MATTHEW 26:45 - Edisana ñwed Abasi Ibom

⁴⁵ Ekem Enye asaŋa ekpere mbet Esie, ete, Edɔdiɔŋ ede idap, eda nduɔkodudu: sese, ini ke ekpere; emonyuŋ eda Eyen Owo esin mme idiɔk owo ke ubɔk.

MATTHEW 26:45 ပူးပေါင်းရင်းမြစ်များ

1 NDIDEM 18:27

Edikem ke ufɔt uwemeyo, ndien Elijah abiaŋa mmɔ, onyuŋ ɔdɔhɔ, ete, Mbufo esɔŋ uyo ekot: koro enye edide abasi; koro enye etiede ekere: koro enye awahade aka ŋkpɔ koro enye adade isaŋ; mme enye ede idap, ndien enyene nditatuak enye.

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

MATTHEW 26:18

Ndien Enye ɔdɔhɔ mmɔ ete, Eduk ke obio, etiene owo ntem, enyuŋ edɔhɔ enye ete, andikpep ete, Ini Mi ke ekpere; mmɔŋ nnim passover ke ufɔk fo ye mbet Mi.

MATTHEW 26:2

Enye ɔdɔhɔ mbet Esie ete, Mbufo efiɔk ete, usen iba ema ebe, passover edi, ndien ema eda Eyen Owo enɔ, ete ewot Enye ke cross.

MATTHEW 26:44

Enye ɔtɔŋɔ ntak ɔkpɔŋ mmɔ, aka ɔkɔbɔŋ akam ɔyɔhɔ utim ikata, etiŋ kpasuk ikɔ oro.

MATTHEW 26:46

Edaha ke enyɔŋ; nnyin inyɔŋ; sese, owo emi adade Mi ɔnɔ ke ekpere.

MARK 14:35

Ndien Enye aka ke iso esisit, ɔduɔ ke isɔŋ, onyuŋ ɔbɔŋ akam ete, Edieke usuŋ odude, eyak hour oro ɔkpɔŋ Imɔ.

LUKE 22:53

Ke adaŋemi ŋkodude ye mbufo ke temple ke usen ke usen, mbufo inyanakere ubɔk iyom ndinam Mi ŋkpɔ: edi emi edi ifet mbufo ye eke odudu ekim.

JOHN 12:23

Jesus ɔbɔrɔ mmɔ ete, Ekem ini emi Eyen Owo edinyenede ubɔŋ.

JOHN 12:27

Ukpɔŋ otimere Mi ke idem ke emi, ndien ndidɔhɔ nso? Ete, nyaŋa Mi sio ke ubɔk ini emi? Edi mma nsim ini emi ke ntak emi.

JOHN 13:1

KE ini usɔrɔ Passover mitɔŋɔke kaŋa, Jesus ɔfiɔk ete ekem ini nte Imɔ idikpɔŋde ererimbot emi inyɔŋ itiene Ete; ndien ke erima emi Enye amade ikɔt Esiemɔ emi edude ke ererimbot, Enye ama mmɔ tutu akpatre.

JOHN 17:1

JESUS etiŋ mme ikɔ emi; ndien emenere enyin ese enyɔŋ, onyuŋ ɔdɔhɔ ete, Ete, ini emedi; nɔ Eyen Fo ubɔŋ, man Eyen Fo ɔnɔ Fi ubɔŋ;