MATTHEW 26:27 - Edisana ñwed Abasi Ibom

²⁷ Ndien Enye emen cup, onyuŋ ɔkɔm Abasi, onyuŋ ɔnɔ mmɔ ete, Mbufo kpukpru eda eŋwɔŋ;

MATTHEW 26:27 ပူးပေါင်းရင်းမြစ်များ

ŊWED MME PSALM 116:13

Nyemen cup erinyaŋa, nnyuŋ nseme ŋkot enyiŋ Jehovah.

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

IKWƆ SOLOMON 7:9

yak nsiŋ fo onyuŋ etie nte ata eti wine eke ama mi ɔŋwɔŋde inem-inem, eke onyuŋ anamde mkpɔk-inua mme ede-idap etiŋ ikɔ.

ISAIAH 25:6

Ndien ke obot emi ke Jehovah mme udim edinam akamba udia ɔnɔ kpukpru mme idut, ŋkpɔ eke enyenede isek, ndia ke wine eke anade ke ntak, ke ŋkpɔ eke enyenede isek, enyuŋ ewakde ndia, wine ke ntak eke etimde eduk.

ISAIAH 55:1

Oh, mbufo kpukpru emi itɔŋ asatde, edi ke mmɔŋ! ye owo eke minyeneke okuk! mbufo edi edep enyuŋ edia! enyuŋ edi edep wine ye mmɔŋ-eba, idige ke okuk, inyuŋ idige ke ekɔm-urua.

MATTHEW 15:36

onyuŋ emen uyo itiaba ye iyak oro; ndien ke ama ɔkɔnɔ ekɔm, obuŋ, ayak ɔnɔ mbet; mbet enyuŋ enɔ otu owo.

MATTHEW 26:26

Edi nte mmɔ ediade, Jesus emen uyo, ɔdiɔŋ onyuŋ obuŋ, ɔnɔ mbet Esie ete, Ebɔ, eta; emi edi ikpɔhidem Mi.

MATTHEW 26:28

koro emi edi iyip Mi, eke obufa ediomi, emi eduɔkde ebaŋa ediwak owo, man efen mme idiɔk-ŋkpɔ mmɔ.

LUKE 22:20

Enye anam kpa ntre ye cup, ke ini mmɔ ediade ema, ete, Cup emi edi Obufa Ediomi ke iyip Mi, emi eduɔkde kabaŋa mbufo.

1 ŊWED CORINTH 10:16

Cup eridiɔŋ eke nnyin idiɔŋde, nte oro idige eribuana iyip Christ? Uyo eke nnyin ibuŋde, nte oro idige eribuana ikpɔhidem Christ?

1 ŊWED CORINTH 11:28

Edi yak owo odomo idem esie ɔfiɔk, onyuŋ adia uyo, onyuŋ ɔŋwɔŋ cup ntre;