MATTHEW 27:46 - Edisana ñwed Abasi Ibom

⁴⁶ Ndien ke ini ekperede hour ita ke uwemeyo, Jesus ofiori ke ɔkpɔsɔŋ uyo, ete, Eli, Eli, lama sabachthani? oro ɔwɔrɔ ete, Abasi Mi, Abasi Mi, nsinam Afo ɔkpɔŋde Mi?

MATTHEW 27:46 ပူးပေါင်းရင်းမြစ်များ

ŊWED MME PSALM 22:1

ABASI mi! Abasi mi! nsiman afo ɔkpɔŋde mi? nsinam afo adade anyan ebiet, munyaŋake mi, mukopke uyo eseme mi?

ŊWED MME PSALM 71:11

Abasi ɔmɔkpɔŋ enye: mbufo ebine enye enyuŋ emum enye: koro owo eke anyaŋade miduhe.

ISAIAH 53:10

Ndien Jehovah ama enye ndinuak; esin enye ɔdɔŋɔ: ukpɔŋ esie ama osio isop idiɔk-ŋkpɔ, enye eyekut ubɔŋ esiemɔ, mme usen esie eyebigi, ndien se Jehovah amade eyesiaha enye ke ubɔk.

ŊWED ESEME 1:12

Nte mbufo emi esaŋade ke usuŋ ebe ikereke? Mbufo etiŋ enyin enyuŋ ese me ndutuhɔ odu eke ebietde ndutuhɔ emi enamde mi, emi Jehovah ɔkɔtuhɔde mi ke usen ikaŋ iyaresit esie.

MATTHEW 27:47

Edi ke ini ndusuk owo emi edade do ekopde, mmɔ ete, Owo emi ke okot Elijah.

MARK 15:34

Ndien ke ɔyɔhɔ hour ita ke uwemeyo, Jesus ofiori ke ɔkpɔsɔŋ uyo, ete, Eloi, Eloi, lama sabachthani? emi ɔwɔrɔde, ete, Abasi Mi, Abasi Mi, nsinam Afo ɔkpɔŋde Mi?

LUKE 23:46

Ndien Jesus ofiori ke ɔkpɔsɔŋ uyo, ete, Ete, mmayak spirit Mi nsin Fi ke ubɔk; ndien ke Enye amaɔkɔdɔhɔ ntem, Enye ayak Spirit Esie.

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;