MATTHEW 28:17 - Edisana ñwed Abasi Ibom

¹⁷ Ndien ke ini mmɔ ekutde Enye, etuak ibuot enɔ Enye: edi ndusuk mmɔ eyik.

MATTHEW 28:17 ပူးပေါင်းရင်းမြစ်များ

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

ŊWED MME PSALM 45:11

ndien yak edidem oyom uyai fo eti-eti: koro enye edide Ɔbɔŋ fo: tuak ibuot nɔ enye ndien.

MATTHEW 16:28

Ke akpanikɔ ke ndɔhɔ mbufo nte, ndusuk owo edu ke otu mmɔ emi edade mi, emi miditabike mkpa, tutu mmɔ ekut Eyen Owo edide ndida ubɔŋ.

MATTHEW 28:9

Ndien sese, Jesus osobo mmɔ, ete mmɔ, Mmɔkɔm mbufo. Mmɔ enyuŋ edi edimum Enye ukot, etuak ibuot enɔ Enye.

MARK 16:11

Ndien ke ini mmɔ ekopde ete, Enye odu ke uwem, Mary ama onyuŋ okut Enye, mmɔ inimke ke akpanikɔ.

MARK 16:13

Ndien mmɔ oro edaha ekobuk enɔ mmɔ eken, mmɔ inyuŋ inimke mmɔ ke akpanikɔ.

MARK 16:14

Ke ukperedem Enye ayarare Idem Esie ɔnɔ mbet Esie duop-ekiet ke idem mmɔ nte mmɔ etiede ke itie-udia; Enye onyuŋ asua unana mbuɔtidem ye nsɔŋesit mmɔ ɔnɔ mmɔ, koro mmɔ minimke mmɔ oro ekokutde Enye ke Enye ama ekeset ke akpanikɔ.

JOHN 5:23

man kpukpru owo ekpono Eyen kpa nte mmɔ ekponode Ete. Owo eke mikponoke Eyen ikponoke Ete emi ɔkɔdɔŋde Enye.

UTOM MME APOSTLE 1:3

Enye onyuŋ ada ediwak idiɔŋɔ owut mmɔ Idem Esie nte odu-uwem, ke mkpa Esie ama ekebe, owut mmɔ Idem usen aba, onyuŋ etiŋ ŋkpɔ abaŋa Obio Ubɔŋ Abasi.

1 ŊWED CORINTH 15:6

Ekem Enye ayarare idem ini kiet owut nditɔ-ete emi ewakde ebe owo ikie ition, emi akamba ubak mmɔ esuk edude tutu emi, edi ndusuk ke otu mmɔ ema ede idap.