MATTHEW 27:50 - Edisana ñwed Abasi Ibom

⁵⁰ Edi Jesus ɔtɔŋɔ ntak ofiori ke ɔkpɔsɔŋ uyo, ndien ayak ukpɔŋ Esie.

MATTHEW 27:50 ပူးပေါင်းရင်းမြစ်များ

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

MATTHEW 27:49

Edi mmɔ eken edɔhɔ ete, Yak etie; nnyin ise mme Elijah ke edi edinyaŋa Enye.

MARK 15:37

Ndien Jesus osio ɔkpɔsɔŋ mkpo, onyuŋ ayak ukpɔŋ Esie.

LUKE 23:46

Ndien Jesus ofiori ke ɔkpɔsɔŋ uyo, ete, Ete, mmayak spirit Mi nsin Fi ke ubɔk; ndien ke Enye amaɔkɔdɔhɔ ntem, Enye ayak Spirit Esie.

JOHN 10:11

Ami ndi eti ekpeme-erɔŋ; eti ekpeme-erɔŋ ayak uwem Esie ɔduɔk kabaŋa mme erɔŋ.

JOHN 10:15

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

JOHN 19:29

Ema enim otu eke vinegar ɔyɔhɔde do: ntre ke mmɔ eda ndɔbɔ emi ɔyɔhɔde ye vinegar oro, ewuk ke hyssop, emen edian ke inua Esie.

JOHN 19:30

Ndien ke adaŋemi Jesus ɔbɔde vinegar, Enye ete, Okure: ndien onuk ibuot, onyuŋ ayak ukpɔŋ Esie.

MME HEBREW 2:14

Sia nditɔ ebuanade ndien ke iyip ye obuk, Jesus ke Idem Esie ŋko etiene ada iyip ye obuk kpa ntre; man Enye akpasaŋa ke mkpa osobo enye emi akamade odudu mkpa,

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.