MATTHEW 28:3 - Edisana ñwed Abasi Ibom

³ Iso esie ebiet emireŋ-mireŋ, edisine-ŋkpɔ esie onyuŋ afia nte snow:

MATTHEW 28:3 ပူးပေါင်းရင်းမြစ်များ

ŊWED MME PSALM 104:4

anam mme angel esie edi spirit; anam mme asaŋ-utom esie edi edemikaŋ:

DANIEL 7:9

Ŋkut tutu ebekpo ediɔhɔ, andisɔŋɔ usen onyuŋ etie, edisine-ŋkpɔ esie edi afia nte snow, idet ibuot esie onyuŋ ebiet edisana idet erɔŋ: ebekpo esie ebiet edemikaŋ, mme wheel esie edi ikaŋ eke asakde.

MATTHEW 17:2

ndien mbiet Esie ɔkpuhɔre ke iso mmɔ; iso Esie asiaha nte utin, edisine-ŋkpɔ Esie onyuŋ akabare afia nte uŋwana.

MATTHEW 28:4

ndien oto ndik esie mbon-ukpeme enyek, enyuŋ ekabare etie nte mme akpa-mkpa.

MARK 16:5

Ke ini mmɔ edukde ke esit udi, mmɔ ekut akparawa kiet etiede ke ŋkaŋ nnasia, esine afia ɔfɔŋidem; ndien idem akpa mmɔ.

MARK 9:3

ndien mbiet Esie ɔkpuhɔre ke iso mmɔ edisine-ŋkpɔ Esie onyuŋ akabare esem afia eti-eti adaŋa nte baba ɔdiɔŋ-ɔfɔŋ kiet ke isɔŋ mikemeke ndinam.

JOHN 20:12

onyuŋ okut angel iba ye afia edisine-ŋkpɔ, nte etiede, kiet ke ibuot-ibuot, kiet ke ukot-ukot, ke ɔtɔ emi okpo Jesus akanade do.

UTOM MME APOSTLE 1:10

Ndien nte mmɔ esuk ewukde enyin ese enyɔŋ nte Enye ke ɔdɔdɔk, sese, owo iba, emi esinede mfia ɔfɔŋidem, eda ekpere mmɔ; mmɔ oro enyuŋ edɔhɔ ete,

ERIYARARE 10:1

NDIEN ŋkut ɔkpɔsɔŋ angel efen otode ke enyɔŋ osuhɔre; enye esine obubit enyɔŋ ke idem; akpara onyuŋ odoro enye ke ibuot, iso esie onyuŋ ebiet utin, ukot esie enyuŋ ebiet mme adaha ikaŋ;

ERIYARARE 18:1

KE ŋkpɔ emi ema ekebe, ŋkut angel eŋwen nte otode ke heaven ɔsuhɔre ye akwa odudu; isɔŋ onyuŋ ayama ke ubɔŋ esie.