MATTHEW 26:38 - Edisana ñwed Abasi Ibom

³⁸ Ekem Enye ɔdɔhɔ mmɔ ete, Ukpɔŋ Mi ɔfuhɔ eti-eti ekpere ndikpa; mbufo etie mi, ekpeme ye Ami.

MATTHEW 26:38 ပူးပေါင်းရင်းမြစ်များ

ŊWED MME PSALM 116:3

Mme uruk mkpa ekekan mi ekuk; mme ubiak obio ekpo enyuŋ esim mi: ŋkut ukut ye nnanenyiŋ.

ŊWED MME PSALM 42:5

Ukpɔŋ mi, nsinam afo ɔfuhɔde, onyuŋ etimerede mi ke idem? Dori enyin ye Abasi; koro nyesuk ŋkɔm enye ke erinyaŋa iso esie.

IKWƆ SOLOMON 5:3

Mma nsio ɔfɔŋidem mi: ndisine enye didie? Mma nyet ukot mi; ndidehe mmɔ didie?

ISAIAH 53:10

Ndien Jehovah ama enye ndinuak; esin enye ɔdɔŋɔ: ukpɔŋ esie ama osio isop idiɔk-ŋkpɔ, enye eyekut ubɔŋ esiemɔ, mme usen esie eyebigi, ndien se Jehovah amade eyesiaha enye ke ubɔk.

ISAIAH 53:12

Mmɔdo nyedeme ŋkpɔ ke otu ikpɔ owo nnɔ enye, enye eyenyuŋ edeme mbume ye mkpɔsɔŋ owo; koro enye akaŋwaŋade ukpɔŋ esiemɔ ɔnɔ mkpa: enyuŋ ebatde enye esin ke otu mme anam-idiɔk; enye onyuŋ obiom mme idiɔk ido ediwak owo, eyenyuŋ anam mkpe-ubɔk ɔnɔ mme anam-idiɔk.

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

MATTHEW 25:13

Ekpeme ndien koro mbufo mifiɔkke usen mme hour.

MARK 14:34

Enye onyuŋ ɔdɔhɔ mmɔ ete, Ukpɔŋ Mi ɔfuhɔ eti-eti tutu ekpere mkpa; mbufo etie mi ekpeme.

JOHN 12:27

Ukpɔŋ otimere Mi ke idem ke emi, ndien ndidɔhɔ nso? Ete, nyaŋa Mi sio ke ubɔk ini emi? Edi mma nsim ini emi ke ntak emi.

ŊWED MBON ROME 8:32

Enye emi mikesinke ndinɔ Eyen Esiemɔ, edi ayakde Enye ɔnɔ ke ibuot nnyin kpukpru, Enye edikeme didie nditre ndinɔ nnyin kpukpru ŋkpɔ ndian ye Enye?

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 PETER 4:7

Edi utit kpukpru ŋkpɔ ke ekpere. Mmɔdo mbufo enyene eti ibuot, enyuŋ efara ke idem, man ekeme ndibɔŋ akam.