MATTHEW 4:4 - Edisana ñwed Abasi Ibom

⁴ Edi Jesus ɔbɔrɔ ete, Ema ewet ete, Idige uyo ikpɔŋ ke owo edida idu uwem, edi edida kpukpru ikɔ eke ewɔrɔde Abasi ke inua odu.

MATTHEW 4:4 ပူးပေါင်းရင်းမြစ်များ

EXODUS 16:15

Ndien adaŋemi nditɔ Israel ekutde, mmɔ edɔhɔ kiet ye kiet ete, Emi edi nso? koro mmɔ mifiɔkke se idide. Ndien Moses ete mmɔ, Ke edi udia emi Jehovah ɔnɔde mbufo ete edia.

EXODUS 16:35

Ndien nditɔ Israel edia manna oro ke ofuri isua aba, tutu mmɔ esim ke isɔŋ eke owo eduŋde: mmɔ edia manna oro tutu osim ke adaŋa isɔŋ Canaan.

EXODUS 16:8

Ndien Moses ɔdɔhɔ ete, (Eyedi ntem) ke ini Jehovah ɔnɔde mbufo unam ke mbubreyo, ete eta, ye uyo ke usenubɔk, ete eyuhɔ: koro Jehovah omokop uyo emi mbufo esukde enye: ndien nnyin idi mme anie? Idige nnyin ke mbufo esuk uyo, edi edi Jehovah.

EXODUS 23:15

Nim usorɔ uyo eke leaven miduhe: ta uyo eke leaven miduhe ke usen itiaba, kpa nte emi ŋkowukde fi, ke ini emi odoride, ke ɔfiɔŋ Abib: koro ke esit ke afo ɔkɔwɔrɔ ke Egypt; ndien owo baba kiet okuwut mi idem ubɔk-ubɔk:

MATTHEW 15:11

Idige se idukde owo ke inua asabare owo, edi se iwɔrɔde owo ke inua, ke edi oro asabare owo.

MATTHEW 4:10

Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.

MATTHEW 4:7

Jesus ɔdɔhɔ enye ete, Ema ewet ŋko ete, Kudomo Jehovah Abasi fo.

MARK 7:20

Enye onyuŋ ɔdɔhɔ ete, Se iwɔrɔde owo ke idem edi se isabarede owo.

LUKE 4:12

Ndien Jesus ɔbɔrɔ enye ete, Ema ewet ete, Kudomo Jehovah Abasi fo.

LUKE 4:4

Ndien Jesus ɔbɔrɔ enye ete, Ema ewet ete, idige uyo ikpɔŋ ke owo edida odu uwem.

LUKE 4:8

Edi Jesus ɔbɔrɔ enye ete, Ema ewet ete, Tuak ibuot nɔ Jehovah Abasi fo, nyun nam ŋkpɔ nɔ Enye ikpɔŋ-ikpɔŋ.

JOHN 15:26

Edi ke adaŋemi Iberedem, emi ndisiode ke ubɔk Ete ndɔŋ etiene mbufo, edidide, kpa Spirit akpanikɔ, emi otode ke Ete ɔwɔrɔ edi, Enye eyedi ntiense ɔnɔ Mi.

JOHN 6:63

Edi spirit anam owo odu uwem: obukidem inɔŋɔ owo baba udori kiet: mme ikɔ oro ŋketiŋde nnɔ mbufo edi spirit enyuŋ edi uwem.

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

ŊWED MBON EPHESUS 6:17

Enyuŋ eyara erinyaŋa nte ndun ke ibuot, enyuŋ ekama ofut Spirit, emi edide ikɔ Abasi:

DEUTERONOMY 8:3

Ntem ke enye ɔsuhɔre fi onyuŋ ayak fi etie biɔŋ, onyuŋ ada manna, emi afo mukɔfiɔkke, ye eke mme usɔ mikenyuŋ ifiɔkke, ɔnɔ fi adia; ete ikpep fi ite ke idige uyo ikpɔŋ-ikpɔŋ ke owo ada odu uwem, ke edi kpukpru se itode Jehovah ke inua ke owo ada odu uwem.