MATTHEW 25:46 - Edisana ñwed Abasi Ibom

⁴⁶ Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

MATTHEW 25:46 ပူးပေါင်းရင်းမြစ်များ

DANIEL 12:2

Ndien ediwak mmɔ emi edede idap ke ntan isɔŋ eyedemere: usuk eyedemere eduk ke nsinsi uwem, usuk ke but ye nsinsi esuene.

MATTHEW 13:43

Adaŋoro ndinen owo eyeyama nte utin ke Obio Ubɔŋ Ete mmɔ. Owo eke enyenede utɔŋ, yak okop.

MATTHEW 19:16

Ndien sese, owo kiet etiene Enye, ete, Andikpep, ndinam nso eti ŋkpɔ man nnyene nsinsi uwem?

MATTHEW 19:29

Ndien kpukpru owo emi ekɔkpɔŋde ufɔk, mme nditɔ-eka iren, mme nditɔ-eka iban, mme ete, mme eka, mme nditɔ, mme isɔŋ, kabaŋa enyiŋ Mi, eyebɔ utip utim ikikie, eyenyuŋ enyene nsinsi uwem.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MATTHEW 25:45

Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

LUKE 16:26

Akan oro, akamba ukpe odu ke ufɔt nnyin ye mbufo, man mmɔ eke eyomde ndito mi ntiene mbufo ekukeme, owo okunyuŋ ekeme ndito do ndi mi.

JOHN 17:2

kpa nte ama ɔkɔnɔ Enye odudu ndikara kpukpru obukidem, ete akpada nsinsi uwem ɔnɔ owo ekededi eke Afo ayakde ɔnɔ Enye.

JOHN 3:36

Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

JOHN 5:24

Ke akpanikɔ ke ndɔhɔ mbufo, Owo eke ekopde uyo Mi, onyuŋ ɔbuɔtde idem ye Enye emi ɔkɔdɔŋde Mi, enyene nsinsi uwem, inyuŋ idukke ke ikpe, edi ama oto ke mkpa ebe oduk ke uwem.

JOHN 5:29

mmɔ emi ekanamde se ifɔnde eyewɔŋɔ eduk ke eriset uwem, mmɔ emi ekanamde se idiɔkde eyenyuŋ ewɔŋɔ eduk ke eriset ikpe.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

JOHN 6:40

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

UTOM MME APOSTLE 13:46

Ndien Paul ye Barnabas edɔhɔ mmɔ uko-uko ete, Ana nte ebem iso etiŋ ikɔ Abasi enɔ mbufo. Sia mbufo esinde ikɔ oro, enyuŋ ebatde ete mmimɔ idotke nsinsi uwem, sese, nnyin ikabare itiene mme Gentile.

UTOM MME APOSTLE 13:48

Ke ini mme Gentile ekopde emi mmɔ edat esit, enyuŋ ekpono ikɔ Ɔbɔŋ: ndien kpukpru mmɔ emi ekenimde enɔ nsinsi uwem ebuɔt idem.

UTOM MME APOSTLE 24:15

Mmonyuŋ ndori enyin ke Abasi, kpa nte mmɔ nde edoride, nte, nti owo ye mme idiɔk owo eyeset ke mkpa.

ŊWED MBON ROME 5:21

man nte idiɔk-ŋkpɔ akadade ubɔŋ ke mkpa, kpa ntre ŋko mfɔn akpada ubɔŋ oto ke edinen ido, ɔwɔrɔ nsinsi uwem oto ke Jesus Christ Ɔbɔŋ nnyin.

ŊWED MBON ROME 6:23

Koro ŋkpɔ-eyen-utom idiɔk-ŋkpɔ edi mkpa, edi enɔ Abasi edi nsinsi uwem ke Christ Jesus Ɔbɔŋ nnyin.

ŊWED MBON GALATIA 6:8

Owo eke ɔtɔde ɔnɔ obukidem eyedɔk mbiara oto obukidem; edi owo eke ɔtɔde ɔnɔ Spirit, oto ke Spirit ke enye eyedɔk nsinsi uwem.

2 ŊWED THESSALONICA 1:9

emi edidianarede ke iso Ɔbɔŋ ye ke iso ubɔŋ odudu Esie,

1 JOHN 2:25

Ndien emi edise Enye ɔkɔŋwɔŋɔde ndinɔ nnyin, kpa nsinsi uwem.

JUDE 1:21

enyuŋ etie ebet mbɔm Ɔbɔŋ nnyin Jesus Christ emi edisuŋɔde ke nsinsi uwem.

ERIYARARE 20:10

Ndien emen Satan emi akabiaŋade mmɔ eduɔk ke akwa ŋkpɔdiɔhɔ ikaŋ ye brimstone, ke ebiet eke unam ye prophet nsu edude; eyenyuŋ etuhɔre mmɔ ke uwemeyo ke ke okoneyo ke nsinsi-nsinsi.

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.