MATTHEW 27:54 - Edisana ñwed Abasi Ibom

⁵⁴ Edi ke ini centurion, ye mmɔ emi edude ye enye ekpeme Jesus, ekutde unyek-isɔŋ, ye mme ŋkpɔ oro etibede, mmɔ efehe akwa ndik eti-eti, enyuŋ edɔhɔ ete, Ke akpanikɔ emi ekedi Eyen Abasi.

MATTHEW 27:54 ပူးပေါင်းရင်းမြစ်များ

MATTHEW 26:63

Edi Jesus isioroke uyo. Ntre ke akwa oku ɔdɔhɔ Enye ete, Mmowuk Fi ke enyiŋ Abasi emi odude uwem, nte, asian nnyin me Afo edi Christ, Eyen Abasi.

MATTHEW 27:36

mmɔ enyuŋ etie do ekpeme Enye.

MATTHEW 27:40

Afo, emi owuride temple, onyuŋ ɔbɔpde enye ke usen ita, nyaŋa idem; edieke Afo edide Eyen Abasi, suhɔre ke cross.

MATTHEW 27:43

Enye ɔbuɔt idem ye Abasi: yak Abasi anyaŋa Enye idaha emi, edieke oyomde Enye. Koro Enye ɔkɔdɔhɔ ete, Ndi Eyen Abasi.

MATTHEW 27:51

Ndien sese, ukara temple asiaha mbak iba, ɔtɔŋɔde ke enyɔŋ osim ke isɔŋ; isɔŋ onyuŋ enyek;

MATTHEW 4:3

Ndien andidomo edi edidɔhɔ Enye ete, Edieke Afo edide Eyen Abasi, wuk mme itiat emi ekabare edi uyo.

MATTHEW 8:5

Edi ke adaŋemi Enye odukde ke Capernaum, centurion kiet etiene Enye edikpe Enye ubɔk

MARK 15:39

Ekem ke ini centurion, emi adade ekpere ekem iso ye Enye, okutde nte Enye ayakde ukpɔŋ Esie ntem, enye ete, Ke akpanikɔ owo emi ekedi Eyen Abasi.

LUKE 22:70

Ndien mmɔ kpukpru ete, Nte Afo edi Enye Abasi naŋa? Enye ete mmɔ, mbufo emetim etiŋ ete ndi Enye.

JOHN 19:7

Mme Jew ebɔrɔ enye ete, Nnyin imenyene ibet, ndien nte ibet oro owukde, Enye odot ndikpa; koro Enye onimde Idem Esie ke Eyen Abasi.

UTOM MME APOSTLE 10:1

OWO kiet okodu ke Caesarea emi ekerede Cornelius; enye edi centurion udim mbon-ekɔŋ emi ekerede eke Italy.

UTOM MME APOSTLE 2:37

Kadaŋemi mmɔ ekopde ikɔ emi, esit amia mmɔ, mmɔ enyuŋ edɔhɔ Peter ye mme apostle eken ete, Nditɔ-ete, inam didie?

UTOM MME APOSTLE 21:32

Kpa idaha oro enye ada mbon-ekɔŋ ye mme centurion efehe ɔsuhɔre ebine mmɔ: ndien ke ini mbio-obio ekutde akamba etubom-ekɔŋ ye mbon-ekɔŋ, mmɔ etre nditim Paul.

UTOM MME APOSTLE 23:17

Ndien Paul okot centurion kiet edi, ete enye, Da akparawa emi sɔk akamba etubom: koro enye enyenede se etiŋde ɔnɔ enye.

UTOM MME APOSTLE 23:23

Ndien enye okot centurion iba edi, onyuŋ ɔdɔhɔ mmɔ ete, Enam mbon-ekɔŋ ikie iba, ye mbon horse ata ye duop, ye mbon eduat ikie iba ebeŋe idem ndika Caesarea ke ɔyɔhɔ hour usukkiet ke okoneyo;

UTOM MME APOSTLE 27:1

KE adaŋemi ebierede ete nnyin isio ika Italy, eyak Paul ye ndusuk mbon-ŋkpɔkɔbi enwen esin ke ubɔk Julius, etubom udim-ekɔŋ emi ekerede udim-ekɔŋ Augustus.

UTOM MME APOSTLE 27:43

Edi ɔdɔŋ etubom mbon-ekɔŋ ndinyaŋa Paul; ntre ke enye ɔbiɔŋɔ mmɔ ndinam uduak oro. Enye onyuŋ ɔnɔ uyo ete, mmɔ eke ekemede ndiwɔk ewɔk ebem iso eduɔ ke mmɔŋ ekesim isɔŋ;

ŊWED MBON ROME 1:4

edi ke spirit Esie emi edide ata edisana, eriset emi Enye esetde ke mkpa ama owut ke odudu ete Enye edi Eyen Abasi); kpa Jesus Christ Ɔbɔŋ nnyin

ERIYARARE 11:13

Ke idem ini oro akwa unyek-isɔŋ otibe, ubak obio kiet ke itie duop onyuŋ ɔduɔ; thousand owo itiaba enyuŋ ekpaŋa ke unyek-isɔŋ oro. Ndien mmɔ eke esuhɔde ekabare edikhe eti-eti, enyuŋ eyak ubɔŋ enɔ Abasi heaven.