MATTHEW 3:12 - Edisana ñwed Abasi Ibom

¹² Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.

MATTHEW 3:12 ပူးပေါင်းရင်းမြစ်များ

ŊWED JOB 21:18

Mmɔ ebiet nnyanyaŋa ke iso ofum, enyuŋ ebiet mbio eke oyobio ɔkpɔride efep.

ŊWED MME PSALM 1:4

Mme idiɔk owo itiehe ntem; edi mmɔ ebiet mbio eke ofum asuande.

ŊWED MME PSALM 35:5

Yak mmɔ etie nte mbio ke iso ofum: yak angel Jehovah onyuŋ onuk mmɔ eka.

ISAIAH 1:31

Ndien ŋkpɔsɔŋ owo eyekabare edi mfube, ŋkpɔ eke enye anamde eyenyuŋ edi ebua ikaŋ, ndien mmɔ mbiba eyeta ikaŋ, baba owo kiet eke onimede idinyuŋ iduhe.

ISAIAH 17:13

Ata ediwak owo ekpot nte akamba mmɔŋ okpotde: edi Enye aduat mmɔ, ndien mmɔ efeŋe anyan usuŋ, enyuŋ ebine mmɔ nte mbio ibokpot ke enyɔŋ obot ke iso ofum, ye nte ŋwewere ŋkpɔ ke iso oyobio.

ISAIAH 27:4

Ifuresit iduhe mi ke idem: akpap ye ŋkukim ekpekam eyi ke ekɔŋ ye ami, ŋkpobumere nduk ke esit, mfɔp mmɔ ini kiet.

ISAIAH 28:28

Enyene ndinuak ibokpot uyo, koro minyimeke ndibek enye ke nsinsi; enye anam wheel ukpat-ŋkpɔ esie oyut ke esit, edi iyakke mme horse esie enuak enye.

ISAIAH 30:24

ndien enaŋ mbufo ye abak ass eke efuŋde isɔŋ, eyedia inuŋ-inuŋ udia, eke owo asakde ke shovel ye ke usak-ŋkpɔ.

ISAIAH 41:16

Afo eyesak mmɔ, ndien ofum eyemen mmɔ efep, idio eyenyuŋ asuan mmɔ: ndien afo eyedara Jehovah, onyuŋ obure mbure ke Edisana Abasi Israel.

ISAIAH 5:24

Mmɔdo nte edemikaŋ atade etak nnyanyaŋa, ye nte edisak mbiet ɔduɔde, kpa ntre oruŋ mmɔ edibiet mbumbu eto, ikɔŋ mmɔ eyenyuŋ ɔdɔk nte obu: koro mmɔ emende ibet Jehovah mme udim eduɔk, enyuŋ esinde uyo Edisana Abasi Israel ke ndek.

ISAIAH 66:24

Ndien mmɔ eyewɔŋɔ, ekese okpo mmɔ emi ekesɔŋde ibuot ye ami: koro ndɔŋ mmɔ midikpaha, ikaŋ mmɔ midinyuŋ inimeke; ndien mmɔ eyedoro kpukpru obukidem ndidien.

JEREMIAH 15:7

Ndien nyeda usak-ŋkpɔ nsak mmɔ ke inua-otop isɔŋ; mmɔbɔ ikɔt mi nditɔ mmɔ, nnyuŋ nsobo mmɔ, mmɔ ikabakede ikpɔŋ usuŋ mmɔ.

JEREMIAH 17:27

Edi mbufo minyimeke ndikop uyo mi, nnyuŋ nnim usen sabbath ke edisana, man ekunyuŋ ebiom mbiomo eduk ke inua-otop Jerusalem ke usen sabbath; ndien ami nyebara ikaŋ ke inua-otop esie, eke editade ikpɔ ufɔk Jerusalem, ndien idinimeke.

JEREMIAH 4:11

Ke ini oro eyedɔhɔ mbio-obio emi ye Jerusalem, ete, Edifiop ofum ŋkokoŋo ebiet ke wilderness ke edi ke usuŋ adiaha oruk mi, idige ndisak, inyuŋ idige ndinam asana;

JEREMIAH 51:2

ndien nyedɔŋ isen owo utom ke Babylon, ndien mmɔ eyesak enye nte ibokpot, enyuŋ enam isɔŋ esie edi ukpɔk: koro mmɔ edikande enye ekuk ke usen ukut.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

HOSEA 13:3

Mmɔdo mmɔ ebietde ntuhube usenubɔk, ye mbara emi abakde adaha, ebiet mbio ibokpot eke asuanade ke ɔtɔ ubek-ibokpot efep, enyuŋ ebiet nsuŋikaŋ eke otode ke window ɔwɔrɔ.

AMOS 9:9

Jehovah ɔdɔhɔ. Koro, sese, ami nyewuk, nyenyuŋ nsak ufɔk Israel nsin ke otu kpukpru mme idut, kpa nte emi esakde (ŋkpɔ) ke usak-ŋkpɔ, ndien baba ŋkeŋe kiet ididuɔhɔ ke isɔŋ.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MATTHEW 13:30

Eyak mmɔ mbiba ekɔri ɔtɔ kiet tutu osim ini ukpeŋe; ndien ke ini ukpeŋe nyenɔ mbom ukpeŋe uyo, nte, Ebem iso etaŋ idiɔk mkpasip ebɔp ke ebek, man efɔp ke ikaŋ; edi editaŋ ibokpot ekonim ke ubet-udia mi.

MATTHEW 13:41

Eyen Owo eyesio mme angel Esie ɔdɔŋ, ndien mmɔ eyetaŋ kpukpru ŋkpɔ emi esinde owo eduɔ, ye mmɔ emi enamde ukwaŋido efep ke Obio Ubɔŋ Esie,

MATTHEW 13:42

eyenyuŋ eduɔk mmɔ ke akwa ikaŋ emi asakde: do ke eritua eyet ye erita edet eyedu.

MATTHEW 13:43

Adaŋoro ndinen owo eyeyama nte utin ke Obio Ubɔŋ Ete mmɔ. Owo eke enyenede utɔŋ, yak okop.

LUKE 3:16

John ɔbɔrɔ mmɔ kpukpru ete, Ami nda mmɔŋ nnim mbufo baptism; edi Enye emi enyenede odudu akan mi ɔmɔŋ edi, emi mmendotke nditat ikpaukot Esie: Enye eyenim mbufo baptism ke Edisana Spirit ye ikaŋ.

LUKE 3:17

Usak-ŋkpɔ Esie odu Enye ke ubɔk, ndida nnam itie-ubek-ibokpot Esie otim asana, Enye eyenyuŋ obon ibokpot Esie ke ubet; edi eyefɔp mbio ke ikaŋ eke midinimeke.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.