MATTHEW 27:25 - Edisana ñwed Abasi Ibom

²⁵ Ndien mbiobio kpukpru ebɔrɔ enye ete, Iyip Esie akpakam ɔkɔbɔ nnyin ye nditɔ nnyin.

MATTHEW 27:25 ပူးပေါင်းရင်းမြစ်များ

2 SAMUEL 1:16

David onyuŋ ɔdɔhɔ enye, ete, Iyip fo ɔsɔp idemfo: koro edi inua fo eketiŋ adian fi, ete, Ami ŋwot enye emi Jehovah ekeyetde aran.

1 NDIDEM 2:32

Ntem ke Jehovah anam iyip esie afiak odoro enye ke ibuot, koro enye okokpokde owo iba emi enende, enyuŋ efɔnde ekan enye, okonyuŋ owotde mmɔ ke ofut, ke ini David ete mi mifiɔkke, kpa Abner eyen Ner, etubom mbon-ekɔŋ Israel, ye Amasa eyen Jether, etubom mbon-ekɔŋ Judah.

EXODUS 20:5

kunuhɔ unɔ mmɔ, kunyuŋ unam ŋkpɔ mmɔ: koro ami Jehovah Abasi fo ndi Abasi ufup, nda ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ;

NUMBERS 35:33

Ndien ŋko mbufo ekubiat isɔŋ emi mbufo edude ke esit: koro iyip abiatde isɔŋ: ndien mmɔ idikemeke ndisio isop nnɔ isɔŋ mbaŋa iyip eke eduɔkde ke esit, ke mibɔhɔke ke iyip owo eke ɔduɔkde enye.

MATTHEW 21:44

Ndien owo eke ediduɔde ke itiat emi eyenuaha mbak-mbak: edi owo ekededi eke itiat emi ediduɔde ɔtɔ enye, eyekɔk enye nte obu.

UTOM MME APOSTLE 18:6

Edi ke mmɔ enenide ye enye ɔkpɔsɔŋ enyuŋ esuŋide, enye ekeŋ ɔfɔŋidem esie onyuŋ ɔdɔhɔ mmɔ ete, Iyip mbufo osuk ɔkɔbɔ mbufo; nsaŋake do; ɔtɔŋɔde ke emi mmetiene mme Gentile.

UTOM MME APOSTLE 5:28

Ndien akwa oku obup mmɔ ete, Nnyin ima isɔŋ uyo ikpan mbufo, ite ekukpep aba ŋkpɔ ke enyiŋ emi: ndien sese, emɔyɔhɔ Jerusalem ye ukpep-ŋkpɔ mbufo, enyuŋ eyom iyip owo emi ɔkɔbɔ nnyin.

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

DEUTERONOMY 19:10

mbak ediduɔk iyip owo eke miduehe isop ke isɔŋ fo emi Jehovah Abasi fo ɔnɔde fi ke udeme, mbak iyip edisɔp fi.

DEUTERONOMY 19:13

Enyin fo okutua enye mbɔm, edi sio iyip owo eke miduehe isop fep ke Israel man ɔfɔn fi.

JOSHUA 2:19

Ndien ama ekem, owo ekededi ama oto ke usuŋ ufɔk fo oduk ke efak, iyip esie eyesɔp enye, ndien nnyin iyebɔhɔ: edi ama edi owo ekededi eke odude ye afo ke ufɔk, iyip esie eyesɔp nnyin, edieke ubɔk otukde enye.