔhɔ utuk ibiom? Nsinam mbufo miyakke ebɔ mbufo ŋkpɔ ke ŋkanubɔk.

1 ŊWED THESSALONICA 5:15

Ekpeme ekuyak owo ada idiɔk osio owo usiene idiɔk; edi kpukpru ini ebine se ifɔnde, owo anam ntre ye kiet eken, onyuŋ anam ntre ye kpukpru owo.

MME HEBREW 12:4

Mbufo ika-ŋwanake kaŋa tutu eduɔk iyip ke eŋwan mbufo ye idiɔk-ŋkpɔ.

JAMES 5:6

Mbufo emebiom edinen owo ikpe, emewot enye; enye iŋwanake ye mbufo.

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.