MATTHEW 3:11 - Edisana ñwed Abasi Ibom

¹¹ Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

MATTHEW 3:11 ပူးပေါင်းရင်းမြစ်များ

ISAIAH 4:4

Ke ini Ɔbɔŋ edidade spirit ikpe ye spirit ufɔp eyet nditɔ-iban Zion ndek ke idem efep, onyuŋ osio Jerusalem iyip ke esit efep.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

MATTHEW 3:6

ewɔŋɔ etiene enye; enyuŋ ena baptistm ke ubɔk esie ke akpa Jordan, ke eyararede mme idiɔkŋkpɔ mmɔ.

MARK 1:4

John oto edi edinim owo baptism ke desert, edinyuŋ ɔkwɔrɔ baptism erikabare esit, man efen mme idiɔk-ŋkpɔ.

LUKE 1:17

Ndien enye eyeda spirit ye odudu Elijah ebem Enye (Messiah) iso, man enye akabare esit mme ete ɔnɔ nditɔ, onyuŋ akabare mbon nsɔŋibuot anam mmɔ esaŋa ke ɔniɔŋ ndinen owo; onyuŋ anam mmɔ emi ekenimde enɔ Ɔbɔŋ ebeŋe idem ebet Enye.

LUKE 3:16

John ɔbɔrɔ mmɔ kpukpru ete, Ami nda mmɔŋ nnim mbufo baptism; edi Enye emi enyenede odudu akan mi ɔmɔŋ edi, emi mmendotke nditat ikpaukot Esie: Enye eyenim mbufo baptism ke Edisana Spirit ye ikaŋ.

LUKE 3:3

Ndien enye asaŋa ke ofuri ŋkan-ŋkuk Jordan edikwɔrɔ baptism erikabare esit, man efen mme idiɔk-ŋkpɔ;

JOHN 1:15

John etie ntiense abaŋa. Enye, onyuŋ ofiori ete, Enye edi owo oro ŋketiŋde mbaŋa, nte Enye emi etienede mi ke edem akabare ebem mi iso, koro Enye ekebemde mi iso odu.

JOHN 1:30

Emi edi Owo eke ndɔhɔde mbaŋa Enye nte, Owo etiene mi ke edem emi ɔwɔrɔde ebem mi iso; koro Enye ekebemde mi iso odu.

UTOM MME APOSTLE 1:5

Koro John akadade mmɔŋ onim baptism, edi eyenim mbufo baptism ke Edisana Spirit ke usen ifaŋ mibehe kaŋa.

UTOM MME APOSTLE 19:4

Mmɔ ete, ke esit baptism John. Paul ɔdɔhɔ ete, John okonim owo baptism erikabare esit, onyuŋ ɔdɔhɔ mbio-obio ete, ebuɔt idem ye Enye emi etienede imɔ ke edem, oro edi, Jesus.

UTOM MME APOSTLE 8:36

Edi nte mmɔ ekade iso ke usuŋ mmɔ, mmɔ edisim mmɔŋ;

UTOM MME APOSTLE 8:38

Ndien enye ɔnɔ uyo ete chariot atuak ada: mmɔ mbiba, Philip ye eunuch oro, enyuŋ esuhɔre eduk ke mmɔŋ; ndien Philip onim enye baptism.

1 ŊWED CORINTH 12:13

Koro ke Spirit kiet ke ema enim kpukpru nnyin baptism esin ke ikpɔhidem kiet, ye idide Jew inyuŋ idide Greek, idide ifin inyuŋ idide nditɔ: ema enyuŋ enam kpukpru nnyin iŋwɔŋ Spirit kiet isin ke idem.

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

TITUS 3:5

itoho ke ŋkpɔ eke nnyin inamde ke edinen ido, edi oto ke mbɔm Esie ke Enye akanyaŋa nnyin, ɔtɔŋɔ ntak obot nnyin ke eriyet nnyin isana,

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.