MATTHEW 27:35 - Edisana ñwed Abasi Ibom

³⁵ Edi ke ini mmɔ ema ekɔkɔŋ Enye ke cross, mmɔ esin afia, ete ideme edisine-ŋkpɔ Esie ida ke idem mme imɔ:

MATTHEW 27:35 ပူးပေါင်းရင်းမြစ်များ

ŊWED MME PSALM 22:16

Koro ebua ekande mi ekuk: otu mme oburobut owo ekan mi ekuk: ekim mi ubɔk ye ukot.

ŊWED MME PSALM 22:18

Mmɔ edeme edisine-ŋkpɔ mi ke idem mmɔ, enyuŋ esin afia ebaŋa ɔfɔŋ idem mi.

LUKE 23:34

Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.

JOHN 20:20

Ndien ke Enye ama eketiŋ ntem, owut mmɔ ubɔk Esie ye ŋkaŋ Esie. Ntem ke mbet edat esit ke ini mmɔ ekutde Ɔbɔŋ.

JOHN 20:25

Ntre ke mbet eken esian enye ete, Nnyin imokut Ɔbɔŋ. Edi enye ɔdɔhɔ mmɔ ete, Ndinimke ke akpanikɔ ibɔhɔke ini ŋkutnde ɔkpɔ-ukwak ke ubɔk Esie, nnyuŋ nsin nnuenubɔk mi ke nde ɔkpɔ-ukwak, nnyuŋ nsin ubɔk mi ke ŋkaŋ Esie.

JOHN 20:27

Ndien Enye edidɔhɔ Thomas ete, Nyan nnuenubɔk fo, se ubɔk Mi; nyuŋ nyanare ubɔk fo sin ke ŋkaŋ Mi: kunyuŋ unana mbuɔtidem, edi nim ke akpanikɔ.

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.

UTOM MME APOSTLE 4:10

eyak kpukpru mbufo ye kpukpru mbon Israel efiɔk ete, ke enyiŋ Jesus Christ eyen Nazareth, emi mbufo ekewotde ke cross, emi Abasi akanamde eset ke mkpa, edi enyiŋ emi esin owo emi ada ke iso mbufo ye nsɔŋidem.