MATTHEW 4:2 - Edisana ñwed Abasi Ibom

² Enye inyuŋ idiaha ŋkpɔ uwemeyo aba ye okoneyo aba, ndien oro ema ekebe, Enye okop biɔŋ.

MATTHEW 4:2 ပူးပေါင်းရင်းမြစ်များ

1 NDIDEM 19:8

Ndien enye adaha ke enyɔŋ, adia, onyuŋ ɔŋwɔŋ, onyuŋ asaŋa ke odudu udia oro ke uwemeyo aba ye ke okoneyo aba, aka ke Horeb obot Abasi.

EXODUS 24:18

Ndien Moses okoduk ke ufɔt obubit enyɔŋ, ɔdɔk obot; Moses onyuŋ odu ke obot oro ke uwemeyo aba ye okoneyo aba.

EXODUS 34:28

Ndien enye odu do ye Jehovah ke uwemeyo aba ye okoneyo aba; itaha uyo, inyuŋ iŋwɔŋke mmɔŋ. Ndien Enye emen ikɔ ediomi emi, kpa mme ikɔ duop oro, ewet esin ke itiat-ŋwed oro.

MATTHEW 21:18

Edi ke usenubɔk nte Enye afiakde edi ke obio, okop biɔŋ.

MATTHEW 25:35

Koro Ami ŋkokopde biɔŋ, ndien mbufo enɔ Mi udia; itɔŋ akasat Mi, ndien mbufo enɔ Mi mmɔŋ; ŋkedi esen, ndien mbufo eda Mi eka ufɔk;

MATTHEW 25:42

Koro Ami ŋkokopde biɔŋ, ndien mbufo inɔŋɔ Mi udia;

MARK 11:12

Ekem ke ndaŋ-nsiere, ke ini ewɔŋɔde ke Bethany, biɔŋ ɔdɔŋ Jesus.

LUKE 4:2

Enye ikadiaha ŋkpɔ ke mme usen oro: ndien ke ini mmɔ ebede enye okop biɔŋ.

JOHN 4:6

obube-mmɔŋ Jacob onyuŋ odu do. Ndien sia Jesus okopde mba ɔnɔ isaŋ, Enye ɔsuhɔre etetie do ntem ke mben obube-mmɔŋ: ekpere ufɔt uwem-eyo.

DEUTERONOMY 18:18

Nyenam prophet kiet, ebiet fi, adaha ada ke otu nditɔ-ete mmɔ, nyenyuŋ nda ikɔ mi nsin enye ke inua; ndien enye eyeda kpukpru se ami ntemede enye etiŋ ɔnɔ mmɔ.

DEUTERONOMY 9:18

Nnyuŋ nduɔ ke isɔŋ ke iso Jehovah, kpa nte eke akpa ini, ke uwemeyo aba, ye okoneyo aba; ndiaha udia, nnyuŋ ŋŋwɔŋke mmɔŋ, mbaŋa kpukpru mme idiɔk ido emi mbufo ekenamde, ke erinam se idiɔkde ke iso Jehovah, nnyuŋ nyat enye esit.

DEUTERONOMY 9:25

Ntem ke ami nduɔ ke isɔŋ ke iso Jehovah ke uwemeyo aba ye ke okoneyo aba, nte ŋkɔduɔde: koro Jehovah ɔkɔdɔhɔde ete iyesobo mbufo.

DEUTERONOMY 9:9

Ke adaŋemi ŋkɔdɔkde obot ŋka ndibɔ itiat-ŋwed ediomi emi Jehovah odiomide ye mbufo, ntie ke obot ke ofuri uwemeyo aba ye okoneyo aba, ndiaha udia, nnyuŋ ŋŋwɔŋke mmɔŋ,