MATTHEW 26:13 - Edisana ñwed Abasi Ibom

¹³ Ke akpanikɔ ke ndɔhɔ mbufo, Ebiet ekededi eke edikwɔrɔde gospel emi ke ofuri ererimbot, eyetiŋ ŋko ebaŋa se ŋwan emi akanamde, ndida nti enye.

MATTHEW 26:13 ပူးပေါင်းရင်းမြစ်များ

ŊWED MME PSALM 112:6

Koro enye midisehekede ke nsinsi: owo edinen ido eyedi se editide ke nsinsi.

ISAIAH 52:9

Mbufo mme ŋwure Jerusalem, ebumere ekwɔ uyo kiet: koro Jehovah ɔdɔŋde ikɔt esie esit:

MATTHEW 24:14

Eyenyuŋ ekwɔrɔ gospel Ubɔŋ Abasi emi ke ofuri ekondo nte ntiense enɔ kpukpru mme idut, ndien adaŋoro ke utit eyedi.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MARK 13:10

Ndien enyene ndibem iso ŋkwɔrɔ gospel nnɔ kpukpru mme idut.

MARK 14:9

Ke akpanikɔ ke ndɔhɔ mbufo, Ebiet ekededi eke edikwɔrɔde gospel ke ofuri ererimbot, eyenyuŋ etiŋ se ŋwan emi akanamde, ndida nti enye.

MARK 16:15

Enye onyuŋ ɔdɔhɔ mmɔ ete, Eka ke ofuri ererimbot ekekwɔrɔ gospel enɔ kpukpru owo.

LUKE 24:47

enyuŋ enyene nditɔŋɔ ke Jerusalem ŋkwɔrɔ erikabare esit ye erifen mme idiɔk-ŋkpɔ ke enyiŋ Esie nnɔ kpukpru mme idut.

UTOM MME APOSTLE 10:4

Edi ke ini enye owukde enyin ese angel, ndik anam enye, enye onyuŋ ɔdɔhɔ ete, Nso, Ɔbɔŋ? Edi angel ɔdɔhɔ enye ete, Mkpe-ubɔk fo ye ŋkpɔ-mfɔn eke ɔnɔde mme ubuene ema edɔk edi ke iso Abasi, nte ŋkpɔ eke Enye adade eti fi.

ŊWED MBON ROME 10:18

Edi mmɔdɔhɔ nte, Nte mmɔ ikokopke? Ke akpanikɔ mmɔ ema ekop. Uyom mmɔ ɔmɔwɔrɔ ke ofuri isɔŋ, Ikɔ mmɔ enyuŋ esim utit ererimbot.

ŊWED MBON ROME 15:19

mbe se Christ akadade mi anam, ke ikɔ ye utom, ke odudu mme idiɔŋɔ ye mme utibe-ŋkpɔ ye ke odudu edisana Spirit, man mme Gentile esuk ibuot. Ntem ke mma ntɔŋɔ ke Jerusalem ŋkwɔrɔ gospel Christ ɔyɔhɔ-ɔyɔhɔ tutu ŋkanare ŋkosim Illyricum.

2 ŊWED CORINTH 10:18

Koro idige owo emi otorode idem ke ebat ke eti, edi owo emi Ɔbɔŋ otorode.

ŊWED MBON COLOSSAE 1:23

Edieke mbufo eyirede ke mbuɔtidem enyene iwuk enyuŋ esɔŋɔ eda, mindinyuŋ iyakke ŋkpɔ anam mbufo edianare ekpɔŋ idori-enyin gospel emi mbufo ekekopde; kpa gospel emi ekɔkwɔrɔde enɔ kpukpru owo ke idak ikpa-enyɔŋ: emi ekonyuŋ enɔde mi Paul ete ŋkwɔrɔ.

ŊWED MBON COLOSSAE 1:6

emi oŋwumde mfri onyuŋɔdiɔŋde diɔŋ ɔkɔri ke ofuri ererimbot, onyuŋ anamde ntre ke otu mbufo ŋko, toto ke usen emi mbufo ekekopde enyuŋ efiɔkde mfɔn Abasi ke akpanikɔ;

1ŊWED TIMOTHY 2:6

emi ɔkɔnɔde Idem Esie, ete idi ufak kpukpru owo. Ekɔnɔ mbuk ebaŋa ŋkpɔ emi ke edikem ini;

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

ERIYARARE 14:6

Ekem ŋkut angel eŋwen efefe ke ufɔt enyɔŋ, emi enyenede nsinsi gospel ete ikwɔrɔ inɔ mmɔ emi eduŋde ke isɔŋ, ye kpukpru idut ye esien ye usem ye obio;

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.