MATTHEW 28:19 - Edisana ñwed Abasi Ibom

¹⁹ Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MATTHEW 28:19 ပူးပေါင်းရင်းမြစ်များ

GENESIS 1:26

Ekem Abasi ɔdɔhɔ, ete, eyak nnyin inam owo isin ke mbiet nnyin, etie nte nnyin: yak mmɔ enyuŋ ekara iyak ke akamba mmɔŋ, ye inuen ke enyɔŋ, ye ufene, ye ofuri isɔŋ, ye kpukpru mme andinyɔni eke enyɔnide ke isɔŋ.

ISAIAH 48:16

Mbufo esaŋa ekpere mi, ekop ŋkpɔ emi: ŋkɔdɔhɔke ke ndibe ke eritɔŋɔ; toto nte enye okodu, ami ndu do; ndien ke emi Ɔbɔŋ Jehovah ɔmɔdɔŋ mi ye spirit esie.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

MATTHEW 13:52

Mmɔ ete Enye, Nnyin imɔfiɔk, Ɔbɔŋ. Edi Enye ɔdɔhɔ mmɔ ete, Kpukpru scribe ndien, emi enamde enye edi owo mbet ke Obio Ubɔŋ Heaven, ebiet enyene-ufɔk, eke osioŋode mbufa ŋkpɔ ye ŋkani ŋkpɔ ke ubet-unim-inyene esie.

MATTHEW 25:32

Ndien eyebon kpukpru mme idut ke iso Esie: Enye eyenyuŋ abahare mmɔ kiet ye eken, nte emi ekpemerɔŋ abaharede erɔŋ ye ebot;

UTOM MME APOSTLE 1:2

tutu osim usen oro emende Enye edɔk ke enyɔŋ, ke Enye ama ɔkɔnɔ mme apostle emi Enye ekemekde item oto ke Edisana Spirit:

UTOM MME APOSTLE 1:8

Edi mbufo eyebɔ odudu, ke Edisana Spirit ama edi edidoro mbufo ke idem: mbufo eyenyuŋ edi mme ntiense Mi ke Jerusalem, ye ke ofuri Judaea ye Samaria, tutu osim utit ererimbot.

UTOM MME APOSTLE 14:21

Ke mmɔ ema ekekwɔrɔ gospel enɔ obio oro, enyuŋ enam ediwak owo ekabare edi mbet, mmɔ efiak enyɔŋ Lystra, ye Iconium, ye Antioch, ekɔsɔŋɔ mbet esit:

UTOM MME APOSTLE 2:41

Ntre ke mmɔ emi enyimede ikɔ esie ena baptism: ndien usen oro adaŋa nte thousand owo ita ediana ye mmɔ.

UTOM MME APOSTLE 28:28

Efiɔk emi ndien, ete, enɔ erinyaŋa Abasi emi esɔk mme Gentile: mmɔ eyenyuŋ ekpaŋ utɔŋ ekop.

UTOM MME APOSTLE 9:18

Ndien ini kiet ŋkpɔ adianare ke enyin esie ɔduɔ nte mkpaŋ, enye onyuŋ okut usuŋ; ndien enye adaha ke enyɔŋ ana baptism,

ŊWED MBON ROME 10:18

Edi mmɔdɔhɔ nte, Nte mmɔ ikokopke? Ke akpanikɔ mmɔ ema ekop. Uyom mmɔ ɔmɔwɔrɔ ke ofuri isɔŋ, Ikɔ mmɔ enyuŋ esim utit ererimbot.

1 ŊWED CORINTH 15:29

Edieke ŋkpɔ mibonoke ntem, mmɔ emi enade bpatism ebaŋa mme akpa-mkpa edinam nso? Edieke minamke nam mme akpa-mkpa eset, nsidi ndien ntak emi mmɔ enade baptism ebaŋa mmɔ oro?

2 ŊWED CORINTH 13:14

Mfɔn Ɔbɔŋ Jesus Christ, ye ima Abasi, ye nsaŋa Edisana Spirit, akpakam odu ye mbufo kpukpru.

ŊWED MBON GALATIA 3:27

Koro kpukpru mbufo emi ekanade baptism ebe eduk ke Christ ememen Christ esine.

ŊWED MBON EPHESUS 2:18

koro oto Enye ke nnyin ke edem mbiba inyene usuŋ eke isaŋade ke Spirit kiet itiene Ete.

ŊWED MBON COLOSSAE 1:23

Edieke mbufo eyirede ke mbuɔtidem enyene iwuk enyuŋ esɔŋɔ eda, mindinyuŋ iyakke ŋkpɔ anam mbufo edianare ekpɔŋ idori-enyin gospel emi mbufo ekekopde; kpa gospel emi ekɔkwɔrɔde enɔ kpukpru owo ke idak ikpa-enyɔŋ: emi ekonyuŋ enɔde mi Paul ete ŋkwɔrɔ.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

1 JOHN 5:7

Ndien Spirit etie ntiense, koro Spirit edide akpanikɔ.