MATTHEW 5:29 - Edisana ñwed Abasi Ibom

²⁹ Edi edieke enyin nnasia fo esinde fi ɔduɔ, wubere enye, top, duɔk: koro ɔfɔn ye afo ubak idem fo nditak utu ke ndikpɔduɔk fi ofuri idem ke hell.

MATTHEW 5:29 ပူးပေါင်းရင်းမြစ်များ

ŊWED JOB 20:13

Onim enye, inyuŋ ikpɔŋke, onyuŋ akama enye ke nsiŋ esie:

MATTHEW 10:28

Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

MATTHEW 11:6

Ndien ɔfɔfɔn ye owo ekededi eke midikwe ntak iduɔ ye Ami.

MATTHEW 16:26

Koro nso udori ke owo edikut, edieke enye adiade ofuri ererimbot, ndien ada uwen esie osio isop? mme nso ke owo edinɔ ke ibuot uwem esie?

MATTHEW 17:27

Edi mbak nnyin idiyat mmɔ esit, ka ke inyaŋ kɔduɔk uwam, nyuŋ men akpa iyak eke omumde; ndien ke ama atat enye inua eyekut okuk; da oro, nɔ mmɔ ke udeme Mi ye okuo.

MATTHEW 19:12

Koro mme eunuch edu emi emanade ntem ke idibi eka mmɔ; mme eunuch enyuŋ edu emi edide owo enam mmɔ edi eunuch; mme eunuch enyuŋ edu ŋko emi enamde idem mmɔ eunuch kabaŋa Obio Ubɔŋ Heaven. Owo eke ekemede ndibɔ, yak ɔbɔ.

MATTHEW 23:15

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo ekanarede inyaŋ ye obot, ete inam kpa owo kiet okpono Abasi ke ido mbufo; ndien ke enye ama akabare etie ntem, mbufo enam enye edi eyen hell utim ikaba akan idem mbufo.

MATTHEW 23:33

Mbufo mme urukikɔt, mbufo nditɔ ibɔm, edisaŋa didie ebɔhɔ ikpe hell?

MATTHEW 5:22

Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.

MATTHEW 5:30

Onyuŋ edieke ubɔk nasia fo esinde fi ɔduɔ, sibe enye, top, duɔk: koro ɔfɔn ye afo ubak idem kiet nditak utu ke ndikpesin fi ofuri idem ke hell.

MARK 8:36

Koro edidori owo nso edieke enye adiade ɔfuri ererimbot, ndien ada uwem esie osio isop?

LUKE 12:5

Edi nyesian mbufo Enye emi ekpefehede; efehe Enye emi, ke ama owot; onyuŋ enyenede odudu ndiduɔk ke hell: mmɔsɔŋɔ ndɔhɔ mbufo nte, efehe Enye.

ŊWED MBON ROME 6:6

sia imɔfiɔk emi ite, ema ewot akani owo emi nnyin ikedide ke cross ye Enye, man ebiat ikpɔhidem idiɔk-ŋkpɔ, man nnyin ikudi aba ifin idiɔk-ŋkpɔ;

ŊWED MBON ROME 8:13

Koro edieke mbufo edude uwem nte obukidem etemede, mbufo enyene ndikpa; edi edieke mbufo edade spirit, mbufo ewot erinam eke obukidem anamde, mbufo eyedu uwem.

1 ŊWED CORINTH 9:27

edi ntɔŋɔ idem mi ita, nnam enye oduk ufin, mbak, ke mma ŋkɔkwɔrɔ nnɔ owo eŋwen, ke usuŋ ekededi edisio mi ke idem mi eduɔk.

ŊWED MBON GALATIA 5:24

Mmɔ emi edide ikɔt Christ Jesus ema ewot obukidem ke cross, ye udɔŋ ye idiɔk itɔŋ esie.

ŊWED MBON COLOSSAE 3:5

Mmɔdo ewot mbak idem mbufo emi edude ke isɔŋ. Ekpɔŋ use, ye ndek-ndek ido, ye idiɔk udɔŋ, ye idiɔk itɔŋ, ye erisin esit ke ŋkpɔ owo, emi edide ukpono-ndem;