MATTHEW 26:56 - Edisana ñwed Abasi Ibom

⁵⁶ Edi kpukpru emi ɔwɔrɔ, man se mme prophet ekewetde osu. Ndien mbet Esie kpukpru ekpɔŋ Enye efeŋe.

MATTHEW 26:56 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie:

ŊWED ESEME 4:20

Mmɔ ekeda mme ukpe mmɔ emum ibifik inua nnyin emi Jehovah ekeyetde aran, kpa enye emi nnyin ikɔdɔhɔde ibaŋa, ite, Nnyin iyedu uwem ke idak mfut esie ke otu mme idut.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

MATTHEW 21:42

Jesus ɔdɔhɔ mmɔ ete, Nte akanam mbufo ikotke ŋwed, ete, Itiat emi mme ɔbɔp-ufɔk esinde Amakabare edi etubom inuk: Emi oto Jehovah, Nnyin inyuŋ ise enye ke utibe?

MATTHEW 26:24

Eyen Owo ɔmɔŋ ɔnyɔŋ, kpa nte ekewetde ebaŋa Enye; edi eyedɔdiɔk ɔnɔ owo oro edidade Eyen Owo ɔnɔ.Ɔkpɔfɔn ye owo oro nte enye mikamanake.

MATTHEW 26:31

Ndien Jesus ɔdɔhɔ mmɔ ete, Kpukpru mbufo eyeduɔŋɔ ke idomo kabaŋa Mi ke okoneyo emi: koro ewet ete, Nyewot ekpemerɔŋ, ndien otu erɔŋ eyesuana.

MATTHEW 26:54

Edi se ewetde, ete, Ŋkpɔ enyene ndiwɔrɔ ntem, edinam didie ndien osu?

JOHN 16:32

Sese, ini ke edi, onyuŋ ededi ama, eke mbufo edisuanade, kpukpru mbufo edinyuŋ enyɔŋde ke ebiet mbufo, edinyuŋ ekpɔŋde Mi ikpɔŋ: edi ntiehe ikpɔŋ, koro Ete odude ye Ami.

UTOM MME APOSTLE 1:16

kpa se Edisana Spirit akadade inua David ebem iso etiŋ abaŋa Judas, emi ekedide andida mme andimum Jesus usuŋ, enyene ndisu.

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.

2 ŊWED TIMOTHY 4:16

Akpa ini emi ndade ke itie-ikpe nnyaŋa idem, baba owo kiet idaha mi ke ŋkaŋ, kpukpru owo ema edianare enyɔŋɔ ekpɔŋ mi; Abasi okukam ada oro ekpe ikpe ye mmɔ.