MATTHEW 5:22 - Edisana ñwed Abasi Ibom

²² Edi Ami ndɔhɔ mbufo nte, owo ekededi eke ayatde esit ye eyen-ete esie esesin idem ke ikpe; owo ekededi eke ɔdɔhɔde eyen-ete esie ete, Raca (ikpikpu owo), esesin idem ke ikpe Sanhedrin; owo ekededi eke ɔdɔhɔde ete, Afo ndisime, esesin idem ke ufen hell eke asakde ikaŋ.

MATTHEW 5:22 ပူးပေါင်းရင်းမြစ်များ

GENESIS 37:4

enye. Ndien adaŋemi nditɔ-ete esie ekutde nte ete mmɔ amade enye akan kpukpru nditɔ-ete esie, mmɔ esua enye, inyuŋ ikwe nte edɔhɔde enye ikɔ emem.

GENESIS 37:8

enuhɔ enɔ ebek mi. Ndien nditɔ-ete esie edɔhɔ enye, ete, Nte afo edidi edidem nnyin? Nte afo edikan nnyin? Ndien mmɔ edediɔŋ esua enye ebaŋa ndap esie, ye ikɔ esie.

2 SAMUEL 16:7

Shimei onyuŋ ɔdɔhɔ ntem, nte enye osuŋide, ete Wɔrɔ, wɔrɔ, afo owo iyip, ye oburobut owo:

2 SAMUEL 6:20

Ndien David afiak aka ndikɔm nditɔ ufɔk esiemɔ. Ndien Michal uduŋwan Saul ɔwɔrɔ ndisobo ye David, onyuŋ ɔdɔhɔ, ete, Ŋkɔm edidem Israel akanam ubɔŋ mfin, emi ɔkɔfuhɔrede idemesie mfin ke iso ifin iban ikɔt esie, kpa nte kiet ke otu mme oburobut owo ɔfuhɔrede idemesie ke aŋwa!

1 NDIDEM 21:4

Ndien Ahab ɔnyɔŋ ke ufɔk esie ke mfuhɔ ye iyaresit, abaŋa ikɔ oro Naboth a Jezreel ɔkɔdɔhɔde enye: koro ɔkɔdɔhɔde, ete, Ndinɔŋɔ fi udeme mme ete mi. Ndien enye ɔsuhɔre ana ke bed esie, onyuŋ ɔwɔŋɔre iso esie, inyimeke ndidia ŋkpɔ.

2 CHRONICLES 16:10

Ndien Asa ayat esit ye okut-ŋkukut oro, onyuŋ esin enye ke ufɔk ebuka; koro enye akpahade esit ye enye abaŋa ŋkpɔ emi. Asa onyuŋ otuk ndusuk mbio-obio suk ini oro.

2 CHRONICLES 19:5

Enye onyuŋ onim mme ebiereikpe ke isɔŋ ke kpukpru obio Judah eke enyenede ibibene, ke obio, ke obio,

NEHEMIAH 5:8

Nnyuŋ ndɔhɔ mmɔ, nte, Nnyin ima ida ukeme nnyin ifak nditɔ-ete nnyin mme Jew, emi ekenyamde enɔ mme idut; nte mbufo emɔŋ edinyam ndien nditɔ-ete mbufo? Nte edinyuŋ enyama enɔ nnyin?

ŊWED MME PSALM 109:3

Mmɔ enyuŋ eda ikɔ usua ekan mi ekuk; enyuŋ eŋwana ekɔŋ ye ami ke minyeneke ntak.

ŊWED MME PSALM 14:1

NDISIME owo ɔdɔhɔ ke esit esie, ete, Abasi iduhe. Mmɔ emediɔk, enyuŋ enam mbubiam-ŋkpɔ; baba owo kiet eke anamde eti ido iduhe.

ŊWED MME PSALM 25:3

Kuyak baba owo mmɔ kiet eke ebetde fi okut but: nam mmɔ eke ebiaŋade ke ikpikpu ekut but.

ŊWED MME PSALM 35:19

Kuyak mme asua mi, mbon nsu, edat esit ebaŋa mi: kuyak mmɔ eke esuade mi ke ikpikpu eyip enyin.

ŊWED MME PSALM 37:8

Tre ifuresit, nyuŋ kpɔŋ ifiopesit: kuyat esit kunyuŋ unam idiɔk baba.

ŊWED MME PSALM 49:10

Koro enye eyekut; mme ɔfiɔk-ŋkpɔ owo eyekpaŋa; mbon ndisime ye eke unana-ibuot eyetak ini kiet, enyuŋ ekpɔŋ inyene mmɔ enɔ owo efen.

ŊWED MME PSALM 69:4

Mmɔ eke esuade mi ke ikpikpu ewak ekan idet ibuot mi: nsu nsu mme asua mi emi eyomde ndisobo mi, esɔŋɔ: ndien mmenyene ndiyak se mmeŋkobumeke.

ŊWED MME PSALM 7:4

edieke ndade idiɔk nsio usiene nnɔ ufan mi; nnyuŋ mbumede owo eke otukde mi ke ikpikpu:

ŊWED MME PSALM 92:6

Owo ndutun ifiɔkke; ndisime inyuŋ itimke ikut emi.

MME ŊKE 14:16

Enyene-ibuot owo efehe ndik, onyuŋ ɔwɔŋɔre ɔkpɔŋ idiɔk: edi ndisime owo eseri iseri, onyuŋ ɔsɔŋ enyin.

MME ŊKE 18:6

Mkpɔk-inua ndisime owo eduk ke enwan: inua esie onyuŋ okot ufen edi.

JEREMIAH 17:11

Kpa nte nduduɔk ɔkubɔde nsen, ndien mibotke; kpa ntre ke owo eke ɔkɔde inyene ke usuŋ eke minenke, edikpɔŋ mmɔ ke ufɔt mme usen esie, ndien ke utit esie enye eyekabare edi ndisime.

ŊWED ESEME 3:52

Mmɔ eke esuade mi ke ikpikpu ebine mi nte ekpri inuen.

DANIEL 3:13

Ndien edidem Nebuchadnezzar ke ifuresit ye iyaresit ɔnɔ uyo, ete eda Shadrach ye Meshach ye Abednego edi.

DANIEL 3:19

Ndien esit ofut Nebuchadnezzar eti-eti, iso esie onyuŋ akabare ese Shadrach ye Meshach ye Abednego idiɔk. Enye ɔbɔrɔ onyuŋ ɔnɔ uyo, ete enam ikaŋ asak ke akwa ikaŋ utim ikatiaba akan nte ekam esikutde.

OBADIAH 1:10

Afai oro afo akanamde ye Jacob eyen-usɔ eyesin but ofuk fi, eyenyuŋ esibe fi efep ke nsinsi.

OBADIAH 1:12

Edi ukpesehe ke usen eyen-usɔ, ke usen oro enye akabarede edi esen owo; ukponyuŋ udatke esit ubaŋa nditɔ Judah, ke usen oro ekesobode mmɔ; ukponyuŋ ubureke mbure ke usen nnan-enyin.

MATTHEW 10:17

Edi ekpeme idem ye owo; koro mmɔ eyeyak mbufo esin ke ubɔk mme esop, ndien eyemia mbufo ke mme synagogue mmɔ;

MATTHEW 10:28

Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

MATTHEW 12:24

Edi ke adaŋemi mme Pharisee ekopde, mmɔ edɔhɔ ete, Owo emi ibinke demon iduɔk, ke mitoho Beelzebub, ɔbɔŋ mme demon.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

MATTHEW 18:21

Ekem Peter edi edidɔhɔ Enye ete, Ɔbɔŋ, ikafaŋ ke eyen-ete mi edidue mi, ndien ndahado nnɔ enye?

MATTHEW 18:35

Kpasuk ntre ke Ete Mi ke heaven edinam ye mbufo, ke mbufo kiet kiet mifenke eyen-ete mbufo ke ofuri esit.

MATTHEW 23:15

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo ekanarede inyaŋ ye obot, ete inam kpa owo kiet okpono Abasi ke ido mbufo; ndien ke enye ama akabare etie ntem, mbufo enam enye edi eyen hell utim ikaba akan idem mbufo.

MATTHEW 23:33

Mbufo mme urukikɔt, mbufo nditɔ ibɔm, edisaŋa didie ebɔhɔ ikpe hell?

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MATTHEW 26:59

Edi ikpɔ oku ye ɔfuri akwa esop eyom ikɔ nsu eke ekpetiŋde edian Jesus, man mmɔ ewot Enye:

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

MATTHEW 5:34

Edi Ami ndɔhɔ mbufo nte, Ekutomo baba ŋkpɔ kiet; ekutomo heaven, koro heaven edi itie-ubɔŋ Abasi;

MATTHEW 5:44

Edi Ami ndɔhɔ mbufo nte, ema mme asua mbufo enyuŋ ebɔŋ akam eyom ufɔn mmɔ eke enamde mbufo isin-enyin:

MARK 14:55

Edi ikpɔ oku ye ofuri esop eyom ikɔ-ntiense edian Jesus, man ewot Enye, edi ikwe.

MARK 15:1

EKEM eyo ekesesiere, ikpɔ oku ye mbiowo ye mme scribe ye ofuri esop esobo ibuot, ebɔp Jesus, eda Enye edaha ekeyak enɔ Pilate.

LUKE 12:5

Edi nyesian mbufo Enye emi ekpefehede; efehe Enye emi, ke ama owot; onyuŋ enyenede odudu ndiduɔk ke hell: mmɔsɔŋɔ ndɔhɔ mbufo nte, efehe Enye.

LUKE 22:66

Ndien ke ini eyo esierede, mbiowo obio esop idem ɔtɔ kiet ye ikpɔ oku ye mme scribe; mmɔ enyuŋ eda Enye eduk ke akwa esop mmɔ, ete,

JOHN 11:47

Ntre ke ikpɔ oku ye mme Pharisee ekot akwa esop ebono, enyuŋ edɔhɔ ete, Inam didie? koro owo emi ke ananam ediwak idiɔŋɔ.

JOHN 15:25

Edi emi ɔwɔrɔ, man osu nte ewetde ke ibet mmɔ, ete, Mmɔ ekesua Mi ke unana ntak.

JOHN 7:20

Nsinam mbufo eyomde Mi ndiwot? Otu oro ebɔrɔ ete, Idat anam Fi; anie ke oyom Fi ndiwot?

JOHN 8:48

Mme Jew ebɔrɔ Enye ete, Nte nnyin ineŋekere idɔhɔ ite Afo edi owo Samaria, idat onyuŋ anam Fi?

UTOM MME APOSTLE 17:18

Ndusuk mme ɔfiɔkŋkpɔ owo, emi etienede ukpep-ŋkpɔ Epicurus ye ukpep-ŋkpɔ mme Stoic, eneni eneni ye enye. Ndusuk mmɔ ete, Nso ke owo emi oyom nditiŋ ye mbubek ifiɔk esie? Ndusuk eŋwen ete, Enye etie nte andikwɔrɔ isen Abasi: mmɔ etiŋ ntre koro enye ɔkwɔrɔde Jesus ye ediset ke mkpa.

UTOM MME APOSTLE 22:30

Ke ndaŋ-nsiere, sia enye oyomde ndifiɔk akpan ntak eke esinde mme Jew edori Paul ikɔ, atat enye, onyuŋ okot ikpɔ oku ye ofuri esop ebono ɔtɔ kiet, onyuŋ ada enye ɔsuhɔre edi ediwuk ke iso mmɔ.

UTOM MME APOSTLE 23:1

PAUL owuk enyin ese esop, onyuŋ ɔdɔhɔ ete, Nditɔ-ete, mma nda esit eke mibiomke mi ke baba ŋkpɔ kiet ndu uwem ke iso Abasi tutu osim emi.

UTOM MME APOSTLE 24:20

Minyuŋ idige ntre, yak mmɔ emi ke idem mmɔ etiŋ ndudue eke mmɔ ekutde mi ke idem, ke ini ndade ke iso esop,

UTOM MME APOSTLE 4:15

Edi mmɔ enɔ uyo ete mmɔ oro ewɔŋɔ ke esa ekada ŋkaŋ kiet, enyuŋ eneme ke otu idem mmɔ ete,

UTOM MME APOSTLE 5:21

Ndien ke ini mmɔ ekopde, mmɔ eduk ke temple ke usiere-usen, enyuŋ ekpep mme owo ŋkpɔ. Edi akwa oku edi, ye mmɔ emi edude ye enye, edikot akwa esop ye kpukpru mbiowo nditɔ Israel obon ɔtɔ kiet, onyuŋ ɔdɔŋ eka ke ufɔk-ŋkpɔkɔbi ekada mmɔ oro edi.

UTOM MME APOSTLE 5:27

Edi ke ini edade mmɔ edi, enam mmɔ eda ke iso esop.

UTOM MME APOSTLE 6:12

ye mbiowo, ye mme scribe, enyuŋ edi edibuat enye, emum, eda eduk ke esop.

UTOM MME APOSTLE 6:15

Ndien ke ini kpukpru mmɔ emi etiede ke esop ewukde enyin ese enye, mmɔ ekut iso esi ete ebiet iso angel.

UTOM MME APOSTLE 7:37

Emi edi Moses oro ɔkɔdɔhɔde nditɔ Israel ete, Abasi eyenam prophet, emi edibietde mi, adaha ada ɔnɔ mbufo ke otu nditɔ-ete mbufo.

ŊWED MBON ROME 12:10

Eda ima nditɔ-ete ema kiet eken; esɔp ndikpono kiet eken;

1 ŊWED CORINTH 6:10

ye mmɔ eke ebietde iban, ye mmɔ eke esabarede idem, ye mme inɔ, ye mme esin esit ke ŋkpɔ owo, ye mme ɔyuhɔ mmin, ye mbon idiɔk inua, ye mme akan owo ubɔk ididaha Obio Ubɔŋ Abasi inyene.

1 ŊWED CORINTH 6:6

Edi eyen-ete enyene ndikot enyen-ete-ikpe, onyuŋ ada enye aka ke iso mmɔ emi minimke ke akpanikɔ.

DEUTERONOMY 15:11

Koro mme ubuene midikureke ke isɔŋ: mmɔdo ami ntemede fi, nte, Tatat ubɔk fo nɔ eyen-usɔ, ye ubuene fo, ye owo unana fo ke isɔŋ fo.

DEUTERONOMY 16:18

Nyuŋ nim mme ebierikpe ye mme andidaha ke idem fo ke kpukpru obio fo eke Jehovah Abasi fo ɔnɔde fi ke ofuri mme esien fo: ndien yak mmɔ ekpe edinen ikpe enɔ kpukpru owo.

1 ŊWED THESSALONICA 4:6

Owo baba kiet okubiat ewuhɔ, otuk eyen-ete esie ke ŋkpɔ emi; koro Ɔbɔŋ eyesio usiene ke kpukpru idiɔk-ŋkpɔ emi, nte nnyin ikebemde iso idɔhɔ inyuŋ itim iteme mbufo.

TITUS 3:2

Ekusuŋi baba owo kiet, ekunyuŋ edi mbon utɔk; edi etie ifure-ifure, enyuŋ ewut kpukpru owo suŋ-suŋ ido.

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

JAMES 2:20

Edi nte afo, O ndisime owo, eyekam ɔfiɔk ete, erinim ke akpanikɔ eke misaŋake ye erinam ŋkpɔ iŋwumke mfri?

JAMES 3:6

Ndien edeme edi ikaŋ: ekenim edeme ke otu ndido nnyin nte uyɔhɔ ukwaŋido; enye asabare ofuri ikpɔhidem, onyuŋ okim ikaŋ ke ofuri ererimbot eke oborode; ikaŋ esie onyuŋ oto ke hell.

1 PETER 2:23

Ke ini owo osuŋide Enye, Enye isuŋike mmɔ usiene; ke ini Enye ebede ke ndutuhɔ, Enye itiŋke ikɔ ndige; edi ayak ikɔ Esie esin ke ubɔk Andikpe edinen ikpe.

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

1 JOHN 2:9

Owo eke ɔdɔhɔde ete imɔ idu ke uŋwana, ndien enye asua eyen-ete esie, osuk odu ke ekim tutu osim emi.

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.

1 JOHN 5:16

Edieke owo okutde eyen-ete esie anamde idiɔk-ŋkpɔ eke midaha mkpa idi, enye eyenam mkpe-ubɔk, ndien Abasi eyeda uwem ɔnɔ enye, kpa ɔnɔ mmɔ eke minamke idiɔk-ŋkpɔ mkpa. Idiɔk-ŋkpɔ emi adade mkpa edi odu; ndɔhɔke nte owo anam mkpe-ubɔk abaŋa utɔ idiɔk-ŋkpɔ emi.

JUDE 1:9

Edi Michael, akwa angel oro, ke eriŋwana emi enye aŋwanade ye Satan, ke adaŋemi enye enenide abaŋa okpo Moses, ikedehede isuŋi enye ke ikpe, edi ɔdɔhɔ ete, Ɔbɔŋ akpakam asua ɔnɔ fi.

ERIYARARE 20:14

Enyuŋ emen mkpa ye obio ekpo eduɔk ke akwa ŋkpɔdiɔhɔ ikaŋ. Emi edi udiana mkpa, kpa akwa ŋkpɔdiɔhɔ ikaŋ.