MATTHEW 3:7 - Edisana ñwed Abasi Ibom

⁷ Edi ke ini enye okutde ediwak mme Pharisee ye mme Sadduccee edide edina baptism ke ubɔk esie, enye ete mmɔ, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?

MATTHEW 3:7 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

MME ŊKE 28:4

Mmɔ eke ekpɔŋde ibet etoro mme idiɔk owo: edi mmɔ eke enimde ibet etɔhɔ ye mmɔ.

ISAIAH 59:5

Mmɔ ekubɔ nsen uruk-ikɔt, enyuŋ edɔk mkpaŋ utue: owo eke adiade nsen mmɔ eyekpa; se inuahade eyenyuŋ ɔwɔrɔ ibɔm.

JEREMIAH 51:6

Mbufo eto ke ufɔk Babylon efeŋe, enyuŋ ebɔhɔ kiet kiet ke uwem mbufo: mbufo ekutak ke idiɔk ido esie; koro ini usiene Jehovah edi emi; Enye eyenɔ enye utip.

JEREMIAH 6:10

Ndidɔhɔ anie, nnyuŋ nteme anie, man mmɔ ekop? sese, utɔŋ mmɔ odoro edut, ndien mmɔ ikemeke ndikop: sese, mmɔ ebat uyo Jehovah ke ŋkpɔ but; enye inemke mmɔ esit.

MATTHEW 12:24

Edi ke adaŋemi mme Pharisee ekopde, mmɔ edɔhɔ ete, Owo emi ibinke demon iduɔk, ke mitoho Beelzebub, ɔbɔŋ mme demon.

MATTHEW 12:34

Mbufo ubon urukikɔt, mbufo emi ediɔkde ekeme didie nditiŋ nti ŋkpɔ? Koro oto ke uyɔhɔ esit ke inua osio etiŋ.

MATTHEW 15:12

Ekem mbet Esie edi edidɔhɔ Enye ete, Nte ɔmɔfiɔk ete mme Pharisee eyat esit, ke ini mmɔ ekopde ikɔ emi?

MATTHEW 16:1

EKEM mme Pharisee ye mme Sadducee edi edidomo Enye, ebup Enye ete, owut mme imɔ idiɔŋɔ emi otode ke heaven.

MATTHEW 16:6

Edi Jesus ɔdɔhɔ mmɔ ete, Etiŋ enyin ekpeme idem mbak leaven mme Pharisee ye mme Sadducee.

MATTHEW 22:15

Ekem mme Pharisee eka ekoduk odu, nte mmɔ edikɔkde afia emum Enye ikɔ-inua.

MATTHEW 22:23

Usen oro mme Sadducee, emi edɔhɔde ete eriset ke mkpa iduhe, etiene Enye, ebup Enye

MATTHEW 22:34

Edi ke ini mme Pharisee ekopde ete Enye ama okokibi mme Sadducee inua, mmɔ esop idem ɔtɔ kiet.

MATTHEW 23:33

Mbufo mme urukikɔt, mbufo nditɔ ibɔm, edisaŋa didie ebɔhɔ ikpe hell?

MATTHEW 5:20

Koro ndɔhɔ mbufo nte Edieke edinen ido mbufo mikanke eke mme scribe ye mme Pharisee, mbufo ididukke ke Obio Ubɔŋ heaven.

MARK 12:13

Ekem mmɔ esio ndusuk mme Pharisee ye mme Herodian edɔŋ ke ɔtɔ Esie, man mmɔ ekpemum Enye ikɔ-inua.

MARK 12:18

Ekem mme Sadducee, emi edɔhɔde ete eriset ke mkpa iduhe, etiene Enye, ebup Enye ete,

MARK 8:15

Ndien Jesus ɔsɔŋɔ ɔdɔhɔ mmɔ, ete, Etiŋ enyin ekpeme idem mbak leaven mme Pharisee ye leaven Herod.

LUKE 16:14

Mme Pharisee emi edide mme ama-inyene ekop kpukpru ikɔ emi, enyuŋ esak Enye nsahi.

LUKE 18:11

Pharisee ada ɔbɔŋ akam ye idem esie, ete, Abasi, mmɔkɔm Fi, koro mmentiehe nte owo eŋwen, mbon nnama, mme anam ukwaŋido, mme esin-efibe, kpa ye nte publican emi.

LUKE 7:30

Edi mme Pharisee ye mme ɔfiɔk-ibet, emi mikanaŋa baptism esie, enam uduak Abasi ke idem mmɔ okpu.

JOHN 1:24

Mme isuŋ oro eto ke otu mme Pharisee.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

JOHN 9:40

Ndusuk mme Pharisee emi edude ye Enye ekop ikɔ emi, enyuŋ edɔhɔ Enye ete, Nte nnyin nde idi nnan?

UTOM MME APOSTLE 15:5

Edi ndusuk owo emi etode ke ŋka mme Pharisee enyuŋ enimde ke akpanikɔ edaha ke enyɔŋ, edɔhɔ ete, Ana nte enim mmɔ mbobi, enyuŋ eteme mmɔ ete enim ibet Moses.

UTOM MME APOSTLE 20:31

Ekpeme ndien, enyuŋ eti ete ofuri isua ita ŋketreke nditeme kpukpru owo ke okoneyo ye uwemeyo ye mmɔŋ-eyet.

UTOM MME APOSTLE 26:5

mmɔ efiɔk ebaŋa mi toto ke eritɔŋɔ, edieke mmɔ emade nditiŋ, ete, ŋkodu uwem nte Pharisee, ntiene ido ŋka oro etimde enim ido Abasi nnyin.

UTOM MME APOSTLE 5:17

Edi akwa oku adaha ke enyɔŋ, ye kpukpru mmɔ emi edude ye enye (mmɔ edi ŋka Saducee), ufup onyuŋ ɔyɔhɔ mmɔ esit;

ŊWED MBON ROME 1:18

Koro iyaresit Abasi oto eke heaven ayarade adian kpukpuru unana uteŋe Abasi ye ukwaŋido owo, emi edade ukwaŋido ebiɔŋɔ akpanikɔ;

ŊWED MBON ROME 5:9

Ŋwaŋwaediso ndien, sia ema enam ikpe etebe nnyin ke emi ke iyip Esie, ke enyenyaŋa nnyin esio ke iyat esit oto ke Enye.

1 ŊWED THESSALONICA 1:10

inyuŋ itie ibet tutu Eyen Esie oto ke heaven edi, emi Enye akanamde eset ke mkpa, kpa Jesus, emi anyaŋade nnyin osio ke iyaresit eke ɔmɔŋ edidi.

MME HEBREW 11:7

Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso:

1 JOHN 3:10

Eda emi eyarare efiɔk nditɔ Abasi ye nditɔ Satan; baba owo kiet eke minamke edinen ido idige eke Abasi, ndien edi ntre ye owo emi mimaŋa eyen-ete esie.