MATTHEW 28:7 - Edisana ñwed Abasi Ibom

⁷ Enyuŋ esɔp eka ekɔdɔhɔ mbet Esie, ete, Enye emeset ke mkpa; ndien sese, Enye ebem mbufo iso aka Galilee; mbufo edikut Enye do; sese, mmetiŋ do nnɔ mbufo.

MATTHEW 28:7 ပူးပေါင်းရင်းမြစ်များ

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

MATTHEW 24:25

Sese, mmebem iso ntiŋ nnɔ mbufo do.

MATTHEW 26:32

Edi ke mma nset ke mpka, nyebem mbufo iso ŋka ke Galilee.

MATTHEW 28:10

Ndien Jesus ɔdɔhɔ mmɔ ete, Ekufehe ndik: eka ekɔdɔhɔ nditɔ ete Mi, ete, mmɔ enyɔŋɔ eka ke Galilee; mmɔ edinyuŋ ekut Mi do.

MATTHEW 28:8

Mmɔ enyuŋ ewara edaha ekpɔŋ udi ye ndik ye akwa idara, enyuŋ efehe edi ndida etop emi nsɔk mbet Esie.

MARK 14:28

Edi ke mma nset ke mkpa, nyebem mbufo iso ŋka ke Galilee.

MARK 16:10

Enye oro aka okobuk ɔnɔ mmɔ emi ekodude ye Enye, nte mmɔ efuhɔde enyuŋ etuaŋade.

MARK 16:13

Ndien mmɔ oro edaha ekobuk enɔ mmɔ eken, mmɔ inyuŋ inimke mmɔ ke akpanikɔ.

LUKE 24:34

mmɔ oro enyuŋ edɔhɔ ete, Ɔbɔŋ emeset ke akpanikɔ, omonyuŋ owut Simon idem.

JOHN 14:29

Mma ntiŋ nnɔ mbufo, ndien ŋkpɔ emi ediwɔrɔ osu, man ke ini ediwɔrɔde osu, mbufo ekponim ke akpanikɔ.

JOHN 16:4

Edi ntiŋ mme ŋkpɔ emi nnɔ mbufo, man, ke adaŋemi edikemde ini mmɔ, mbufo ekpeti ete mma ŋkasian mbufo. Ŋkasianke mbufo mme ŋkpɔ emi ke eritɔŋɔ, sia nsuk ndodu ye mbufo.

1 ŊWED CORINTH 15:4

enyuŋ enam Enye eset ke mkpa ke ɔyɔhɔ usen ita, nte asaŋade ekekem ye se ŋwed Abasi ɔdɔhɔde:

1 ŊWED CORINTH 15:6

Ekem Enye ayarare idem ini kiet owut nditɔ-ete emi ewakde ebe owo ikie ition, emi akamba ubak mmɔ esuk edude tutu emi, edi ndusuk ke otu mmɔ ema ede idap.