MATTHEW 28:6 - Edisana ñwed Abasi Ibom

⁶ Enye iduhe mi; Enye emeset kpa nte ɔkɔdɔhɔde. Edi edise ebiet emi Ɔbɔŋ akanade do.

MATTHEW 28:6 ပူးပေါင်းရင်းမြစ်များ

MATTHEW 12:40

Koro nte Jonah okodude ke idibi akamba iyak uwemeyo ita ye okoneyo ita, ntre ke Eyen Owo eyedu ke esit isɔŋ uwemeyo ita ye okoneyo ita.

MATTHEW 16:21

Toto ke ini oro Jesus ɔtɔŋɔ ndiwut mbet Esie ete, Imɔ inyene ndika ke Jerusalem ŋkokut ediwak ukut ke ubɔk mbiowo ye ikpɔ oku ye mme scribe; mmɔ eyenyuŋ ewot Imɔ, ndien ke ɔyɔhɔ usen ita Abasi eyenam Imɔ iset.

MATTHEW 17:23

edi eyenam Enye eset ke ɔyɔhɔ usen ita. Ndien mmɔ efuhɔ eti-eti.

MATTHEW 17:9

Ndien nte mmɔ etode ke obot esuhɔre, Jesus owuk mmɔ ete, ekutiŋ ŋkukut emi enɔ baba owo kiet, tutu Eyen Owo eset ke mkpa.

MATTHEW 20:19

Ete iwot Enye, eyenyuŋ eyak Enye enɔ mme Gentile, ete esak Enye nsahi, enyuŋ emia enye, ewot ke cross: ndien Abasi eyenam Enye eset ke mkpa ke ɔyɔhɔ usen ita.

MATTHEW 27:63

Ɔbɔŋ, nnyin imeti ite, ke ini owo abiaŋa oro okodude uwem, Enye ɔdɔhɔ ete, Usen ita ema ebe Imɔ iyeset.

MARK 16:6

Edi enye ɔdɔhɔ mmɔ ete, Ekuyak idem akpa mbufo: mbufo eyom Jesus eyen Nazareth, emi ekewotde ke cross: Enye emeset Enye iduhe mi ese ebiet emi ekenimde Enye.

MARK 8:31

Ekem Enye ɔtɔŋɔ ndikpep mmɔ ete, Eyen owo enyene ndikut ediwak ukut; mbiowo, ye ikpɔ oku, ye mme scribe eyenyuŋ esin Enye, enyuŋ ewot Enye, ndien ke usen ita ema ebe, Enye eyeset ke mkpa.

LUKE 24:12

Edi Peter obumere adaha efehe aka udi; onyuŋ ɔnuhɔ okut ɔfɔŋ linen nte anade ke idem mmɔ; ntre ke enye afiak ɔnyɔŋ ufɔk eyik ke se ikotibede.

LUKE 24:23

ndien ke adaŋemi mikwe okpo Esie, mmɔ edi edidɔhɔ ete mme imɔ ikokut mme angel ke ŋkukut, emi edɔhɔde ete Enye ke odu uwem.

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

JOHN 10:17

Emi esin Ete ama Mi, koro Ami nyakde uwem Mi nduɔk, man ŋkpɔtɔŋɔ ntak mbɔ nda.

JOHN 2:19

Jesus ɔbɔrɔ mmɔ ete, Ewuri temple emi, ndien nyediɔŋ enye ke usen ita.

UTOM MME APOSTLE 2:24

Edi Abasi amatat ubiak mkpa anam Enye eset: koro mkpa mikemeke ndimum Enye ŋkama.