MATTHEW 25:40 - Edisana ñwed Abasi Ibom

⁴⁰ Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 25:40 ပူးပေါင်းရင်းမြစ်များ

2 SAMUEL 9:1

EKEM David ɔdɔhɔ ete, Nte owo ke odudu kaŋa osuk ke ufɔk Saul, man mfɔn ido ye enye mbaŋa Jonathan?

2 SAMUEL 9:7

Ndien David ɔdɔhɔ enye, ete, Kufehe ndik; koro ndinamde mfɔn-ido ye afo mbaŋa Jonathan usɔ, nyenyuŋ nyak kpukpru iŋwaŋ Saul usɔ nnɔ fi; afo eyenyuŋ adia ŋkpɔ ke okpokoro mi kpukpru ini.

2 NDIDEM 4:10

Mbɔk, yak nnyin idiɔŋ ekpri ubet enyɔŋ ibibene, inyuŋ inim bed do, ye okpokoro, ye ifum, ye utuenikaŋ, inɔ enye: Ndien ama ekem ke ini enye edide ke ɔtɔ nnyin, enye ediwaha oduk do.

MME ŊKE 14:31

Owo eke efikde eyen ubuene esue Andibot enye: edi atua ubuene mbɔm okpono Enye.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

JEREMIAH 39:17

Ndien nyenyaŋa fi ke usen oro, Jehovah ɔdɔhɔ; mmɔ idinyuŋ idaha fi isin ke ubɔk mme mmɔ emi afo edikhede ke iso mmɔ.

MATTHEW 10:40

Owo eke onyimede mbufo onyime Mi, ndien owo eke onyimede Mi onyime Andidɔŋ Mi.

MATTHEW 10:42

Ndien owo ekededi eke edidade cup mbit-mbit mmɔŋ ɔnɔ kiet ke otu ŋkpri owo emi ɔŋwɔŋ ke enyiŋ mbet Mi, ke akpanikɔ ke ndɔhɔ mbufo, enye iditreketre ndibɔ utip esie.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MATTHEW 25:39

Ini ewe ke ikonyuŋ ikut Fi ɔdɔŋɔde, mme ke ufɔk-ŋkpɔkɔbi, ndien idi idise Fi?

MATTHEW 25:45

Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

MATTHEW 28:10

Ndien Jesus ɔdɔhɔ mmɔ ete, Ekufehe ndik: eka ekɔdɔhɔ nditɔ ete Mi, ete, mmɔ enyɔŋɔ eka ke Galilee; mmɔ edinyuŋ ekut Mi do.

MARK 9:41

Koro owo ekededi eke edinɔde mbufo cup mmɔŋ eŋwɔŋ ke ntak enyiŋ Mi, koro mbufo enyenede Christ, ke akpanikɔ ke ndɔhɔ mbufo, enye iditreke tre ndibɔ utip esie.

LUKE 19:38

Itoro enyene Edidem emi edide ke enyiŋ Jehovah: Emem odu ke heaven, ubɔŋ odu ke ata enyɔŋ.

JOHN 20:17

Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

ŊWED MBON ROME 8:29

Koro mme owo emi Enye ekebemde iso ɔfiɔk, ke Enye okonyuŋ ebem iso onim ete mmɔ ekpekabare ebiet Imɔ, man Enye oro edidi akpan ke otu ediwak nditɔ-ete:

2 ŊWED CORINTH 4:5

Koro idige idem nnyin ke nnyin ikwɔrɔ, edi Christ Jesus, ite, Enye edi Ɔbɔŋ, inyuŋ ikwɔrɔ ibaŋa idem nnyin, ite, idi ifin mbufo kabaŋa Jesus.

ŊWED MBON GALATIA 5:13

Nditɔ-ete, ekekot mbufo ete edidi nditɔ-isɔŋ; edi ekuda itie eyen-isɔŋ mbufo eyom ufaŋ enɔ obukidem, edi esaŋa utom enɔ kiet eken ke ima.

ŊWED MBON GALATIA 5:22

Edi mbuŋwum Spirit edi ima, ye idaresit, ye emem,

ŊWED MBON GALATIA 5:6

Koro ke Christ Jesus erina mbobi ifɔnke ŋkpɔ erinyuŋ ntre ndina mbobi ifɔnke ŋkpɔ, edi mbuɔtidem emi anamde utom ke ima.

ŊWED MBON EPHESUS 5:30

Koro nnyin idide ndido idem Esie.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 JOHN 4:20

Edieke owo ɔdɔhɔde ete, Mmama Abasi, ndien enye asua eyen-ete esie, enye edi osu-nsu; koro owo emi mimaŋa eyen-ete esie emi enye okokutde ke enyin ikemeke ndima Abasi emi enye mikekwe.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.