MATTHEW 25:43 - Edisana ñwed Abasi Ibom

⁴³ itɔŋ akasat Mi, ndien mbufo inɔŋɔ Mi mmɔŋ: ŋkedi esen, ndien mbufo idaha Mi ika ufɔk; ŋkedi iferi, ndien mbufo isineke Mi ɔfɔŋ; ŋkɔdɔdɔŋɔ, nnyuŋ ntie ke ufɔk-ŋkpɔkɔbi, ndien mbufo idige idise Mi.

MATTHEW 25:43 ပူးပေါင်းရင်းမြစ်များ

ŊWED JOB 31:19

Edieke ŋkokutde nte owo atakde ke unana edisine-ŋkpɔ, mme ŋkut mme ubuene nte mifukke ŋkpɔ ke idem:

JEREMIAH 23:2

Mmɔdo ntem ke Jehovah Abasi Israel ɔdɔhɔ abaŋa mme ɔbɔk erɔŋ emi ebɔkde ikɔt mi, ete: Mbufo emesuan ufene mi, enyuŋ ebin mmɔ efep, inyuŋ itiŋke mmɔ enyin ise: sese, ami nyenɔ mbufo ufen mbaŋa idiɔk ido mbufo: emi edi uyo Jehovah.

EZEKIEL 22:29

Mbio isɔŋ enam nnama, enyuŋ ewo ŋwo, enyuŋ efik eyen ukut ye ubuene, enyuŋ etuk esen owo ke ido eke minenke.

MATTHEW 25:36

ŋkedi iferi, ndien mbufo esine Mi ɔfɔŋ; ŋkɔdɔdɔŋɔ, ndien mbufo edi edise Mi; ŋkodu ke ufɔk-ŋkpɔkɔbi, ndien mbufo edi ke ɔtɔ Mi.

MATTHEW 25:42

Koro Ami ŋkokopde biɔŋ, ndien mbufo inɔŋɔ Mi udia;

MATTHEW 25:44

Ekem mmɔ ŋko eyebup Enye ete, Ɔbɔŋ, ini ewe ke nnyin ikokut Fi etiede biɔŋ, me nte itɔŋ asatde Fi, me nte edide esen, me iferi, me nte ɔdɔŋɔde, me nte etiede ke ufɔk-ŋkpɔkɔbi, ndien nnyin itre ndinam ŋkpɔ nnɔ Fi?

UTOM MME APOSTLE 15:36

Edi ke ndusuk usen ema ekebe, Paul ɔdɔhɔ Barnabas ete, Yak nnyin ifiak inyɔŋ kpukpru obio, eke nnyin ikɔkwɔrɔde ikɔ Ɔbɔŋ ke esit, ikese nditɔ-ete nte mmɔ etiede.

MME HEBREW 13:2

Ekufre ndikama isen owo, koro ndusuk owo ema esaŋa ntem eda mme angel eduk ufɔk, idiɔŋɔke.

MME HEBREW 13:3

Eti mmɔ emi edude ke ŋkpɔkɔbi, nte ŋkpɔ eke ekɔbide mbufo ye mmɔ; enyuŋ eti mmɔ emi ekutde utuk, sia mbufo ŋko edude ke ikpɔhidem.

JUDGES 19:15

Ndien mmɔ ewaha do, ete ika ikadaŋ ke Gibeah: ndien enye oduk ɔsuhɔre etie ke aŋwa obio: koro owo baba kiet midiɔŋke itie-nna ke ufɔk inɔ mmɔ man mmɔ edaŋ.