MATTHEW 3:10 - Edisana ñwed Abasi Ibom

¹⁰ Edi kpa idahemi emonim ekudi ke itak eto: ntre ke ekpi kpukpru eto eke miŋwumke mfri eke eyede eduɔk, emen, esin ke ikaŋ.

MATTHEW 3:10 ပူးပေါင်းရင်းမြစ်များ

2 SAMUEL 23:7

Edi owo eke oyomde ndituk mmɔ ada ukwak ye eto eduat esin ke ubɔk; ndien mmɔ eyeta ikaŋ ke ɔtɔ mmɔ.

ŊWED MME PSALM 1:3

Ndien enye ebiet eto eke etɔde ke mben akpa mmɔŋ, eke osioŋode mfri esie ke ekem ini; ikɔŋ esie inyuŋ ikeŋeke; ndien kpukpru se enye anamde ɔwɔrɔ usuŋ.

ŊWED MME PSALM 140:10

Eyetop ifia ikaŋ eduɔk mmɔ ke idem: enye eyemen mmɔ ɔduɔŋɔ ke ikaŋ, ye ke udem: mmɔ ididahake ke enyɔŋ.

ŊWED MME PSALM 92:12

Edinen owo eyesiaha nte eyop: onyuŋ ɔkɔri nte cedar ke Lebanon.

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

JEREMIAH 17:8

Ŋkɔm enye eyebiet eto eke etɔde ke mben mmɔŋ, eke otopde oruŋ esie ke mben akpa, idinyuŋ ikwe ini eke ufiop edide, edi ikɔŋ esie eyedi awawa; idinyuŋ ifeheke ndik ke isua eke eyo adade, idinyuŋ itreke ndiŋwum mfri.

DANIEL 4:14

enye ofiori ɔkpɔsɔŋ, onyuŋ ɔdɔhɔ ntem, ete, Mbufo ekpi eto emi, enyuŋ ekpok ŋkɔk esie, ekeŋ ikɔŋ esie, enyuŋ eduɔŋɔ mfri esie: yak mme unam edaŋa ekpɔŋ mfut esie, yak mme inuen enyuŋ ekpɔŋ ŋkɔk esie:

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MATTHEW 21:19

Ndien ke ini Enye okutde eto fig ke mben ɔkpɔusuŋ, asaŋa ekpere, inyuŋ ikwe ŋkpɔ ke esit, ke mibɔhɔke ikɔŋ-ikɔŋ; onyuŋ ɔdɔhɔ eto oro ete, Mfri okuto fi oŋwum ɔtɔŋɔde ke emi tutu amama.

MATTHEW 7:19

Ekpi kpukpru eto eke miŋwumke eti mfri eduɔk, emen, etop, esin ke ikaŋ.

LUKE 23:31

Koro edieke enamde ŋkpɔ emi ye nsehe eto, edinam didie ye nsat eto?

LUKE 3:9

Edi kpa idahemi emenim ekudi ke etak eto: ntre ke ekpi kpukpru eto eke miŋwomke eti mfri eduɔk, emen, esin ke ikaŋ.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

JOHN 15:6

Edieke owo miduŋke Mi ke idem, esio enye efep nte ŋkɔk, enye onyuŋ akabare asat; ndien etaŋ mme ŋkɔk oro esin ke ikaŋ, enyuŋ efɔp mmɔ.

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.

MME HEBREW 6:8

Edi edieke isɔŋ oro osioŋode ŋkukim ye mbara-ekpe, esin enye, onyuŋ osuk esisit esuŋi enye; ndien ana nte efɔp enye ke ikaŋ ke ukperedem.