MATTHEW 28:5 - Edisana ñwed Abasi Ibom

⁵ Edi angel ɔbɔrɔ iban oro, ete, Mbufo ekufehe ndik: koro mmɔfiɔk nte mbufo eyom Jesus emi ekowotde ke cross.

MATTHEW 28:5 ပူးပေါင်းရင်းမြစ်များ

ISAIAH 35:4

Mbufo edɔhɔ mbon nnyekesit, ete, Mbufo esɔŋ esit, ekudikhe: sese Abasi mbufo: ufen ke edi, usiene Abasi; enye eyedi edinyaŋa mbufo.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

DANIEL 10:12

Ndien enye ɔdɔhɔ mi, ete, Kufehe, Daniel; koro ekekopde uyo fo toto ke akpa usen oro afo okonimde esit fo ndifiɔk nnyuŋ nsuhɔre idem fo nnim ke iso Abasi fo: ami ndi ndien ke uyo fo.

DANIEL 10:19

Kufehe, O owo emi enemde Abasi esit; ɔfɔn ɔnɔ fi, sɔŋ esit, tim sɔŋ esit. Ndien ke adaŋemi enye ɔdɔhɔde ntre ye ami, ami ŋkop idem, nnyuŋ ndɔhɔ nte, Yak Ɔbɔŋ mi etiŋ ndien; koro afo amanam idem ɔsɔŋ mi.

MATTHEW 14:27

Edi idaha oro Jesus etiŋ ikɔ ye mmɔ ete, Esɔŋ esit; edi Ami; ekufehe ndik.

MATTHEW 28:10

Ndien Jesus ɔdɔhɔ mmɔ ete, Ekufehe ndik: eka ekɔdɔhɔ nditɔ ete Mi, ete, mmɔ enyɔŋɔ eka ke Galilee; mmɔ edinyuŋ ekut Mi do.

MATTHEW 28:4

ndien oto ndik esie mbon-ukpeme enyek, enyuŋ ekabare etie nte mme akpa-mkpa.

MARK 16:6

Edi enye ɔdɔhɔ mmɔ ete, Ekuyak idem akpa mbufo: mbufo eyom Jesus eyen Nazareth, emi ekewotde ke cross: Enye emeset Enye iduhe mi ese ebiet emi ekenimde Enye.

LUKE 1:30

Ndien angel ɔdɔhɔ enye ete, Kufehe ndik, Mary: koro afo ama okut mfɔn-iso ke iso Abasi.

LUKE 24:5

ndien ke ini iban efehede ndik etuk iso ese isɔŋ, mmɔ oro edɔhɔ ete, Nsinam mbufo eyomde Enye emi odude uwem ke otu mme akpa-mkpa?

UTOM MME APOSTLE 2:24

Edi Abasi amatat ubiak mkpa anam Enye eset: koro mkpa mikemeke ndimum Enye ŋkama.

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?