MATTHEW 27:2 - Edisana ñwed Abasi Ibom

² ndien mmɔ ebɔp Enye ubɔk, eda Enye edaha ekayak enɔ Pilate andikara.

MATTHEW 27:2 ပူးပေါင်းရင်းမြစ်များ

GENESIS 22:9

mbiba esaŋa ɔtɔ kiet. Ekem mmɔ edisim ebiet oro Abasi ɔkɔdɔhɔde enye; ndien Abraham anam itie-uwa do, onyuŋ otim obon ifia, ndien ɔbɔp Isaac eyen esie emen odori ke itie-uwa ke enyɔŋ ifia.

MATTHEW 20:19

Ete iwot Enye, eyenyuŋ eyak Enye enɔ mme Gentile, ete esak Enye nsahi, enyuŋ emia enye, ewot ke cross: ndien Abasi eyenam Enye eset ke mkpa ke ɔyɔhɔ usen ita.

MATTHEW 28:14

Ndien edieke ikɔ emi osimde andikara utɔŋ, nnyin iyekpe ye enye, isio mbufo ke ndik.

LUKE 13:1

NDUSUK owo edu do ke ini oro, emi etiŋde enɔ Jesus ebaŋa mbio Galilee, emi Pilate akadade iyip mmɔ abuak ye uwa mmɔ.

LUKE 20:20

Ekem mmɔ etiŋ enyin ekpeme Enye, enyuŋ edɔŋ mbon-uyep, emi ewutde idem ete idi ndinen owo, man mmɔ emum Enye ikɔ inua, man oto do eyak Enye esin ke ubɔk andikara ndikpe ikpe ye Enye.

LUKE 23:1

EKEM mmɔ kpukpru edaha, eda Enye eka ke iso Pilate.

LUKE 23:12

Edi Herod ye Pilate ekabare mme ufan kpa usen oro, koro mmɔ ekedide usua ke mbemiso.

LUKE 3:1

KE ɔyɔhɔ isua efut emi Tiberius Caesar adade ubɔŋ, ke ini Pontius Pilate edide andikara Judaea, Herod onyuŋ edide tetrarch Galilee, Philip eyen-ete esie onyuŋ edide tetrarch edem Ituraea ye Trachonitis, Lysanias onyuŋ edide tetrarch Abilene;

JOHN 18:12

Ntre ke udim oro ye akamba etubom mmɔ ye mme asaŋutom mme Jew emum Jesus ebɔp,

JOHN 18:24

Ntre ke Annas ɔnɔ Enye ye uruk eda esɔk Caiaphas akwa oku.

JOHN 18:28

Ntem ke mmɔ eda Jesus ewɔrɔ ekpɔŋ Caiaphas, eka ke ufɔk andikara. Eyo ama esiere. Mmɔ ke idem mmɔ inyuŋ idukke ufɔk andikara mbak edisabare idem, ete idia passover.

UTOM MME APOSTLE 12:6

Ke adaŋemi Herod oyomde ndida enye ŋwɔrɔ, ke idem okoneyo oro Peter ede idap ke ufɔt mbon-ekɔŋ iba, ekɔbi enye ke ŋkpɔkɔbi iba: mbon-ukpeme enyuŋ eda ke usuŋ ekpeme ufɔk-ŋkpɔkɔbi.

UTOM MME APOSTLE 21:33

Ekem akamba etubom-ekɔŋ asaŋa ekpere omum enye onyuŋ ɔnɔ uyo ete, eda ŋkpɔkɔbi iba ekɔbi enye: onyuŋ obup ete, Enye edi anie?

UTOM MME APOSTLE 22:25

Edi ke ini mmɔ ebɔpde enye ke uruk, Paul obup centurion emi adade do, ete, Mme enen afo ndimia eyen-isɔŋ Rome ke ini mibiomke enye ikpe?

UTOM MME APOSTLE 22:29

Ndien mmɔ emi eyomde ndibup enye mbume edaha ekpɔŋ enye ini kiet: akamba etubom onyuŋ edikhe, ke ini enye ɔfiɔkde ete Paul edi eyen-isɔŋ Rome, imɔ ima inyuŋ ibɔp enye ke uruk.

UTOM MME APOSTLE 24:27

Edi ke adaŋemi isua iba ebede, Porcius Festus ada itie Felix: ndien sia Felix oyomde mme Jew enen-iso ye enye, enye ɔkpɔŋ Paul ke itie ŋkpɔkɔbi.

UTOM MME APOSTLE 28:20

Oro esin mbeŋe mbufo edi edise mi, enyuŋ eneme nneme ye ami: koro nsine ke ŋkpɔkɔbi emi kabaŋa idori-enyin Israel.

UTOM MME APOSTLE 3:13

Abasi Abraham ye eke Isaac ye eke Jacob, Abasi mme ete nnyin, amada ubɔŋ ɔnɔ Owo Esie Jesus; emi mbufo ekedade enɔ, enyuŋ ekaŋde ke iso Pilate, ke ini enye aduakde ndisana Enye nyak.

UTOM MME APOSTLE 4:27

Koro ke akpanikɔ ke obio emi, Herod ye Pontius Pilate, ye mme Gentile ye mbon Israel, esop idem ɔtɔ kiet ndiŋwana ye Edisana Owo Fo Jesus, emi Afo okonimde ete edi Christ Fo,

UTOM MME APOSTLE 9:2

enye onyuŋ adaha etiene akwa oku okobup enye, ete ɔnɔ imɔ ŋwed ida isɔk mme synagogue emi edude ke Damascus, man imɔ ima ikut owo ekededi eke esaŋade ke Usuŋ oro, ye mmɔ edide irenowo ye edide iban, ikpada mmɔ ke ebuka idi ke Jerusalem.

1ŊWED TIMOTHY 6:13

Ke iso Abasi, emi ɔnɔde kpukpru ŋkpɔ uwem, ye ke iso Christ Jesus, emi eketiŋde eti ikɔ mbuɔtidem ke iso Pontius Pilate,

2 ŊWED TIMOTHY 2:9

emi ŋkutde ukut ke esit, tutu esin mi ke ŋkpɔkɔbi nte anam-idiɔk: edi owo ikɔbike ikɔ Abasi.

MME HEBREW 13:3

Eti mmɔ emi edude ke ŋkpɔkɔbi, nte ŋkpɔ eke ekɔbide mbufo ye mmɔ; enyuŋ eti mmɔ emi ekutde utuk, sia mbufo ŋko edude ke ikpɔhidem.

JUDGES 15:12

Ndien mmɔ edɔhɔ enye, ete, Nnyin imesuhɔre idi ndibɔp fi, man ida fi isin mme Philistine ke ubɔk. Ndien Samson ɔdɔhɔ mmɔ, ete, Mbufo eŋwɔŋɔ enɔ mi ete ke mbufo ke idem mbufo iditukke mi.