MATTHEW 28:18 - Edisana ñwed Abasi Ibom

¹⁸ Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

MATTHEW 28:18 ပူးပေါင်းရင်းမြစ်များ

ŊWED MME PSALM 89:19

Ke ini oro afo ɔkɔdɔhɔde ye mbon-ima fo ke ŋkukut, ete, Mmada erinyaŋa ndori owo uko ke idem; mmosio ata owo ke otu mbio-obio mmenere nnim ke enyɔŋ.

ŊWED MME PSALM 89:27

Ndien ŋko nyenim enye ke akpan, okoŋ akan ndidem isɔŋ.

MME ŊKE 8:15

Oto mi ndidem eda ubɔŋ, mbɔŋ enyuŋ ewuk se inende.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MATTHEW 16:28

Ke akpanikɔ ke ndɔhɔ mbufo nte, ndusuk owo edu ke otu mmɔ emi edade mi, emi miditabike mkpa, tutu mmɔ ekut Eyen Owo edide ndida ubɔŋ.

MATTHEW 26:64

Jesus ɔbɔrɔ enye ete, Edi ntre; edi ndɔhɔ mbufo nte ɔtɔŋɔde ke emi mbufo eyekut nte Eyen Owo etiede ke ubɔk nnasia Odudu, onyuŋ odorode ke obubit enyɔŋ edi.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

JOHN 13:3

sia Jesus ɔfiɔkde ete Ete amayak kpukpru ŋkpɔ esin Imɔ ke ubɔk, Imɔ ikonyuŋ ito Abasi, inyuŋ inyɔŋ itiene Abasi,

JOHN 17:2

kpa nte ama ɔkɔnɔ Enye odudu ndikara kpukpru obukidem, ete akpada nsinsi uwem ɔnɔ owo ekededi eke Afo ayakde ɔnɔ Enye.

JOHN 3:31

Enye emi otode ke enyɔŋ akan kpukpru owo: owo eke otode ke isɔŋ edi owo-isɔŋ, onyuŋ osio ŋkpɔ ke isɔŋ etiŋ: enye emi otode ke heaven akan kpukpru owo.

JOHN 3:35

Ete amama Eyen, omonyuŋ ayak kpukpru ŋkpɔ esin Enye ke ubɔk.

UTOM MME APOSTLE 10:36

Enye ɔkɔnɔ ikɔ Esie esɔk nditɔ Israel, ke erikwɔrɔ gospel emem emi Jesus Christ ɔkwɔrɔde, emi edide Ɔbɔŋ kpukpru owo;

UTOM MME APOSTLE 2:36

Mmɔdo yak ofuri ufɔk Israel etim efiɔk ete, Abasi ama anam Enye edi ɔbɔŋ ye Christ, kpa Jesus emi mbufo ekewotde ke cross.

ŊWED MBON ROME 14:9

Koro Christ akakpa onyuŋ odu uwem abaŋa ŋkpɔ emi, man Enye ekpedi Ɔbɔŋ mme odu-uwem ye mme akpa-mkpa.

1 ŊWED CORINTH 15:27

Koro Abasi akada kpukpru ŋkpɔ esin Enye ke idak ikpat. Edi ke ini edɔhɔde ete, Ekada kpukpru ŋkpɔ esin Enye ke idak, ikɔ owut idem aŋwa-aŋwa ete, Enye emi adade kpukpru ŋkpɔ esin Enye ke idak itieneke isaŋa do.

ŊWED MBON COLOSSAE 2:10

Enye onyuŋ edi Ibuot ɔnɔ kpukpru mme andikara ye mme enyene-odudu.

MME HEBREW 1:2

ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo:

MME HEBREW 2:8

Afo omonim kpukpru ŋkpɔ ke idak ukot esie. Ke emi Enye okonimde kpukpru ŋkpɔ ke idak owo, isukke baba ŋkpɔ kiet eke minimke enye ke idak. Edi nnyin ikwe kaŋa nte enimde kpukpru ŋkpɔ ke idak owo.

1 PETER 3:22

emi ama ɔnyɔŋ ke heaven eketie ke ubɔk nnasia Abasi, ke ema ekosuk mme angel ye mme andikara ye mme odudu esin ke idak Esie.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.