MATTHEW 4:23 - Edisana ñwed Abasi Ibom

²³ Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MATTHEW 4:23 ပူးပေါင်းရင်းမြစ်များ

ŊWED MME PSALM 103:3

emi efende kpukpru mme ukwaŋ-ŋkpɔ fo, onyuŋ ɔkɔkde kpukpru mme udɔŋɔ fo;

ŊWED MME PSALM 74:8

Emedɔhɔ ke esit mmɔ, ete, Yak nnyin ibiat mmɔ ini kiet: emefɔp kpukpru ebiet esop Abasi ke isɔŋ.

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 12:9

Ekem enye adaha ke ebiet oro oduk ke synagogue mmɔ;

MATTHEW 13:19

Ke ini owo ekededi okopde ikɔ Obio Ubɔŋ Heaven, minyuŋ ifiɔkke se ɔwɔrɔde, andidiɔk edi editaŋ se ekasuande ke esit owo oro. Emi edi enye emi esuande mkpasip ke mben ɔkpɔusuŋ.

MATTHEW 13:54

Ndien Enye edi ke obio Esiemɔ onyuŋ ekpep mmɔ ŋkpɔ ke synagogue mmɔ, tutu idem akpa mmɔ, mmɔ enyuŋ ete, Owo emi ada ɔniɔŋ emi ye utom odudu emi ke mmɔŋ?

MATTHEW 14:14

Ndien Enye ɔwɔrɔ ke ubom okut akamba otu owo, onyuŋ atua mmɔ mbɔm, onyuŋ anam mbon-udɔŋɔ mmɔ ekop nsɔŋidem.

MATTHEW 24:14

Eyenyuŋ ekwɔrɔ gospel Ubɔŋ Abasi emi ke ofuri ekondo nte ntiense enɔ kpukpru mme idut, ndien adaŋoro ke utit eyedi.

MATTHEW 3:2

Mbufo ekabare esit; koro Ubɔŋ Heaven ke ekpere.

MATTHEW 9:35

Ndien Jesus asaŋa akanare kpukpru obio ye obio-inwaŋ, ekpep owo ŋkpɔ ke mme synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk udɔŋɔ ye kpukpru oruk mmemidem ekure.

MARK 1:14

Edi ke ema ekayak John enɔ, Jesus aka ke Galilee ɔkɔkwɔrɔ gospel Abasi, ete,

MARK 1:21

Ekem mmɔ eduk ke Capernaum: ndien idaha oro ke usen sabbath Jesus oduk ke synagogue ekpep owo ŋkpɔ.

MARK 1:39

Ndien Enye asaŋa oduk ke mme synagogue mmɔ ke ofuri Galillee, ɔwɔrɔ ikɔ, onyuŋ ebin demon ɔduɔk.

MARK 3:10

koro Enye ama akanam udɔŋɔ okure ediwak owo, tutu kpukpru mmɔ emi enyenede udɔŋɔ ebere Enye man etuk Enye.

MARK 6:2

Ndien ke osimde sabbath, Enye ɔtɔŋɔ ndikpep owo ŋkpɔ ke synagogue; ediwak mmɔ eke ekopde Enye enyuŋ edu ke mkpa-idem, ete, Owo emi ada ŋkpɔ emi ke mmɔŋ? Ɔniɔŋ eke enɔde owo emi edi nso, ye oruk utom odudu emi ubɔk Esie anamde?

MARK 6:6

Ndien Enye eyik abaŋa unana mbuɔtidem mmɔ. Ekem Enye asaŋa akanare obio-iŋwaŋ ekpep owo ŋkpɔ.

LUKE 10:9

enyuŋ enam udɔŋɔ okure mbon-udɔŋɔ emi edude do, enyuŋ esian mmɔ ete, Ubɔŋ Abasi ama asaŋa ekpere mbufo.

LUKE 13:10

Enye ke ekpep mmɔ ŋkpɔ ke synagogue kiet ke sabbath.

LUKE 16:16

Ibet ye mme prophet ekedu tutu osim ini John: tɔŋɔ ke ini oro ekwɔrɔ eti mbuk Obio Ubɔŋ Abasi, kpukpru owo enyuŋ enam unyaŋa eduk ke esit.

LUKE 20:1

EDIKEM ke mme usen oro kiet, nte Enye ekpepde mbio-obio ŋkpɔ ke temple, onyuŋ ɔkwɔrɔde gospel, ikpɔ oku ye mme scribe ye mbiowo etiene Enye;

LUKE 4:14

Ekem Jesus afiak edi ke Galilee ke odudu Spirit: etop Esie onyuŋ asuana akanare ofuri edem oro.

LUKE 5:17

Ekem ke usen kiet, nte Enye ekpepde owo ŋkpɔ, mme Pharisee ye mme ekpep-ibet, emi ekotode ke kpukpru obio-iŋwaŋ Galilee ye Judaea, ye ke Jerusalem, enyuŋ etie do: odudu Jehovah onyuŋ odu ye Enye ndinam udɔŋɔ okure.

LUKE 6:17

Ekem Enye asaŋa ye mmɔ ɔsuhɔre edida ke una-isɔŋ; akwa otu mbet Esie, ye ata ediwak owo enyuŋ edu ye mmɔ; emi etode ke ofuri Judaea ye Jerusalem, ye mben inyaŋ Tyre ye Sidon, emi ekedide ndikop ikɔ Esie, man Enye onyuŋ anam udɔŋɔ okure mmɔ;

LUKE 6:6

Edikem ke sabbath eŋwen, Enye oduk ke synagogue ekpep owo ŋkpɔ: ndien owo kiet emi ubɔk nnasia esie akpade odu do.

LUKE 7:21

Ke ini oro Jesus anam udɔŋɔ ye ubiak ye ndiɔi spirit ekure ediwak owo; onyuŋ anam ediwak nnan ekut usuŋ.

LUKE 7:22

Ndien Enye ɔbɔrɔ mme isuŋutom oro ete, Eka ekobuk enɔ John se mbufo ekekutde enyuŋ ekopde; ete, mme nnan ekut usuŋ, mbon mbuŋɔ esaŋa, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk idaresit enɔ mme ubuene.

LUKE 8:1

EDIKEM ke mibigike, Enye asaŋa ke ikpɔ obio ye obio-iŋwaŋ, ɔkwɔrɔ onyuŋ obuk eti mbuk Ubɔŋ Abasi, mbet duopeba enyuŋ esaŋa ye Enye;

LUKE 9:11

Edi ke adaŋemi mme otu owo efiɔkde, mmɔ etiene Enye. Ndien Enye adara mmɔ, onyuŋ etiŋ ikɔ ɔnɔ mmɔ abaŋa Ubɔŋ Abasi, onyuŋ ɔkɔk udɔŋɔ mmɔ emi eyomde nsɔŋ-idem.

LUKE 9:60

Edi Jesus ɔdɔhɔ ete, Yak mme akpa-mkpa ebuk mme akpa-mkpa mmɔ; edi afo, ka kɔkwɔrɔ Ubɔŋ Abasi.

JOHN 18:20

Jesus ɔbɔrɔ enye ete, Ami ŋketetiŋ ŋkpɔ nnɔ ererimbot aŋwa-aŋwa; ŋkɔnɔ ukpep-ŋkpɔ kpukpru ini ke synagogue ye ke temple, emi kpukpru mme Jew ekam edide edisobo do; ŋkonyuŋ ntiŋke baba ŋkpɔ kiet ke ndibe. Nsinam obupde Mi?

JOHN 6:59

Jesus etiŋ ikɔ emi ke synagogue, nte Enye ekpepde owo ŋkpɔ ke Capernaum.

JOHN 7:1

KE ŋkpɔ emi ema ekebe, Jesus asaŋa ke Galilee; koro Enye minyimeke ndisaŋa ke Judaea, koro mme Jew eyomde Enye ndiwot.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 18:4

Enye onyuŋ ebuen ikɔ ke synagogue kpukpru sabbath, aŋwana ndinam mme Jew ye mme Greek enim ke akpanikɔ.

UTOM MME APOSTLE 20:25

Ndien ke emi, sese, mmɔfiɔk nte kpukpru mbufo emi ŋkasasaŋa ke otu mbufo ŋkwɔrɔ Ubɔŋ Abasi, idikwe iso mi aba.

UTOM MME APOSTLE 28:31

enye ɔkwɔrɔ Ubɔŋ Abasi, onyuŋ ekpep mme owo abaŋa Ɔbɔŋ Jesus Christ aŋwa-aŋwa, ndomo owo kiet ikpanke enye.

ŊWED MBON ROME 10:15

Mmɔ edinyuŋ enam didie ekwɔrɔ, ke mibɔhɔke edɔdɔŋ mmɔ? kpa nte ewetde ete, Ikpat mmɔ emi edade etop nti ŋkpɔ eye adaŋa didie!