MATTHEW 4:10 - Edisana ñwed Abasi Ibom

¹⁰ Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.

MATTHEW 4:10 ပူးပေါင်းရင်းမြစ်များ

1 CHRONICLES 21:1

EKEM Satan adaha ke enyɔŋ ndibiat Israel, onyuŋ esin David abat Israel.

ŊWED JOB 1:12

Ndien Jehovah ɔdɔhɔ Satan, ete, Sese, kpukpru se inyenede enye odu fi ke ubɔk; edi kunyan ubɔk fo utuk enye ke idem esie. Ndien Satan adaha ke iso Jehovah ɔwɔrɔ.

ŊWED JOB 1:6

Edikem ke usen kiet nditɔ Abasi eda idem mmɔ ediwut Jehovah, Satan onyuŋ edi ke otu mmɔ ŋko.

ŊWED JOB 2:1

EDIKEM ke usen kiet nditɔ Abasi eda idem mmɔ ediwut Jehovah, ndien Satan onyuŋ edi ke otu mmɔ, ndiwut Jehovah idem esie.

ŊWED MME PSALM 109:6

Nim idiɔk owo ke etubom esie, nim owo usua ke ubɔk nnasia esie.

EXODUS 23:25

Mbufo enyuŋ enam ŋkpɔ Jehovah Abasi mbufo, ndien enye eyediɔŋ udia mbufo, ye mmɔŋ mbufo: ndien nyesioŋo udɔŋɔ ke otu mbufo mfep.

ISAIAH 30:22

Ndien mbufo eyebat se edade efuk mbiet a silver fo, ye edisine-ŋkpɔ mbiet o-gold fo ke mbubiam: afo eyemen mmɔ ɔduɔk nte ŋkpɔ ndek; eyedɔhɔ enye, ete, Wɔrɔ.

MATTHEW 16:23

Edi Jesus ɔwɔŋɔre ada ɔdɔhɔ Peter ete, Da ke edem Mi, Satan. Afo edi ŋkpɔ iduɔ ɔnɔ Mi; koro afo ukereke ŋkpɔ Abasi, edi ekere ŋkpɔ owo.

MARK 1:13

Ndien Enye odu ke desert usen aba, Satan onyuŋ odomo Enye; ndien Enye odu ye mme unam ikɔt; mme angel enyuŋ enam ŋkpɔ enɔ Enye.

LUKE 10:18

Edi Enye ɔdɔhɔ mmɔ ete,Mma ŋkut Satan otode ke enyɔŋ ɔduɔ nte emireŋ-mireŋ.

LUKE 11:18

Edieke Satan ŋko abaharede ada aŋwana ye idem esie, obio esie edikeme didie ndisɔŋɔ nda? koro mbufo edɔhɔde ete, nda Beelzebub mbin mme demon nduɔk.

LUKE 13:16

Edi ama edi ŋwan emi, emi edide eyen Abraham, emi Satan ɔkɔbɔpde ofuri isua efureta emi, nte ikpatatke enye uruk ke usen sabbath?

LUKE 22:3

Edi Satan oduk ke esit Judas, emi ekotde ekadian Iscariot, emi edide owo kiet ke otu mbet duopeba.

LUKE 22:31

Simon, Simon, sese, Satan ekebeŋe mbufo ɔbɔ, man asak mbufo nte ibokpot: edi ŋkekpe ubɔk nnɔ fi,

LUKE 4:8

Edi Jesus ɔbɔrɔ enye ete, Ema ewet ete, Tuak ibuot nɔ Jehovah Abasi fo, nyun nam ŋkpɔ nɔ Enye ikpɔŋ-ikpɔŋ.

JOHN 13:27

Ndien ke Judas ama ɔkɔbɔ uyo oro, ekem Satan oduk enye esit. Ntem ke Jesus ɔdɔhɔ enye ete, Wara nam se aduakde ndinam.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

UTOM MME APOSTLE 5:3

Edi Peter ete, Ananias, nsinam Satan ɔyɔhɔde fi esit, esin osu nsu ɔnɔ Edisana Spirit, omum ubak okuk iŋwaŋ akama?

1 ŊWED CORINTH 5:5

Ɔbɔŋ Jesus eyak oruk owo emi enɔ Satan atahare obukidem esie, man ekpanyaŋa spirit esie ke usen Ɔbɔŋ Jesus.

1 ŊWED CORINTH 7:5

Ekubɔ kiet eken se idide unen esie, ibɔhɔke oto erinyime nkaŋ mbiba ke ekpri ini, man mbufo esin idem ke akam, enyuŋ efiak edidiana; mbak Satan editap mbufo oto koro mbufo mikemeke ndikara esit mbufo.

2 ŊWED CORINTH 11:14

Inyuŋ idige utibe-ŋkpɔ; koro kpa Satan ke idem esie ke oforo angel uŋwana.

2 ŊWED CORINTH 12:7

Koro se eyararede enɔ mi okponde eti-eti; ntre, mbak ndiseri iseri ŋkaha, ke esin mi ŋkukim ke obukidem, isuŋutom Satan edituai mi, mbak ndiseri iseri ŋkaha.

2 ŊWED CORINTH 2:11

mbak Satan edikan nnyin ke baba usuŋ kiet; koro nnyin minanake ifiɔk ibaŋa ŋkari ye ŋkukan esie.

DEUTERONOMY 10:20

Bak Jehovah Abasi fo; nam ŋkpɔ esie, nyuŋ yire ye enye, nyuŋ tomo enyiŋ esie.

JAMES 4:7

Esuk idem ndien enɔ Abasi; eŋwana ye satan, ndien enye eyefehe ɔkpɔŋ mbufo;

JOSHUA 24:14

Mbufo ebak Jehovah, ndien, enyuŋ enam ŋkpɔ esie ke esit kiet, ye ke akpanikɔ: enyuŋ emen mme abasi emi mme ete mbufo ekenamde ŋkpɔ mmɔ ke edem akpa oko, ye ke Egypt, eduɔk;

1 PETER 5:9

lion eke okunide, oyom se editade. Esɔŋɔ eda ke mbuɔtidem eŋwana ye enye, ke efiɔkde ete kpa utɔ ndutuhɔ emi ke ɔyɔyɔhɔ ke otu nditɔ-ete mbufo emi edude ke ererimbot.

1 SAMUEL 7:3

Ndien Samuel ɔdɔhɔ ofuri ufɔk Israel, ete, Edieke mbufo ekabarede etiene Jehovah ke ofuri esit mbufo, esioŋe ndien isen abasi mme Ashtaroth ke otu mbufo efep, enyuŋ ewuk esit mbufo etiene Jehovah, enyuŋ enam ŋkpɔ enɔ enye ikpɔŋ-ikpɔŋ: ndien enye eyenyaŋa mbufo osio mme Philistine ke ubɔk.